من اللي في يد (الاول) تحطم شوق لعتابك

[ALIGN=CENTER][TABLETEXT="width:100%;background-image:url('http://www.b3b7.com/vb/backgrounds/13.gif');"][CELL="filter:;"][ALIGN=center]










مسآء وصبآح زهر التوليب
.
.

خطا هالكاس، يوم انه ، ظما ، وانهار لترابك
................خطا ، سبابتي ، صحوة ، تراعي غفوة ابهامي
تخاون لظما ، كفي، وكفّ الكاس بـ اسبابك
...................مصيبة ، من خبر ظامي ، يقوده للظما ، ظامي
من اللي في يد (الاول) تحطم شوق لعتابك
...................من اللي في يد (الثاني) حزين وخاطره ، دامي
عزاه .. اني اردد. له . ترى ما صابني ، صابك
...................عزاي أنه .. يردد.لي . حطامك .. يشبه حطامي
بعد ، ما قفّن رياح الجفاف الهوج بـ اسرابك
.........على (بعضي).. طغى..(بعضي) وظمّت عيني.. اكمامي
وغبت .. بداخلي ، غيبة بقايا عطر .. بثيابك
..............................ادوّر للأمل فيني سحابة .. تغرق آلامي
واسابق روحي الولها من اسبابك على .. بابك
.........................واقول الروح تلحقني واشوف الروح .. قدامي
على بابك تسابقني .. تسب وتلعن غيابك
.................ولا .القى للصدى .. صوتِ يردّ الروح لـ احلامي..!
دخيلك ، لايجي للريح .شرهه. تجرح ابوابك
..........................دخيلك لا يجي للبرد ما يغريه بـ عظامي
دخيل الليل . وطعون الغرام. و(سكرة) اهدابك
.................دخيل الضعف .. يا (ذنبي) وكل ما (يجرح صيامي)
طلبتك.. لاتخليني اجوعك حب .. اظما..بك
.................مدام اني على بابك تسابق روحي . اقدامي ..!
عزا .هالكاس .. يوم انه ظما .. واحتاج لـ ترابك
.................وانا... ما بلل اكمامي .. عطايا وحشة ايامي..!
مثل ما مُتّ في جوّك غرام آموت بـ ترابك
........................ويبقى عذري الواهي يراعي غفوة ابهامي

..........
يتوهـ الضو في ليلٍ من الظلما فـ بعضه تاه !
مثل ماتوه وآفتّش
....................فـ عين الحرف عن مهرب
على قد الغموض اللي تمادى بي فـ عينه: آآهـ
على هالآهـ ؟!
..........تتمادى عليّ عيونهم وأتعب
عيون الناس و ( الما ) في عيون الناس من يظماه ؟!
على حد الهلاك تغنّي ازهاري ( ظماه أعذب ) !
يـ عين امّي
..........نسيت اذكر وصاة ( أن العيون افواه )
مثل ما ناكل ونشرب
....................تعبنا تاكل وتشرب
أنا أذكر كل ما قلتي ( عشان أرضى عليك أنساه )
أكيد أنساه ؟!
....................وآغمّض عشان رضاك لا يغضب
إلى يومك وأنا هادي مغمّض ما فتحت شفاه
على نفسي ومن نفسي عليها أنطفي وأشتب!
أنا لله أحب الناس و أكرههم كذا لله
حسافة
....................ليتني لله منهم أنكره و أنحب
كسوني ثوب جردني من أحلام الطفولة : ياه
كبرت !
................وذاك في صدري إلى البارح وهو يلعب
خذوني طفل ما كدّت " اماني " شعرها لولاه
رموني صبّ متهالك مشرّد شاعر و أعزب !
يـ يمه قولي ان قالوا نبي قربه عشان الله
عشان الله
................خلوني تراني من بعيد أقرب
أنا بي جرح مدري مين ابوه ؟
و ليه ما سمّاه ؟
أنا لي وجه خلاّه الجفاف السرمديّ أشهب!
عليه اعتب إذا شفت الوجيه من الوجيه اشباه
أعرفه يستحي مثلي
ومن ( مثله) عليه أعتب ؟!
عشان أرتاح قلت أشطب فـ صدري بالكتابة ( آهـ )
................................كأني ما شطبت و ما كتبت إلاّ عشان أتعب !

لرضآ ذآئقتكم العذبه


[/ALIGN][/CELL][/TABLETEXT][/ALIGN]