ذكرااك تكفيني لحااف

,


تامر أمر..

أبا أشتري.. كانك تبيع..
ساعة لقاء..!!
و أدفع مقابيله عُمر..
وكلش يهون..
إلاالجفاء..!!

و أبا أنتظر مهما جفيت..
و أجلس على نفس الطريق..!!
و أبا أنتظر..
يمكن يجي يوم ,,و تمر..
والله كريم

.
.

تكفى أدع لي ...
و الله يانا في هم...
و آلام ... و سقم ...!!
محتاج ياعيوني دعاك...!!
أظمى هوى ...
و أشرب قهر ...!!
و أكتب على أوراق الخريف ... راح الربيع ....!!
و ماعندي حبر ولاقلم ...
شرياني اليابس قهر أظن باقي فيه دم ...!!

و باقي على خبرك " كفيف " يركض ورى حُبٍ عفيف ...
و جلد وعظم ... جالس على ذاك الطريق...
ينتظر..
يمكن يجي يوم وتُمر ...!!
والله كريم

.
.

خصلة شعر..
وديوان مقطوع الغلاف ...
وجفاك برد ...
وذكراك تكفيني لحاف ...!!
و أنا انتفض ...
و أولع جذوع السمر ...
و أرفع عيوني للقمر ...
و ألقاك ... في وجه القمر ...!!
و أضحك ... و أصيح ...
وتهب ريح ... وتموت ريح ...
ويقفي سحاب ... ويقبل سحاب ...!!
و أنا على خبرك مغير أسترجي لو قطرة مطر ...!!
جالس على ذاك الطريق ...
بس أنتظر ...
يمكن يجي يوم,, و تمر..!!
والله كريم..

.
.

فستانك المقطوع يوم إنك صغير ...
ماتذكرة ...؟!
ذاك الحمر ...
وحزامه الوردي الطويل ...!!
عندي تراه ... ومعلقه في غرفتي ...!!
بين الملابس وش حلاه ...!!
و ريح العرق ... والمسك باقي به يفوح ...
و دمي بعد مثله يفوح ...
مغير أشمه وأنتشيء ...!!

وصورتك يومك صغير ...
عمري 11 وعمرك 9
يومك تصيح ويجي على عيونك رمل ...!!
شفها معي
بمرايتي ...
مغير أقلبها و أصيح ...
و أقول ليت أني الرمل ...!!

و أرجع على ذاك الطريق....
بس أنتظر..
يمكن يجي يوم ,,و تمر..!!
والله كريم....



,