ترى راح سامي يا ياسر

اقتباس: المشاركة الأصلية كتبت بواسطة شيخ المافيا    00 تخيلتك تناديني يملا العافية على هالمقال الجميل والرائع .. اتمنى ان ارى مساحات اكبر واكثر لأي نادي من جميع الرياضيين حتى يتسنى لنا مناقشة الامور الرياضية ومحاورتها . ,, ببدأ معك في موضوع ونقطة ياسر " والله يابعدي مادري وش هي الكتابات اللي كتبها ياسر في تويتر وماتوقع ياسر يكتبت كتابات صبيانية لأنه اذكى من انه يقلل او ينكر الهلال او الاداره الهلالية فهو لاعب ذكي في الملعب وخارج الملعب ويعرف وشلون يمشي صح . بدايتا اتمنى انك وضعت تِلك الكتابات حتى يتسنى لنا إبدا الرأي او المناقشة ولكن اثق برائيك وفي المقابل اؤمنَ بالرأي والرأي الاخر .. ممكن هي وجهة نظر لم تنل على إعجابك وأعجبت الاخرينَ يعني بالاول والاخير هو رأي شوفوا اخوي لن اعلق على ياسر ( مادري وش كاتب بتويتر ) ياسر اذكى اذكى من انه ينكر جَمال ادارة الهلال او جماهيره عاد وشلون وهو توه فاتح مقهى له !!! لاعب وجد المال ووجد الراحة من حيث البيئة وعلى فكرة اداء الدوري الاماراتي اقل مستوى من الدوري السعودي يعذروني الإماراتيين ولكن هذا الواقع , فالاعب لم يكن لاعب 2007 ووجد نفسه في الدوري الاماراتي انه 2007 مع الفرق الضعييفة والدوري الاقل إمكانيات من الدوري السعودي . عشان كذا ممكن ياسر مايبي يرجع للهلال وهذا من حقة بصراحة واعتذر من هالكلمة لأن إدارة الهلال مادري وش نظامـة " انا سميتها نظام غونتوناموا .. تدعي الإحترافية والمهنية في العمل وهي تناقضَ نفسها بنفسها انت لو تلاحظ في بعض الاعبين طريقة تعامل الاداره معهم إذا تبي تطلع من الهلال وقع بورقة إنك ماتروح لأي نادي اخر غير الهلال ولنا في " اسامة هوساوي مثال ..!! واصبح البعض يدعَي له الله يفك اسره ان شاء الله .. من اجل ذلك اسميته نظام غونتوناموا ,, طيب وين الإحترافية في هالعمل وكورة القدم وين المهنية وين المثالية في التعامل مع الاعبين والمساوات بعضهم البعض تجد هوساوي مطالب بتوقيع مايلعب إلا للهلال , في نفس الوقت تجد المحياني روح عادي من دون ورقه نظام اسمية ( سامج وغبيَ ) سامج وغبي في ظل إدعاء إدارة تعامل إحترافية ومهنية ؟ من اجل ذلك من حق ياسر انه مايرجع للهلال والاعب يوم انه يركض وراء الكورة من اجل العيشة ومصلحتة ياسر شهره وعنده شهره لا في الملاعب السعودية او الملاعب الإماراتية , بعض الاعضاء الهلاليين كم دفعوا وقدموا له من الهدايا وفي المقابل الاعضاء في نادي العين . انا مع ياسر اخوي تخيلتك وهذا من ابسط حقوقة علماَ لم اشاهد ماكتب حتى اعلق على ماكتب في حسابة , واتمنى له التوفيق واتوقع انه هو يريد البقاء في نادي العين ولايريد العودة للهلال وهذا ما اخذته مابين السطور في الصحف او المقابلاتَ . -- . فاز الاهلي لأنه الافضل ..!! المدرب والاعبون هُم هُم مدرب مباراة بيروزي ولاعبون مباراة بيروزي ! . بخصوص الزميل النصراوي مادري على اي اساس يقيس او يبني نظرته ويحكم فيه شباب و اهلي وهلال واتحاد واتفاق وفتح ! . إذا ارد النصر الدوري علية بجلب لاعبين يشيلون الفريق مثل " الهلال في المواسم السابقة + الاهلي في الموسم الحالي ! والشباب . جمال تونسي اعتقد مثل ماقلت لو غيره هل تصدر بحق هذه العقوبة ؟! ماعتقد . اتفق معك في ان وصول الاهلي او الهلال للنهائي اشبه بتحقيق اللقب ولكن بنسبة معينة وذكرتها 85% فقط ! ولو حقق النصر البطولة او الفتح مهيب غريبة ابد نظرا لتطورات الفريقين وإمكانياتهم . . مثل ماذكرت لك جب لك اجانب يشيلون الفريق لك وابشر بالبطولات , تجيب لي ابو كلام اكيد بيكون المستوى هزيل . . سامي المشرف على الكورة يقدم عمل رائع وجميل , بخصوص التدخلاتَ مادري هل له علاقة , إذا البعض يرى سامي هكذا .. فالبعض يريد سامي ان يكون مدرباَ حتى نهاية الموسم . . المرشدي إن تمت معاقبته فهذه نقطة إيجابية للهلاليينَ لأنه نقطة ضعف في الدفاع .. انا ارى انه افضل من غيره .. ليست بغريبة على المرشدي مثل هذه السوالف ف سيماهم في وجوههم ! لاحول ولا قوة إلا بالله ( يُثبتَ + ختم مُميز + تقييم )

يسرني مناقشة شخص واعي ومثقف مثلك يا أخ شيخ ..

أول شي يا أخ شيخ المافيا أنا معك بإن الدوري الإماراتي أضعف من الدوري السعودي وهذي ما يختلف عليها إثنين , و رُبما ياسر وجد نفسه في الدوري الإماراتي نظراً لضعف الأنديه الإماراتيه مقارنةً بالإنديه السعوديه .. و من حق ياسر او غيره أن يختار النادي الذي يريد وهذا ما يعنيني في شيء , بالعكس رحيل ياسر كان غير مأسوف عليه ..
والكتابات اللي كتبها ياسر في تويتر كان فيها إنتقاص من الجمهور الهلالي وبعضها كان إسقاطات على الجمهور الهلالي , ومنها لما كتب أني قبل كنت أقول مافيه مثل جمهور الهلال لكن الحين صرت أقول مافيه مثل جمهور العين , وهذا يُعتبر إسقاط على جمهور الهلال وهو كتب هالحكي بعد ما أشاد جمهور العين في مستواه فحب يكسب رضاهم .. الشيء الثاني لما ناقشوه بعض الجماهير الهلاليه بخصوص تغريدته عن أن جمهور العين أفضل من جمهور الهلال رد ياسر وقال : أنتم سفهاء وانا ما أرد على السفهاء وهذا سب علني وإنتقاص من الجماهير الهلاليه الغفيره ..علاوةً على تصريحاته عن إدارة نادي الهلال بإنو الإداره ما اتصلت تهنأني بتحقيق الدوري .. غير كذا أنو أحد الأخوان العيناويين أجرى لقاء فيديو مع ياسر وقال ياسر : أني لو بترك العين اللي يعيني ولو ببقى في العين هذا يوم منى , من الذكاء في هالحاله أنك تصرح تصاريح تُرضي الطرفين ولا تُرضي أحد على حساب أحد واللي حصل أن ياسر أرضى جمهور العين على حساب جمهور الهلال .. غير كذا انو في نفس هذا اللقاء قال ياسر : حنا ما عندنا مواقع إحترافيه مثل اللي عندكم وإنتم ذبحتكم الإحترافيه الله يهديكم , وبهالحكي ياسر يعتبر ناكر للجميل اللي قدموه له أعضاء شبكة الزعيم و أعضاء موقع القناص وكأن لا وجود لهم و لمواقعهم ..
الحديث يطول عن ياسر القحطاني وعن ما قاله ياسر من تصاريح ومهاترات وهذا سبّب إنقسامات في الجمهور الهلالي فأحدهم يريد عودة ياسر والبعض الآخر لا يريد عودته بسبب تصاريحه المُتعاليه على نادي الهلال وإدارته وجمهوره وحتى إعلامه ..
وبقاء ياسر في العين أفضل له وللهلال لإن ياسر لا يُرضي طموح الهلاليين بمستوآه المتواضع واسلوبه المُتعالي على الجميع ..
و مثل ما قلت يا أخ شيخ انو اللاعب يحق له أن يختار أي نادي ولكن يجب عليه أن يحترم ناديه السابق وجماهير ناديه ولا يذكرهم بسوء وينسف جهودهم التي بذلوها من أجله .. خالد عزيز الكل يعرف كيف كان رحيله عن النادي ومع ذلك جميع الجماهير الهلاليه تتمنى له الخير ولم يذكروه بسوء لأنه لم يذكر ناديه السابق بسوء وإنتقاص و كما هو الحال للاعب أحمد الدوخي وعمر الغامدي ..
وبخصوص سياسة إدارة الهلال فأنا قلت منذ سنتين أن سياسة الإداره مع اللاعبين المحليين خاطئه جداً , و الآن يبدو ان السياسه مع المحليين والأجانب كلها خاطئه وليس المحليين فقط ..
ولكن بخصوص الورقه اللي تقول أنو وقع عليها أسامه هوساوي فمن حق الإداره أن تضمن عودة اللاعب لصفوف الفريق في نهاية تجربته الإحترافيه و أسامه هوساوي لن يجد نادي سعودي أفضل من الهلال .. وأسامه هوساوي قال بالحرف الواحد : أما الإحتراف او البقاء في الهلال ..
وبخصوص المحياني فاللاعب يفكر في الرحيل من بداية الموسم الحالي ولكن رحيل ياسر للعين هو الذي ساهم في بقاء عيسى مع الهلال و إدارة الهلال لا ترى في بقاء عيسى فائده فنيه للفريق وهو لا يريد البقاء على دكة البدلاء ففضل الرحيل لإي نادي .. وضع عيسى يختلف تماماً عن وضع أسامه فأسامه لاعب أساسي و مهم في خط الدفاع ولكن عيسى رهين دكة البدلاء ومظلوم في الهلال فرحيله أفضل مع العلم أني ضد رحيل عيسى المحياني ..

لا أدري ما الذي تقصده من حديثك عن المرشدي .. هل بالفعل ليست غريبه على المرشدي أن يتلفظ بألفاظ غير أخلاقيه ؟ ! هل عندما ترى المرشدي يبدو جلياً أنه يتلفظ بألفاظ غير إخلاقيه ؟!!!


شكراً لك أخي شيخ المافيا و إعجابك بما كتبته شهاده أعتز فيها ووسام على صدري .. وأشكرك جزيل الشكر على تثبيت الموضوع والتقييم وختم التمييز .. الله يعطيك العافيه ..