{{ ديوان الشاعر \ مطعون غدر }} ..

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
والنفس عافـت كـل دربٍ تريـده
http://www.b3b7.com/vb/showthread.php?t=104135


[poem=font=",6,white,bold,normal" bkcolor="black" bkimage="" border="inset,2,white" type=1 line=0 align=center use=ex num="0,black""]




يابو محمـد شـق قلبـي حديـده=
يامسندي والراس من هولها شـاب
والنفس عافـت كـل دربٍ تريـده=
غصبٍ يجاذبها على الهـم جـذاب
والهم فـك اعقـال دمعـي وقيـده=
وقامت تنثر دمعتي عنـد الاجنـاب
والعين قـل النـوم خطـرٍ يبيـده=
كنه يحاربها عـن النـوم حـراب
جسمي نحل واعضام جسمي بليـده=
غديت مثل اللي وطى موخر الداب
برض خـلا مافيـه طـبٍ يفيـده=
وحيد ماعنده سوى الموت طـلاب
ولا عجـوزٍ مـات قدمـه وحيـده=
في حرب ماخلت جماعه ولااقراب
ولاخلـوجٍ ثـار منـهـا زبـيـده=
على حواره والنحر منـه صبـاب
حزني طغى والموت قلـد بجيـده=
بد يهايق لي علـى كـل مرقـاب
والشاهـد الله مابـلايـا فـريـده=
ولابلايـا حـب عذبـات الانيـاب
انـا بلايـا راح عــز العقـيـده=
راح الذي صيته على الارض هياب
المعمعـه وان دش فيهـا يبـيـده=
ضاري على الغارات للحرب كساب
عـزالله اللـي راح منـا فقـيـده=
راح الشجاع الصيرمي راح خطاب
يالله انا طالبـك محصـي عبيـده=
ترحم عزيزٍ راح يارب الاربـاب

[/poem]
[/ALIGN][/CELL][/TABLE1][/ALIGN]