رايح وطي ...

تــوّ ماجيـتـي وخلّيـتـي الـعـاشـق وطـــي"
"كيـف لـو ترخيـن عـن نـور خـدّك برقعـه


والله انّ الزيـن غيـرك ولـو زان خْـرطـي"
"لـو كبـر مثـل اربعـه نقّصـوا منهـا اربعـه


ياهنـوف الـروح ممـا عـطـاك الله عـطـي"
"عاشـق كـل مابغـى يـذكـر اسـمـه ضيّـعـه


احمـر التفّـاح والا مــن الحـلـو اصفـطـي"
"لمخطوف من عظم فرحتـه عـضّ اصبعـه


واقلطي في مجلس الصدر يا بنـت اقلطـي"
"لعنبو من لا فرش لك من الصـدر اضلعـه


وفـي بسـاط مـن حنايـا ضلوعـي بسّـطـي"
"مجلـس مـا نجتمـع بـه لابــو مــن جمّـعـه


ونشّطـي روحــي بـذايـب أنيـنـك نشّـطـي"
"قالـوا ان الميـت يحيـى عقـب مـا يسمعـه


ورقّصيني فوق خصـرك وهـدي وامغطـي"
"ويـش فيهـا لالتـوى والتـوى قلـبـي مـعـه


واعصري لي من قراح الشفايف واخلطي"
"زنـجـبـيـل سلـسـبـيـل عـلــيــل مـنـبـعــه


واكتبيـنـي كلـمـة فــي ثمـانـك واشخـطـي"
"وكان جرحي مابـرى عقبهـا وش ينفعـه؟


مابغيـت آصـدّق انّـي مـعـك رايــح وطــي"
"ليـن شفـت العيـن ترسمـك ظــلّ وتتبـعـه