هذا بلا ابوك ياعقاب

[poem=font=",6,gray,bold,italic" bkcolor="black" bkimage="" border="double,4,gray" type=2 line=0 align=center use=ex num="0,black""]
حزة غروب الشمس يوم الشفـق ذاب=وتكسـر النـور الهزيـل بسحـابـه
جتني تقول الجـرح عاميـن ماطـاب=وفي عينهـا رمـز الشمـوخ الكأبـه
وجمر الوله ضمه جفن عين وهـداب=وانفاسها صـوت الحـزن والصبابـه
جتني اخطاها تقتل عيـون الاغـراب=تلبس مـن الحرمـان ثـوب القرابـه
وتلبس من الحاضر عن الماضي حجاب=وتنقش على كـف الزمـان الغرابـه
ماكنها الا شرهة اصحـاب لأصحـاب=المـزح والا الجـد فيـهـا تشـابـه
ياليتها غابت واقـول البخـت غـاب=ولا تاخذ امن العمـر زهـرة شبابـه
يكتب قلمها الدمع لي سـر الاعجـاب=وانا غموضي شـي صعـب الكتابـه
مرباعها فوق اللحى تحـت الاشنـاب=في سد وجهي ستـر حضـرة جنابـه
قاله نمر هـذا بـلا ابـوك ياعقـاب=نبغا الستر با العـون راحـت طلابـه
ياسيده تطغى على المـوت الاسبـاب=حكمـة إلـه وسطروهـا الصحـابـه
والسيف الاملح لاصطى قص الارقـاب=لاجـودت يمنـى الوليـده نصـابـه
تعـددت لاسبـاب والمـوت مخـلاب=(من لم يمت باالسيف) جايـه حسابـه
وانا حسابـي كـم مـع كـم طـلاب=وكم أسئله فـي غربتـي دون إجابـه
في عاشق(ن) رحال وافكـاره اركـاب=والمحبـره والريـش جملـة زهابـه
يكتب مع التاريخ ثـورات الاعصـاب=ويرسم بلون الطيـف لوحـة عذابـه
ورى خيوط الشمس له بيت واطنـاب=وترعى همومـه وسـط وادي غيابـه
وطرز نجـوم الليـل بـرواز جـذاب=حتى اختفت والغيـم عانـق ضبابـه
ولو المطر يحمـل مشاريـه وعتـاب=مـا راح مـن غيمـه يـدور ترابـه
ولو للمحبه نهـج وعـروق وانسـاب=ماعانـق القـوس الحزيـن الربابـه
ولوتمسح الذكـرى عناويـن غيـاب=ريحت رجلي عـن خطـاوي سرابـه
يوم السراب اللي ملا الكـاس كـذاب=لو صـدق العطشـان شوفـه غدابـه
الفعل ماضي ينقصـه بـس الاعـراب=ومستقبل(ن) شالـه مقـص الرقابـه
ياسيده همه تـرى اجـوال واسـراب=شفتي كلامـه كيـف صـور عتابـه
ياسيده لو مات في عيـون الاجنـاب=يمـوت واقـف والكفـن لـه ثيابـه
ياسيـده تقفـلـت كــل الابــواب=دنيـاه صـارت كبـر راس الذبـابـه
وياسيـده لوينفـتـح للهوى بــاب=شفتي بجوفه قصـر طيـن وخرابـه
وذابت وغابت والشفـق بعدهـا ذاب=وانا حجبـت النـور قبـل السحابـه
[/poem]