((ديوان الشاعرمتعب بن طوالة))

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]


سلسبيل العشق

http://www.b3b7.com/vb/showthread.php?t=98426


[poem=font=",6,white,bold,normal" bkcolor="seagreen" bkimage="" border="double,4,white" type=1 line=0 align=center use=ex num="0,black""]





الله يـهـدي خـطــات الـقـلـب ياشـيـنـه=
قـاسـي وراعيَـتـه طبـعـه بـعـد قـاسـي
نــص الرسـايـل يبـيـن مــن عناويـنـه=
وانا عرفت العرب من فطرة احساسي
الـشـوق غـصـنٍ يـقــدم ثـمْـرتـه لـيـنـه=
تـرى المشاعـر تبـي ساقـي وغراسـي
يـارب تجبـر عــزاء الخـفـاق وتعيـنـه=
مافِـطِـن الـلـي تنـاسـا فِـطِـن الـنـاسـي
قـلــبٍ يـحـبـك حـــرام انـــك تخلـيـنـه=
من كثر ماغلاك حطيتك علـى راسـي
صـــرح الـغــلا ياحـيـاتـي لاتـهـديـنـه=
تراك سيـل العـروق وزفـرت انفاسـي
احــســك انـــــك بـقـلـبــي لاتـعـديـنــه=
اجمل عبارة غـلا وضلوعـي اقواسـي
طـاريــك كـمـبـوديٍ تـدمــن محـبـيـنـه=
لابَــن وســط المبـاخـر شِــم ويبـاسـي
مـادام عنـدي جميـع البـيـض تسويـنـه=
لاتطعنيـن الوفـاء فـي رمـح جسـاسـي
حيـر المشاعـر نخـل وعـذوق تجنينـه=
وانتـي تحطبيـن جـذع الغيـد بالفـاسـي
يالـيـت حـبـل المـواصـل لــي تمديـنـه=
حتى النظر ينعكـس بخـدودك الماسـي
وتصيـر قـولـت هـلابـك شــي يازيـنـه=
نشوة لقاء سلسبيـل العشـق فـي كاسـي
بـه تقتليـن الجـفـاء والـوصـل تحييـنـه=
وحقيقـة القـرب تذبـح بعـدك الخـاسـي
تنحـر سنيـن القهـر وتخـش فـي عينـه=
حتـى السهـر يتـرك الاجفـان لنعـاسـي
الله يقـطـع شـهــور الـهـجـر وسنـيـنـه=
ليتـك معـي فـي جزيـره مابهـااا ناسـي

[/poem]
[/ALIGN][/CELL][/TABLE1][/ALIGN]