|
قصيده عبد الكريم الجباري وش يبعد الهم ياللي ناشد
هذي القصيده لشاعر عبد الكريم الجباري الشمري
واكثر ماتسمع لشعر عبد الكريم الجباري لن بعض شعره عن البر وعلوم المراجل اللي عنده عسى ربي يحيمه
وش يبعد الهم ياللي ناشد(ن)عنــــه
عز الله اني عجزت انطقه بلساني
ياما تقهويت من هيله ومن بنـــــه
لو قلت له بس قال اقدع وقهواني
ياجر قلبي ليا من جرو الشنــــــه
احس معلوق قلبي جر الالحاني
الرجل قد المواقف يوم ياتنــــــه
مير الرفيق ان تنكر موقف(ن)ثاني
الي هقا فرجال وخيبو ظنـــــه
كنه يطعن بحد السيف شاماني
ابوي يطري كلامه يامال الجنــــه
تمشي نصيحته في دمي وشرياني
يقول حقي عليك ان ضيقك تكنـــــه
انك اتحمله لو ماكنت غلطاني
كم واحد(ن)في مصابك يبتسم سنـــه
ولا ابيه يشمت فيك اي انســـــــــاني
الجرح لابد ما الايام يبرنــــــــه
ولابد خيط الجريمه يعلن الجاني
والحرب انا لا نويت اعلنه واشنـــــه
مايعرف بنيتي لو اقرب اخواني
والطيب لامن فعلته مابها منـــــه
درب(ن) نحدر معه من دور جداني
والي تردى يصير بنظرتي كنـــــه
ميت وهو حي جعل الله لايبلاني
والا رفيقي ليا من جرله ونـــــه
كنه يحرم عليه نوم الاعياني
الرجل قد الصعايب ما يهدنـــــه
و الحمل يثني له الركبه بليهاني
قال المثل عيب من بعد العزم كنـــه
و عيب(ن) على اللي تخفى عقب ماباني
النور يبقا وايدينك مايخفنــــه
والطيب متعدد(ن) اشكال والواني
وحظيظ من تم شرع الله والسنه
وما هو على مغريات الوقت شفقاني
يالله لاتحرم الطيب من الجنـــــه
وفي ذلة النفس ياربي لاتبلاني
تقبلوووو تحياتي
اخوكم
شايل جروحي بروحي
|
العضو الأكثر نشاطاً هذا اليوم 
العرض العادي
