اللي فيه امانه ويقبل التحدي...يدخل ياهلا وسهلا>>>> الغشاشين ممنوعين

[SIZE="5"][COLOR="Blue"]ياهلا والله يالله حيهم...ودي اذبح لكم بس المشكلة الغنم سراح وراح ولا جاء الراعي لكن خيرها بغيرها..وحتى الدجاج مشغول توني داخل ولقيت كل الدجاج في حالة(طلق) يبيضون ولا قدرت اكدر خاطر ولا وحده اخاف تطلع البيضه مشوهه
والجبن عاد (سيد النواشف)....مابقوا راعين القيلات ولا حبة جبن
لكن فيه خبر تميز ويابس و(طشت) يعني لين الخبزه هنا ودفها بحلقك الله لايهينك:cool:

المهم نعود لمحور حديثنا وموضوعنا هو عبارة عن كلمة بكتبها هنا او يكتبها اي عضو واالي يقراءها يجرب يقولها بسرعه ولكن نبي الامانه كيف طلعت معه وكم مره قالها صح يعني نبي كرسي الاعتراف ينتقل هنا معنا

هاه وش رايكم كان موضوعي حلو يالله شدو حيلكم بس لاتستعجلون بكتابة الكلمة الثانية حتى تاخذ الاولى وقتها والتفاعل من الاعضاء
عموما الموضوع مكتوب باخر الليل وقناة(غنوة) شغاله وسواق ومن شي بسبدي جلست ابربس
فاهلا وسهلا بكم في:
(((((بربسات مزيون حايل)))))
يالله انا بقول الكلمة الاولى:

[COLOR="Red"]((قمـيص نفيسة نشـف‎ ))[/COLOR]
يالله بنشوف وياويل اللي يغش..قسم بالله لا(اصبخ) به جدار المنتدى

الصبخ هو عباره عن ارتطام خشة الغشاش في حائط المنتدى

ويالله شدوا حيلكم[/COLOR][/SIZE]