الحيآه حلوه ْ~ مهم لكل الصبايا الحلوين

[ALIGN=CENTER][TABLE1="width:100%;background-color:white;"][CELL="filter:;"][ALIGN=center]

وكمان الصوتيات الي موجودهـ عندنا .
وهل يحلو التصفح أو حل الواجبات بدون ماالسماعات تشتغل ..!
نبعد شوي عن الميوزك .ونحط أناشيد ..تلاوات .. شعر .. طقاقات بدون موسيقى تطلع لك شي يخليك ترقصين غصب
اهم شي مايكون يزعل ربنا ..
وبكذا نحط قائمه جديده ..إننا نعود أنفسنا على ترك الأغاني .. بحيث اننا نعوض ..

EMAIL.COM
أرسلي كل اسبوع رساله حلوه لصحباتك لاهلك.
شوفي اشياء عن الدين "أحكام ,, فتاوى ..الخ" .. قصة للرسول. فائده.. ذكر ..
عودي نفسك عليه لازم كل اسبوع أرسل شي بس له عائد .. غير الرسائل اللي نسوي لها إعادة إرسال..
إنتي أكتبيها .. واحتسبي فيها الاجر .. كل حرف تكتبينه مأجوره عليه بإذن الله .
أو ممكن ان كان فيه كتاب بسيط .. كل فتره إكتبيه وفرغيه .. خصوصا اللي تخدم طلاب العلم .. قد إيه أجرها..
وبس أهم شي إنبسطي مع كمبيوترك عفوآ ولدك الجميل






شوفي شحالاتها > داريه انهم موب مثلها ..يمكن أزين ويمكن أشين < -- صدق والله ماقلت شي غلط .
المهم ..
يختي من زمان أقولهم صح المبزره مغثه ويجيبون المرض وعله وحوسه وو .. بس شلون الحياه بدون أطفال..
خصوصا اللي متعود على رجتهم في البيت . لو شفتي بزر طعوم بالله ماودك تقرصينه أو تبوسينه ..؟
حلاه الدنيا هالأطفال
وسبحان اللي قال " المال والبنون زينة الحياه الدنيا"



عوديهم عالاذكار يوميآ.. ولو تشرين كيس حلاوه او شيبس أو بسكويت .. يوهـ قد إيش راح تنشق خششهم ؟
عن تجربه تراه قسم تشوفينهم وهم يتسابقون .. وناسه ..
شجعيهم على حفظ شي من القران ..
داريه فيه بزران يجيبون المغص والعله ويحومون الكبد ...
بس مايمنع الواحد انه يعطيهم وجه ويبسطهم ..
صح تعالوا .. تذكرون زمان كنا نسمع حديث عن ان اللي يفرح الاطفال مدري وش جزاه.. هو صحيح والا لا ؟
دورت بس ماني لاقيه شي ؟
كشخيهم . أبسطيهم .. سويلهم حفله صغيهر على قدهم .. وقوليلهم اللي يحفظ مثلا سورة كذا أو ايه الكرسي أو الاذكار بسوي له حفله وبجيب له جائزهـ .. بتكسبي فيهم أجر .. وان كان كل يوم يقرا هاللي حفظه أجره راجع لك.
الزبده ..
لاتزعلون المبزرهـ وفرحوهم وعودوهم هم الجيل الجاي ...أما ان كان مسوي شي غلط لا هنا مالي دخل



لــــك عشان لاتقولين طولتوا علينا وماضيفتوني -- > قسم تحسيره ذي مو هديه



يالله جا دورك .. شمري كمامك كان ودك تهاوشين ..


وـ هـ يازين الستر .
وش له الشخلعه واللبس اللي مو زين ..؟
تجيك لابسه سترتش وتنوره شوي وتصير بلوزهـ .. يطلع الشكل مقرف .. مقزز
وإلا الظهر كله طالع .. له اللي يبط الكبد ويجيب الطـ .. اللي مفتوح من قدام ماخذ الخط السريع
يعني لو شريتي فسطان حلو ونعوم وكوشخه..سوي له حركة تستير , تعطيه شكل احلى .أي طريقة وياكثر الطرق .. يابلوزه تنلبس جوه من التل .. أو جكيت بس حركة غريبه


والبناطيل .. ألبسيها بس مع بلوزهـ طويله .. مع فستان .. أهم شي ماتخالفين دينك ..
وألبسي وأكشخي .. وأهم شي تطلعين وحده جميله جدا واجلم وحده ويختي وش حلا البنت لو مالبست وصلحت شعرها ولبست من الاكسسوارز وو.. وزينت أظافرها __ > ترا عندي عقده كل ماطولتها بسويلها حركات وقت البيريود أروح أقصها

**لا يجوز للمرأة لبس البنطلون عند غير زوجها..- ابن جبرين
**لبس البنجابي .. ولا حرج على المرأة من لبسه أمام النساء والمحارم إذا توفرت فيه الشروط السابقة ، على أن تكون " البلوزة " التي فوقه واسعة وطويلة تصل إلى الركبة على الأقل.- محمد صالح المنجد
** ثبت أن النبي لعن الواصلة والمستوصلة، فإذا نهي عن وصل شعر الرأس بغيره فكذلك رمش العين، لا يجوز وصله،- ابن جبرين
**الرموش الصناعية سيحقق فيه معنى الوصل المنهي عنه ، لأنه مثله وقد نهى النبي صلى الله عليه وسلم عن الوصل ولعن فاعلته والمفعول بها،- ابن باز
واللي تحب تسأل أكثر ومفصل عن لبس المرأه عن الناس والعوره فيه موقع الاسلام سؤال وجواب حطي سؤالك فيه

www.islam-qa.com/ar

نجي للوناسه
يختي ماتخططي يوم إنك تسوين قهوه .. وحلى .. وإلا شاي وكيك سوي سناعه .. وجمعي اهلك
وتعالوا نسولف ونتهرج ونتحكى ونضحك
أهلك هم دنيتك وما يعرف إلا اللي مغترب وإلا ماله احد
إقترحي طلعة بر وإلا للبحر "للي عندهم بحر طبعا" أو إستراحة أو أي مكان ..
وسوي كم خطوه مثلا لعبه .. مفتاح لهرجه .. مقتطفات من كتاب .. تشوفون احوالكم وكيف أيامكم ودنيتكم ..
ومامتك وبابتك
إن كانوا موجودين الحمد لله نعمه ..
سولفي معاهم وخليهم هم يسولفون عن أيامهم وحكاويهم ..
وخليها جلسه حلوه لاتخلو من المرح والفله والأكل والسوالف والفوايد
وبكذا أخذتي جر ..طبعا بنيه..


فاصل شاورما

[/ALIGN][/CELL][/TABLE1][/ALIGN]