هذاك اللي على كيفه يصير الـ كان : لا ماكان . . !!

ينادوني و انا صوتي من اسباب الوَله ذبلان
و اجاوبهم و ارد الصوت و اقول بصدق طفشانه !

****

مهو اسمي هذاك اللي يقولونه بـ فم مليان
انا اوصافي من اوصافه و تعبيره و ألوانه

****
هذاك اللي أموت أموت إلى من قال لي بردان
ويسكن برده ضلوعي لو إني كنت دفيانه

****
هذاك اللي محى غيره وهدّم حولي الأركان
و على الماضي من انقاضه تعلّا و مدّ بنيانه

****
هذاك اللي من أطباعه تُعرّف كلمة الـ إنسان
و أنا من يوم حبّيته كسبْت الطبع : إنسانه

****
هذاك اللي يمرّ الورد و هو من فرْقته عطشان
تردّ بإيده الورده جميله حيل رويانه
****

هذاك اللي على كيفه يصير الـ كان : لا ماكان
يغيّر سالِف الماضي و يكسر كل بيبانه
****

* * *


برغم اني احب نفسي / احب اسمي ولكن بان
بأني بصدْق قدّمته على قلبي و تحنانه

***
لذا مِـ اليوم أبعْلنها و أعلّي صوتي بالإعلان
كأني اليوم مولوده انا بـّ بيته و عنوانه
***

مثل ما اسم ذاك اللي تمكّن في حشايه : فـْلان
ابي مثله تنادوني بنفس الوزن يَـ فلانه

صح لسانك
كلمات جميلة
قبلي مروووري

رآآئعه
وآنتقآآء ممتلىء عذووبه
سلمتِ ,,,

النص يلامس السماء ..
ذووق راقي . . وانتقآء مذهل
سلم احسآسك ي مبدعه . .

نص عذب بكل مايحمله من كلمات
سلمتِ ع الإنتقاء الفاخر
ودي

يعطيك العافيه
على عذب اختيارك
تقديرى

برغم اني احب نفسي / احب اسمي ولكن بان
بأني بصدق قدمته على قلبي وتحنانه
لذا مــ اليوم ابعلنها وأعلي صوتي بالإعلان
كأني اليوم مولوده انا بــ بيته وعنوانه
::
صح منطوق شاعرها , ابيات
رااااقت لي بقووه بجد روعه
يعافيك ربي على هالانتقاء الحيلوآآ
مـآرآآآ , الله يسعدك دوووم يارب ..

,

شكرآ لمروركم

:
:


ذائقـــــه رفيعه
سلمت يمناك على الإنتقاء لاعدم م م









:
:

انتقاء رائع ومميز
يعطيك الف عافيه
باانتظار حضور جميل كهذا
تسلم اياديك
وعساكِ ع القوه ي رب