][ .. لعب احترافي .. ][ .. صوتيه ..

أحْرجَتْني قصْدَها تعْرف غلاها
.......... يوم بيّح قدْرَها ليل اعترافي .. !

ياشيخ كذا المطلع والا فلا

قلْت ابرْكب موجتي ساعة صفاها
.......... وانْتزع من داخل بْحوري قوافي !

آه بس اكتفي هنا بالخيال..

حَدِّني يمّ الغرَق زايد حلاها
.......... والدلع زوّد معايير انحرافي .. !

يامنحرررررف ما تنلام

إنْ غَرََقْْت فْـ موْطني جمْرة شِفاها
.......... وان رسيت فْـ عينها الكحْلا مرافي !

يازين هالغرقه..


كبَّرَت وحْروفي الخرسا وراها
.......... قِبْلة ٍ يسْجِد لها حرْفي و يافي . !

ياربااااااااااه هنا تظهر لنا شخصيه واعيه شعريا
ومدركه لما تقول..


طرّزي يا نشوة عروقي سماها
.......... وامطري جنّة مرابعها الهَرافي . !

اي خيال هذا ؟ ماذا بعدت المطر؟ يخبرنا بالبيت التالي

و الْحَقي ليل ٍ حَلَََم فيها وسراها
.......... دامني برْوي من احلامه جفافي . !

هنا تاتي التكمله لله درك

يا بقايا حيلي اسْتَرْحِم دفاها
.......... إشْتِكَى من بارد عْظامي لْحافي .. !

ههههههههههههه ..

ما دريت إنّي تمكّنْت بْحشاها
.......... وانّها تنْوي من الناس اختطافي . !

هنا انتهى دور الشاعر واتى دور المعشوفه..


ما قويت ابْدِي شعوري في هواها
.......... لين قالت يالغلا [ حان اقتطافي ] . !

هههههههههههه ياويلك ياخالد ..


اسمحلي ياخالد انا لست بناقد ولكن انت تعلم ان داخل كل شاعر شخص اخر ناقد
والا كيف يتمكن من تعديل قصائده وتقديمها للناس

كثيرا ما يقراء الشاعر قصيده ويقف احيانا عند كلمه او بيت ويقول لو ان الشاعر بدل
هالكلمه بكذا او كذا كان افضل ولكن انت لا والله عداك العيب ماشاء الله عليك..

مطلع + تمهيد + فكره مرتبطه + صور + خيال + قفله

والله يعجز اللسان عن التعبير امام حرفك شاعر واعي ومدرك

صح الله لسانك حتى ترضى يالجزل..واعذرني عن القصور
تحياتي واعجابي دائماً..