ضاعت اضاءت شمعتي بالمدينه=واشتبت شموع الامل في حياتي
لولا الامل كان الهموم الدفينه=صالت وجالت في حياتي وذاتي
مستقبلي مرسى وحزمي سفينه=سفينة الاحلام مركب نجاتي
تجري ببحر(ن)ماغشته السكينه=بحر(ن)عميق ويابن الاجواد عاتي
للموج صارت ياعشيري رهينه=وانا عليها صابر(ن) ياغناتي
نفسي من ظروف الليالي حزينه=هم(ن)يروح وهم يقبل وياتي
ارجي من اللي ماارتخى جفن عينه=انه يشتت هم قلبي شتاتي
وانه يجنبنا الاسى والغبينه=وانه يحقق لي جميع امنياتي