عيال الذياب تصير مثل الذياب .

[poem=font="simplified arabic,7,white,bold,normal" bkcolor="black" bkimage="" border="double,7,black" type=2 line=0 align=center use=ex num="0,black""]
تجارب حياتي معجـزة والدروب صعـاب=ولقيت الرجال انـواع والـوان واشكالـي
صديق الشدايد ما خذا منك علـم وجـاب=وسيع الصدر يضحـك ولا هـو بزعالـي
صديـق الشدايـد لا ينافـق ولا يغتـاب=يدلِّـه غريـب الـدار ويزيِّـن الجـالـي
وصديق الرخاء عقَّاب ومصادقـه عقَّـاب=شجاع الحكي والمـدح بالقيـل والقالـي
وصديق الرخى ما غير صورة ولبس ثياب=يا ليته يبرقـع مالـه شمـاغ وعقالـي
وعنـدي نصيحـه جـد ماقلتهـا لعـاب=أقول الصحيح ونايـم القلـب يصحالـي
ترَى خوة أهل الطيـب يالطيبيـن أطبـاب=يطيـب السقيـم وخـوَّة اللاش سـلالـي
تغانم شبابك يا ابيض الوجه دامك شـاب=ترى البدر لو يطلع قمـر عـوَّد هلالـي
فلا تهجر المسجد وخلـك ورى المحـراب=ترى روضة المسجد لهـا منـزلٍ عالـي
ولا تترك اللي يزهمـك خايـفٍ مرتـاب=ترى الذل ما نجَّـى الثعـل بـا لتحيّالـي
ولا للندى غير الفدى لـو تـروح أرقـاب=ومن ضاع شوره ياخذ الشـور ويمالـي
ومن با شـرك بالعـذر لاتلحقـه بعتـاب=ولا تشوف نفسك شيخ والنـاس عمالـي
ولا تهين نفسك لو تجي بين ضرس وناب=وهيبَتْك لا تنقـص ولـو ربـع مثقالـي
وبنت الردي لا يعجبـك زينهـا الجـذاب=تراهـا كمـا المخيـال خيـل وتخيّالـي
ولو شفت حمر خدودها والثمـان عـذاب=لا بدك تمنى ليـت مـا جاء لـك عيالـي
ولدها لياشاف النقـَى والملاقَـى هـاب=ذليـلٍ بخيـلٍ فيـه خفخـاف وجفـالـي
أخذ بنت قرمٍ طيـبٍ ساسهـا مـا عـاب=تنومسك بنت الشبـل ويجي لـك أشبالـي
عْيال الذياب تصير مثل الذيـاب ذيـاب=وعيال الثعالـب مثلهـا زهـر الاذيالـي
وفرخ الصقر مثله وفرخ الغـراب غـراب=وبوم الخـراب ايقابـل العـش ويلالـي
لكن الله اللي يكتب الـرزق يـا خطـاب=هو اللي يفك البـاب ويقـص الأقفالـي
ولا يهمـل الا واحـدٍ عايـف الاشبـاب=ولا ضيَّع حقوق البشر غيـر الإهمالـي
وترى للقصايد كيف والكيف لـه شـرَّاب=وانا ما اشرب إلا كيف راسـي بفنجالـي
ولا اطاوع الجاهـل ولا اجامـل النصـاب=أقـدم يميـن الحـق واحـط معـذالـي
أكذب وانا خابـر واجامـل وانـا كـذاب=سنينٍ مضت هـي صـدق وإلا يورالـي
تلخبط جهاز المخ وانهـارت الاعصـاب=وفورت دمـي وارتفـع ضغطـه العالـي
لكن في رجاء اللي من رجى رحمته ماخاب=هو الواحـد العالـي وهـو ربناالوالـي
هو الخالق الرازق هو المعطي الوهاب=لـه الملـك كلـه والكمايـل والاكمالـي
رؤفٌ كريمٍ رحمتـه تنقـذ المنصـاب=يغيث الديـار الممحلـه عقـب الامحالـي
شديد العقاب ويعتق المذنب اللـي تـاب=عسى مـا يواخذنـا بسيـات الاعمالـي
كما قالـه الله فاصبـروا يأولـي الالبـاب=ترى الصبر زين وكلمـة الحـق تنقالـي
واصلي واسلم عد مـا تنبـت الاعشـاب=وما لاح بـراقٍ سـرى يشعـل أشعالـي
على المصطفى اللي وحد الدين والاحزاب=شفيع أمتـه يـوم الهوايـل والاهوالـي.[/poem]

للشاعر عبدالله ابن شايق القحطاني رحمه الله.

قصيده جزله ورائعه المعاني
انتقاء راقي ومتألق
ذائقتك مميزه وتسمو بالجمال
سلمت وسلم إحساسك يا راقي ،،

اقتباس: المشاركة الأصلية كتبت بواسطة على النيه    قصيده جزله ورائعه المعاني انتقاء راقي ومتألق ذائقتك مميزه وتسمو بالجمال سلمت وسلم إحساسك يا راقي ،،

أختي على النيه أشكرك عى تشريف الموضوع وأسأل الله تعالى أن يرزقكِ سعادة الدارين
سلمكِ الله ولاعـــــــــدمنا وجووودك.

؟

عليه رحمه الله
شاعر يتمتع بملكة الحضور في
كتابة الشعر فكان يتغنى بالقلم
ويفرض نفسه في الواقع
مع الشكر مشرفنا على روعة الانتقاء
والطرح المميز

اقتباس: المشاركة الأصلية كتبت بواسطة هدوء الجوري    ؟ عليه رحمه الله شاعر يتمتع بملكة الحضور في كتابة الشعر فكان يتغنى بالقلم ويفرض نفسه في الواقع مع الشكر مشرفنا على روعة الانتقاء والطرح المميز

حياك الله مراقبنا الفاضل ولك الشكر والتقدير على تشريف الموضوع
لاهنت ولاعــــــــــــدمنا وجووودك.

اللهم صلِ وَ سلّم على سيدنا محمد
،
جممممميله جداً والله
فيها من النصايح وَ الحِكم الكثير
يسلّم ذووقك خيو ابو طارق
ابدعت بّ انـتـقـائها
الهي يسعدك وَ يديمك يّ أمير
~

اقتباس: المشاركة الأصلية كتبت بواسطة وتم بعيد    اللهم صلِ وَ سلّم على سيدنا محمد ، جممممميله جداً والله فيها من النصايح وَ الحِكم الكثير يسلّم ذووقك خيو ابو طارق ابدعت بّ انـتـقـائها الهي يسعدك وَ يديمك يّ أمير ~

هلابك خيتووو وتم بعيد ولكِ جزيل الشكر والتقدير
أسعدالله جميع أوقاتك ولاعــــــــدمنا وجووودك.

قصيدة مليئة بالنصائح المفيدة

أبو طارق رائع في اختياراتك...

اقتباس: المشاركة الأصلية كتبت بواسطة إحساس رسام    قصيدة مليئة بالنصائح المفيدة أبو طارق رائع في اختياراتك...

هلابك أستاذي إحساس رسام والأروع هوحضورك
أسأل الله تعالى أن يرفع مقدارك ولايحرمنا وجودك.

قصيده جزله صح لسانك
ونتشوق للمزيد من روائعك. لك ودي

اقتباس: المشاركة الأصلية كتبت بواسطة النود    قصيده جزله صح لسانك ونتشوق للمزيد من روائعك. لك ودي

هلابك أختي النود وأشكرك على زيارة الصفحة
صح بدنك ولاعـــــــدمنا وجووودك.

جميله القصيده جداً
انتقاء رائع
سلمت

اقتباس: المشاركة الأصلية كتبت بواسطة حكآيه    جميله القصيده جداً انتقاء رائع سلمت

أشكرك أختي حكايه على زيارة صفحتي
رفع الله مقدارك ولاعــــــــــدمنا وجووودك.

سلمت يداك ابدااع راائع شكرا

اقتباس: المشاركة الأصلية كتبت بواسطة أمير الشمال    سلمت يداك ابدااع راائع شكرا

هلابك أمير الشمــــال ولك جزيل الشكر والتقدير
سلمك الله ولاعــــــــــدمنا وجووودك.