صُورهُــم تـَ تقاطــر شِعــراً .. تفاعلكم مطلبنا ...!

[frame="10 80"]

الشاعر / عادل بن فايز الكويكبي

انتهض ياطير شلوى وانا قلبي معـاك استمع لي دامها بيّديك وانت اولى بها

لا تردد وانت تدري عيوني مـن وراك ولا تغيب بساعةٍ كان الحضور اسبابها

حر من نسل حرن لا كفخـت بفضـاك مايهمـك طمـان الارض وأترابـهـا

ياخويي وانت عز الخوي اللي نخـاك كـل ماقدمـت طيبـه نعـم تلقابهـا

ياخويي وانت طيرً ترفرف لك سمـاك وانت تشبه هقوتي بك وانت تزهابهـا

ياخويي دام طيبك بـداك ولا انتهـاك للمواقـف مواقـف طيـب ترقابـهـا

ياخويي وانت تدري مقصدي ماخفـاك المعاني الوافيـه تنقـرا .. بكتابهـا

تدري اني افتدي سيرتك جعلي فـداك روحي اللي تشبهك حيل يوم ابدابهـا

لا تطيع اسهل ولا تستمع للـي نهـاك العصافيـر بزمنـا نبـت مخلابـهـا

يوم نقفي صمت ماهمنـا هـذا وذاك وحنا يـوم المواقـف نفـك انشابهـا

اطلق حجاجك لو الوقت صد وماعطاك واجه لو ان الليالـي كشـرت نابهـا

جنـة الدنيـا قصيـره مداهـا للهلاك زايفه لو كان تفرض علينا اعجابهـا

النـدم مايفيـدك لـو تذكـر غـلاك والرجال الحكيمه تحسـب احسابهـا

وانتهض ياطير شلوى ترى قلبي معاك انتهض لي دامها بيّديك وانت اولى بها

[/frame]