موظفة القطاع الصحي ونظرة المجتمع .....لمـــــاذا .....

يعطيك العافيه إختي على هالموضوع الراقي والشامخ
وتسلمين على إثارة النقطه المهمه والمفيده في مجتمعنا ..
لا شك إنه في مجتمعنا يعني البعض يقول والله بنت فلان ما فيها شي
جمال وأخلاق وكل شي بس إنها تشتغل بقطاع صحي على سبيل المثال ممرضه فيقول لك لا والله مابي اتزوج الممرضه هذي اذا راحت تداوم تختلط مع شباب وتشوف عيال لا والله هذي مابيها هذي النظره الإيجابيه اللي قد نتلقاها مع إنه البعض يقول لا البنت اللي تشتغل في قطاع صحي
هذي فيها وما فيها ويبدأ يتكلم ويألف ويقذف في عرضها وهو ما يدري وش السالفه .
القطاع الصحي وجد ليس لتعارف أو للخلوه أو مهمها كان شي سيء
هو وجد لإنقاذ وتقديم المسعاده والرعايه الطبيه لمن يحتاجها .

أما بالنسبه لسؤال اللي طرحتيه علينا يا الرجال :-
س/ هل تتزوج بنت تشتغل في القطاع الصحي ؟
ج/ إي والله أتزوج وأفخر بها بكل مكان وبكل حين .
طبعا شريطة أن تكون الزوجه ترعى حقوق زوجها بالكااامل وتكون مسؤوله عن بيتها المسؤوليه الكامله أما إن كان في عملها تراخي في البيت ومسؤولياته فأنصحها بعدم الزواج حتى تقدر على ذلك . "لأسباب "

همسه // الزوجه أو الفتاة بشكل عام دامها خايفه ربها محتشمه والله لو تضعها بين مليون شاب يريد أن يعترضها لا يستطيع لأنها حافظه نفسها محتشمه وكل ذلك بتوفيق الله عز وجل .