.•ஐ•i|[ ديوان الشآعره على النيه ]|i•ஐ.•.

{ شفت النجــوم المرقبه في السما فوق }


http://www.b3b7.com/vb/showthread.php?t=66903



[poem=font=",6,darkred,bold,italic" bkcolor="transparent" bkimage="http://www.b3b7.com/vb/mwaextraedit2/backgrounds/195.gif" border="inset,6,silver" type=1 line=0 align=center use=ex num="0,black""]






شفت النجوم المرقبه في السما فوق=
.......... قدرك ترى عندي مثل ذا النجومي

لا تغيرك دنياك ويبرد بك الشـوق=
.......... الشوق نزعه مثل نزع السهومي

انا ترى من حبك اغيب وافـوق=
.......... كني مريضٍ مبتـلى بالسقومي

ناظر بحالي يمكن اتحن وتـروق=
.......... ليا طريت افز من حلو نومي

ترى الغلا لا من سطا مابه فروق=
.......... كل الخلايق ودها انه يدومي

ارفق بحال الي من البعد محروق=
.......... لا تضيع في الدنيا وفيها تعومي

يابعد حيي شوفتك كنها شروق=
.......... لا طول الغيبه وهات العلومي

لابد في يوم( ن) تبا تلفي النوق=
.......... وهذا هو الواقع وشين محتومي

والله ما رجي واحد(ن) وده يعوق=
.......... انساه لو ان الليالي تشومي
[/poem]