هنا نجمع كل المرثيات التي قيلت في الامير طلال الرشيد ( رحمه الله )

فياض التومي

بسـم الله ابـدا وابتـدي نـظـم المثـايـل والقصـيـد

وشلـون لاصـار القصيـد الـيـوم عنـوانـه طــلال

مرثـيـه ارثــي بـهــا شـمــر ونـفـسـي يـــوم عـيــد

عـيـد الفـطـر والله ارثــي حـايـل واهــل الـشـمـال

رابـــع ايـــام الـعـيـد والله راح مـــن شـمــر فـقـيــد

مـن مارثـة رجـل مـع التاريـخ يعـر ف بالرجـال

طـــلال والله طـايــل فـعـلـه عـــلا ابــــن الـرشـيــد

أرض الجزيرة تعرفـه رجـل جمـع زيـن الخصـال

طــيـــب وكـــــرم ورايـــــات بـيــضــا لـــــه تـشــيــد

مرضى ويتامى وكل من له حاجة طول الليال

طـــــلال والله فـاقـديـنــه وفـــاقـــده ذاك الـنـشــيــد

حـتـى القـوافـي فـاقـدة روح المـعـانـي والـجـمـال

الـصــيــد والله فــاقـــده لا عـــادهـــا والله صـــيـــد

حتى الطيور الحايمة عافت بعد روس الجبال

طـــــلال طـــــل بـنـظـرتــك حـالاتـنـاحـالـه زهـــيـــد

الـحــزن فـيـنـا أسـتـقـر يامـيـرنـا والـحــال حــــال

الـكـبــد مــنــي ذايــبــه يـامـيـرنــا ذوبـــــه جـلــيــد

القلـب منـي ينصلـي مثـل صلـي صفـر الــدلال

لاوالله الاعـانــدن الـنــوم واصــبــح لــــي عـنـيــد

النـوم مـن عينـي جــزا ياسامـعـي مـابـه ســؤال

طلال لو بـس ينتخـي فـي طفـل جينالـه هديـد

شمـر كمـا سيـل تحـدر وانحـدر مــن كــل جــال

يـــارب يـارحـمـن يـامـنـزل بــعــد ســــورة حــديــد

انــك تعـيـن أمــه وتجـبـر خـاطـرة يــاذا الـجــلال

تجـبـر عــزا كـــل متـحـطـم يـاكـريـم بـيــوم عـيــد

تجبـر عـزا نـواف مـع عبـد العزيـز نعـم الرجـال

يالله عــبــدك طـالـبــك يــــارب بـالـعـمـر الـمـزيــد

يــــارب مــــد بـعـمـرهـم رجــــال وابــوهـــم طـــــلال