| | و و أنادي من ورى صوتي .. وفدموعي مرار الملحْ ..! | | [ إبراهيم الوافي ]

[ALIGN=CENTER][TABLE1="width:80%;background-image:url('http://www.shy22.com/pngfile/9rc63051.png');"][CELL="filter:;"][ALIGN=center]

على هونكْ ..

خذيني ليل

إن عيا يجيه الصبحْ ..!

خذي من آخر ظلالي ..

خيال الجرحْ ..!

خذي من بحري اللي صار

ما يقوى على أمواجه ..

مرار الملحْ ..!!

خذي من صوتي الدافي

حروف الشاعر ( الوافي )

خذي حتى ( الوفي ) مني

قبل ما أموتْ !

تناديني ..

وأجيلك من ورى
سور المدينة ريفْ
فعيوني دموع الليلْ
لاشتَّتْ ..سحابة صيفْ
أجي مدري ..
أنا أو إنتْ كان الطيفْ ..!
كلشْ صارْ
ماظلَّ افحياة اللي فقدك أسرارْ
شجنْ ما يكفْ
جفِنْ ظلا سنين يرفْ ..!
يجيلكْ من ورى سور المدينةْ ريف
وتمطر في عيون الليلْ
غيمة صيفْ ويرجعْ
يمضغْ افجرحه وهو يسألْ
أنا أو إنت كان الطيف !

مسافات الجراح أكبر من الأيام

وأنا توي يتيم الجرحْ

فعيوني يبين الصبح ..وأطفِّيه

مابي صبحْ

أبيك انتي ..لونك مملكة من جرحْ

أبسكنْ فيه ..

وإذا قالوا من الشاعر ؟

بقول آنا يتيم الجرحْ .!

بانتظاركْ ..

آه .. لو تدرين وش معنى انتظارك !

يمكن يكون الغياب وحزني افبابه قراركْ

يمكن اني مرّة ابـ..ـغفلة ظلمتك ...

وكان هذا اللي يزلزلني مع الساعات ثارِك ..!

آه لو تدرين وش يعني تخلّين الغياب اللي يعذّبني خيارك

لاتغيبي ..!

يوم قلتي لي : ( حبيبي ! )
كنتَ اداري عنك هفواتي واصونك
كنت َ أخاف اني اخون الصدق ..من حزني واخونك ..!
لا تناديني بدونك
أيْـــه حبيبك
لو عجز حظي يجيبك ..!
يكفي إن الدرب توصفها عيونك
صدقيني ..
هي ثلاث حروف يجمعها حنانك
( شِ عْ رْ ) والرابع زمانك
قاف عاشق ..
أو ( ألِفْ ) شاعر مراهق ..!
خلي الرابع عشانك ..

كنت مخطي .. !

دامك تغيبين لازم

كنت مخطي !

يمكن انك يوم

تعطيني وأنا ما كنت معطي

صدقيني ..

صعب اكون انتي .. أوَ اني يوم اشوفك في مكاني

انتي اكبر من زماني

صدقيني

صعب اصور لك شعوري وامتناني !!

غير هذا

انتي اكثر من سواليف الغرام ..!

وانتي أكبر من تفاهات الخصام

انتي احساسي بخطوات الثواني

علميني يا ..

الزيارات الخفيفة

لاتسمّرت افـ ثيابي

كيف من صوتك بنيتي لي سقيفه ..

في غيابي ..!

كيف كل الشيح فالشارع بعد عطرك تمايل مع حفيفه

واعتنابي

ياأنيقة ..

احتباسي داخل أنفاسي حقيقة

آه لو من آخر الشارع رجوعْ

يمكن اللي يرتجف وسْط الضلوعْ

يحتمي في زولك العابر دقيقة ..!

بانتظاركْ .. من سنة

لو سألتي مين أنا
كان جاوبك الغيابْ ..
للعتب ..مليون بابْ
مادخلته
وللعذر صمت وعذاب
ما احتملته
قولي إني والسما نجمة وشاعر
اكتبي لو حرف عني
من مشاعرْ
اكتبيني ..
اجمعيني في حنيني رجّعيني
سيرة الروح الحزينة
وأول أخبار المدينة
واحفظيني

http://www.4shared.com/file/OMuFCKB_/sms_2.html

[/ALIGN][/CELL][/TABLE1][/ALIGN]