مشاركة متواضعة لموضوع كبير جدا ..
*قصيده تسلم يدين من كتبها ولسان من نطقها ويدين من نشرها*
بوصيك في أمك ترا الأم نعمه
يا حظ من له أم عايش معاها
قبّل رأس أمك وضمّه ولمّه
وإدعي لها في وجهها ومن وراها
وإن شفتها متضايقة ومستهمه
لا تروح عنها لين تكسب رضاها
وإذا نادت لك قول : لبيّه يمّه
حذراك تتجاهل وإسمع نداها
والله يصبر من فقد شوفة أمّه
عساه في الجنات يحظى بلقاها
والله الحياة إللي بلا أم ظلمه
والأم هي نور الحياة وضياها