قـديم المعـاصير .!

[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""]
القلب لافنّه قديم المعاصير=جروح روحٍ بالضلوع معطوفه

تحفّها ذكرى الوصل حزة عصير=وابقى ثمان ايام تقل مخطوفه

وبعد الثمان تخاشرن بالمصادير=دمع القهر , ضيم المعنّى وخوفه

يامحمد السوعان مسيت بالخير=ياابن الحرار اللي تكرّم ضيوفه

القلب حاير بين عذال ومشير=كلٍ يقول انسيه وانسي طيوفه

ياوجد حالي وجد من ضيع الطير=طيره شلع من بين كفه وشوفه

تشابكت دونه غيومٍ دواوير=وارخى لجنحانه رياحٍ عصوفه

أو وجد من صكوا عليه الطوابير=مهرّب نفت به عن دياره ظروفه

محمِّل حشيش وخالطه بالقوارير=الفقر كااااافر واستوت له حتوفه

شغل وحرّك واتكل والتدابير=بيدين من نفسه لعبده عطوفه

الجيب ضاري والخوي ساتر البير=وطريقهم على النفود محفوفه

طعسٍ يبيّن جيبهم بالمناظير=وطعسٍ يخفيّ نورهم بالكلوفه

من خلفهم جيبٍ قطع له مشاوير=عليه رشاشٍ عديم المروفه

اقفى وراهم بعد تبليغ تحذير=يرمي ويخطي والحياة مخلوفه

اقفوا مع دروبٍ طريقه عواثير=ذيابة خلا والحظ عارض جروفه

الرمل غطى جيبهم والشناكير=تجرف من تلالٍ تلاشت هفوفه

بالطعس تسمع حشرجة نافخ الكير=وتوحي ليا جا الرمل حس الجفوفه

لحقهم الرشاش همّال ويدير=يبي الهدف واطلق حمايل كتوفه

وبعد العنا والجهد وين انت يالخير=صابوا خويه واستقرّت بجوفه

وتوهق وشاف الغثا والمخاسير=مات الخوي والجيب طقت بلوفه

ولموا عليه بغربةٍ كنه الصير=وحطوا الحديد وكـلـبشوه بعنوفه

بصّم على اوراقه وشاف التقارير=قطوهّ في سجنٍ قليله شروفه

هذا الهجر من غير عذر ومعاذير=هذا الالم لااقبل تزفه دفوفه

يامحمد اقرأ حرف قمرا بتصخير=وانصح , وحاول لاتروع مخفوفه

ياعين منهو طال روس العناقير=يالليث لاتجرح مشاعر شفوفه

جاك الشعر يابن الرجال المناعير=اقبل من القمرا جدايد قطوفه[/poem]

كلمات الشاعرة المتألقة
[blink]قمرا ســـــــماه[/blink]

صح نقلك الراقي ابو طارق
وتسلم الشاعره الشمريه
صراحه اول مره اعرفها

اقتباس: المشاركة الأصلية كتبت بواسطة ذيب اجا    صح نقلك الراقي ابو طارق وتسلم الشاعره الشمريه صراحه اول مره اعرفها

هلابك ذيب أجا وصح بدنك وأشكرك على تشريف الموضوع
تقديري لحضورك لاعــــــــــدمنا وجووودك.

ذائقه جميله وَ مميزه كَ العاده
يسلّم قلبك وَ ذوقك يّ مبدع
الهي يسعدك وَ يديمك

اقتباس: المشاركة الأصلية كتبت بواسطة وتم بعيد    ذائقه جميله وَ مميزه كَ العاده يسلّم قلبك وَ ذوقك يّ مبدع الهي يسعدك وَ يديمك

هلابك اختي وتم وأشكرك ع تشريف الموضوع
تقديري لحضورك لاعـــــــدمنا وجووودك.

اختيار ذوق تسلم ابو طارق

اقتباس: المشاركة الأصلية كتبت بواسطة مزون شمر    اختيار ذوق تسلم ابو طارق

هلابك اختي مزووون وأشكرك ع تشريف الموضوع
تقديري لحضورك لاعــــــــدمنا وجووودك.

انتقاء راقي شكرا لك

مبدع دائما ابو طارق
صح لسانك وصح نقلك

اقتباس: المشاركة الأصلية كتبت بواسطة أمير الشمال    انتقاء راقي شكرا لك

حضورك الراقي يالامير واشكرك على زيارة صفحتي
لاعــــــــــدمنا وجووودك.

اقتباس: المشاركة الأصلية كتبت بواسطة نسمات    مبدع دائما ابو طارق صح لسانك وصح نقلك

هلابك اختي نســـــــمات وأشكرك على تشريف الموضوع
صح بدنك ولاعـــــــــــدمنا وجووودك.