| | و و أنادي من ورى صوتي .. وفدموعي مرار الملحْ ..! | | [ إبراهيم الوافي ]

[ALIGN=CENTER][TABLE1="width:80%;background-image:url('http://www.shy22.com/pngfile/9rc63051.png');"][CELL="filter:;"][ALIGN=center]

أبيكْ انتي ..


لونِّك فآخر المشوارْ


لونِّك لي حمامة دارْ


عرفت ( المستحيل ) انتي


وحلم المستحيل انتي


أبيك انتي


ولو كنتي


فراشة .. مستحيل تعيش


حول النارْ


حمامة فوق سور الدارْ


ومن حول البيوت اصغارْ


رموا بحجار وانصبتي ..


أبيك انتي ..!!

مسا صوتي ..
صدى موتي .. مسا ك انتي !
متى كنتي ؟
يد الشاعر وديوانه
مدى تفكيره بشعره ونسيانه لعنوانه ..!
أمانة يا أول السهرة تظلّي لآخر السهرة ..
تعبت أجمع لك الفكرةْ
تعبت أكتبك وانتي غير ..

حتى الطريق


اللي ابتدا فيه االكلام


عيا معي قبل الظلام


اني أمرْ ...


لو انتظرْ


في مدخل الحارة واشوف الناس حولي يعرفون .!


إن القمر نصف الشهرْ ..


وان القهر ..


لا صرتْ ما تقوى السهر ..!!

ودي اشوفك بس لو وردة على غصن الحنين


قلبي أمين


عيني طويلة قصّرتها ربكة الشارع


وشكّ الواقفينْ


واللي خلقك أحلى وأحلى اشرب القهوة وانتي تناظرينْ


لكن أخاف


إنك إذا جيتي نموتْ


ونورّث الوقت السكوتْ


جايز تجين لو بس حتى تدركين


إني أنا والليل ..


في ذمة تعبنا من عناوين البيوتْ ..!

مثل رش المطر هادي ..
على الوادي
مثل مانتَ بقايا حروفْ
وأنا في حزني الأول مثل ماتشوفْ
أنادي راحة الخاطر
وأنا شاعرْ
وأحنِّط شهقتي ملهوفْ ..!

أبي أكتبْ


عشان ألقاك من أوَّلْ


وأبي أشطب عشانْ أقراك وأطوِّلْ


سهرت الليل بذنوبي


نسيت العطرفي ثوبي


وطرت بحرفك الأوَّل ..!


مساء الحرف كله فالغرام يهون


دموع الصوت أو حتى دموع الكون ..!


أنا عاشقْ


قبل هذي الحروف وذي


ومن عشقي بديت أهذي ..!


جمعت لحسرتي فالليل نجم الصبحْ


وعشت بعطرها فالصبح ضحكة جرحْ


أبي أكتبْ


وأبي أشطبْ


وأبي أرجع من الأولْ


أقول أحبْ .!

شجن ما يكفْ


وعين ترف


وحزن يصادر إحساسي


أنا ما أعيش بأنفاسي


وإذا مرة سألتيني ..


عن أحزاني .. وعن ياسي


بقول انتي


وعن حلمي ونوماسي


بقول انتي


وإذا مرة ..تذكَّرتي وأنا ناسي


بقول الذكريات انتي


شجن ما يكفْ


وعين ترف


مرار الوقت في كأسي .

نمر فيومنا الثالث ..
ولا أشوفك ..
أفكِّر بس بظروفك
وأناظر شوق بحروفك .
أحس برعشتك .. خوفك
من اللي صار ..
أكيد البارح احتجتي لأحد مثلي ..
ومن بعدي .. محد بعدي ولا قبلي
أنا اللي أعرف إحساسكْ ..
وأعيش الخوف بأنفاسك
وأنا اللي فيومنا الثالث
تحريتكْ
ولا جيتي ..
وصرت أخاف من بيتي

[/ALIGN][/CELL][/TABLE1][/ALIGN]