حر ن فقد شيهانة البيض حره

بسم الله الرحمن الرحيم

أحبتي /

السلام عليكم ورحمة الله وبركاته


يقووول / الشاعر

شد الضعن واقفوا هله فيه نجاع


وأخفت حوافر خيلهم كل جره


وأخفى ضجيج أضعونهم صوت ملتاع


حر(ن) فقد شيهانة البيض حره


يصفق بجنحانه على هدف الأضلاع


لولا الحنايا ماأستقر بمقره


يصفق ووناته مع الريح ذعذاع


تناقلته ام الهبايب تجره


يقفا ورا لذة تعابير الأوداع


أثره صدى صوته على البعدغره


مااعطوا أمل لو بعد مده بمرجاع


ولابشروا من ينتظر بالمسره


غير العسام اللي كسى كل مرباع


والليل طال وعانق الصيف حره


ضاق الفضا من بعد وسعه على باع


لامرني واحد ولا احد(ن) يمره


صارت عصافير الهوى اوحوش وسباع


وليل المسامر صار بالقلب حسره


عض الندم بمفارقه روس الأصباع


وعرفت مقسومي من الوقت شره


الريح تسرق ذكرياته من القاع


ماكنها قبل امس عطره تذره


توالت الأيام وصويحبي ضاع


وأنا اتذكر من عليه أتشره


والصبح جيراني عن الدار نجاع


وأنا اتتبع بالخلا كل جره

وسلامتــــــــــــــــــــكم

الشاعر / مسلم عواد البويني

صح لسانك ولسان شاعرها
وتسلم يمينك ع الإنتقاء الراائع.

سلمت وسلم ذووووقك
لا خلا ولا عدم

اختيار ذوقـــ سلم ذوقك وسلم قايله

راقت لي كثيرا
سلم شاعرها
وسلمك الله على روعة الانتقاء

شاكر لكم الحضور
دمتم
بعافية
اسعدني مروركم الكريم

نص راقي ورائع
صح الله لسانك ولسان شاعرهـ
سلمت اياديك
وعساك ع القوه ياارب

صح لسانك ولسان شاعرها
وتسلم يمينك

انتقاء رائع واكثر
صح لسان الشاعر وسلمت يمناك
سلمت ذائقتك المميزه

كلمات في قمة الروووعه

كل الشكر لك

عافاكم الله كم انا سعيد بهالحضور الموقر

كل التقدير لكم

انتظرو الجديد