أنا المتعب ، إذا هذا الحزن أبيض !
وهمّ الناس :
شاعر مر من دفتر
إلى دفتر !
ويتكسر .. كِذا صـدري ويتكسر !
وأحس الشوق في قلبي يصير أكثر
أوْ تدرين :
بلاش الشوق ..!
أحس الدم فـ عروقي سجين وما لقى مهرب
إذا حسيت أحد غيري
يحبك
يفك أزرّه ابكفك لـِ / باقي العمر ..
ويصافح فساتينك
عمق
يطيح الليـل من يوم الفراق / ويكتنز رفه
كآبه / واتربة ذكـرى ملت كراس شاعرها
حزين الباب / عن سيّد وحيد وعالمه غرفه
كرهت الصبح وش يعني يضيء اركان باكرها
عبث من قلت : للمنفى حمام الحزن له حتفه
وانا كِلْ حين اشكّل نافذه تأويه . . واذكرها !
كتبت الشعر من باب الجروح وضفّني حرفه
طليت الدار بالوانك وضـاقت عين خـاطرها
حزن بغته / وهمٍ كل ما حاولت في تفّه !
شرب لي للثمالة صحتي . . واستوطن آخرها
عمق آخر
وطيفك معي دايم .. وأغني له :
ورى هـ الليل
( حبيبتي .. أو للأسف حبيبته )
واسكت !
أتعب أكمل له أحزن، وارجع أكمل لك !
( لا صرتي .. الصورة وعيونه البرواز
وش لون ينسى ) ؟!
وانتي فـ / حياتك أحد غيري
وما بينك وبيني فراغ يطووووول !
ما عاد بي أنسى
وخوفك من التدخين
عليّ ( لا ) أمـرض
كِلما بغيت أنسى
ولا أدري هو .. تدرين ؟!
أو تدرين :
بلاش أذكر لك التدخين
لا يوجعك صدري
مخرج
حكاياتي / كروم اليأس ! واخباري هي اخباري
حزين / وكل ليله أفتّرش رمل السهر وأبكيك
نوارس وحدتي / تشرب سرابك وانشر اشعاري
على حبل الحنين اللي شنقني من كثر مـ اطريك
كثر مـ اطريك أشوف انك سما شباك فـ.. جداري
بلا شباك وش قيمة جـداري لو عرفت أمحيك
العضو الأكثر نشاطاً هذا اليوم 
العرض الشجري
