دلة الدم ..!

[align=center][tabletext="width:70%;background-color:black;"][cell="filter:;"][align=center]
[align=center][tabletext="width:80%;background-color:white;"][cell="filter:;"][align=center]
.
.

مابين نقال ٍ ... وسمّاع نمه.
فم السوالف .. ريحته ريحة الدم.
حرف النميمه موحي الحرف خمه.
وجاوب على وتر المغني .. وقسم.
سهرة فجور ... وزايد الشر هِمه.
رقصة ثعابين ٍ على نابها سم.
خم الظفر وجه اللحم وانت سمه.
سمه على كيفك.! وحذراك تظلم.
صدر الحقيقه فاقد الجوف ذمه.
ناس ٍ تحب الذنْب.! ويلوكها ذم.
الشر يرضع حقد والفسق عمه.
في مجلس ٍ قلّط ابوها مع العم.
الكذب عيب وكل خبث ٍ يعمه.
واهل الردى في مجلس الهم تلتم.
تبغى الحديد يذوب بالنار حمه.
شطر ٍ عطاك الحل بالقلب يُفهم.
ياطيب رجال ٍ تلا العلم تمه.
بفعل ٍ .! على وجه المغني تحطم.
ولا خير في رجل ٍ برد فيه دمه.
في مجلس ٍ فيه السوالف تسمم.
هيكل رجل ..! لكن بالعين رمه.
عجز يفجر وسطهم قنبلة قم.
ساكت وجوفه راثع ٍ فيه همه.
قدام عينه بندق تْصيب وتزم.
ياصاحبي ما كل هرج ٍ تضمه.
تلقاه علقم لو مزجته مع اليم.
عندي سؤال ٍ للوجيه المرمه.
دام الوجيه البارده مالها فم.
دم الصويب اليوم من هو يلمه.؟
في مجلس ٍ ...! منه الاوادم تألم.
غِيبه ولكن تالي الوقت قمه.
وجه ٍ تفنجل دم من دلة الدم.

لـ/ صآلحح بن عمآر ..
[/align][/cell][/tabletext][/align]
[/align][/cell][/tabletext][/align]