قصتي مع نهاوي وسبب هجومها الاخير(الحقيقة المره)

[align=center]تكفى ابي اعرف منك وش الاسباب انتي مستحيل يفوتك شي

هذا بداية الكلام مع صديقي عشوق البارح سالني عن سبب تجرء نهاوي بالمساس بكيان التماسيح في حارة بعد حيي
بالبداية قلت مادري والله

قال ..هاها عاد مزيون علم(ن) وش صاير

قالت ياخي ليش ماتصدق مافيه شي

قال..طيب ركبتي بركبتك<<< تخبرون اسود يعني ماحنا حقين ذبان

قلت ياعشوق انا مقدر اقولك القصة لحالك لكن تدري اعلن عن عقد مؤتمر وبقول كل شي وخاربه خاربه
رد عشوق بما لاتشتهي السفن
قلت بس اسمع تعال..خذ هالصورة وعلقها على مدخل الفندق والقاعة وعند اشارات المرور واكتب عليها
((الحقيقة المرة))

7
7
7
7
7
7
7
7
7
7
7



شافها عشوق وقال هذي كنها نهاوي بس انها انحف من نهاوي شوي

قلت بعدين تعرف كل شي بس انت سوواللي اقولك والوعد بالمؤتمر

على فكرة تقدمت (بسطة) اجودية لرعاية المؤتمر ورفض(عبيد الضلع) بسبب ان البضاعة المعروضة به خليط محظور استخدامه بالحارة
المهم المؤتمر برعاية النقاشة السودانية المشهورة (حورية حايل)>> حورية ام درمان سابقا

المهم دخلت للمؤتمر بالموعد المحدد لاننا مواعيدنا مظبوطة مو مثل غيرنا
وقدمني اخوي منذر وبديت بالسالفة والاسئلة يا اخوان بعد نهاية القصة
يوم كنا صغار ، نشتري ببسي بريال يقولون ليييييه ورا ماجبت العائلي ..نشتري خروف يقولون ليييييي ورا ماجبت اكبر .. نشتري تفاح بالكيلو يقولون لييييييه ورا ما جبت كرتون .. نشتري كامري يقولون لييييييه وراك ما شريت جمس .. اللي فهمته إن الكبير أزين من الصغير وان المتين أزين من النحيف .. نعم أنا ضحية رسائل مرروها أهلي لعقلي طوال عقدين من الزمان ...
<<<< فاصل موسيقي
فتيات أحلامي ... زي كل شاب لازم أمر بفترة المراهقة وكل الناس كذا باستثناء بعض الاباء والامهات يقولون إنهم كانوا أطفال وكبروا وصاروا راشدين على طول ما مروا بفترة مراهقة طبعاً يؤسفني إني أقول إنهم كذابين وأنا مثلهم .. إلا في شي واحد عشقي للسمينات والمتينات وادوخ ايما دوخه عند المربربات هذا صدق ما فيه جدال..
زمااان أيام ما كان محمد عبده طاق تسعة ازارير في الياقة وشعر منصور مفتاح كنه عرفجه كانوا أبناء جيلي مفتونين بعلا رامي وأختها بسحر وأنا الوحيد اللي شايل صورة وفاء مكي قسم بالله اهل وفاء مكي ما شالوا صورتها وانا شلتها
تحس معاها انك مع حرمه اكره النحيفات احب الحرمه اللي جسمها مثل الطماطه الخربانه مو مثل مسحب الدجاج لو تحط إصبعك في بطنها طلع مع ظهرها ما فيها عظام .. حرمه وأنت معاها سكرت باب الشرع وكأنك ماخذ اربع..

النحيفة اللي مثل شايب .. كلها عظام وعروق ماباها ماباها ..ويوم طحنا في الدشوش انهبلوا العالم عند هيفاء واليسا و.. و .. وانا بغا يغمى علي يوم شفت كلوديا الشمالي خصوصاً اذا كشفت عن كتوفها وقالت طلبت الألب عطيتك ألبي .. لكن ما فيه قناه إلا وحاربتني عليها واختفت والله عوضني خير وجاءت عنق الفقمة وحفيد سيد قشطه .. ديانا كرزون .. صوّت لها لين بغيت ادخل السجن من الديون .. وبكيت أكثر من امها يوم فازت..وعقب هالتعب سوو لها رجيم عسااهم للرجم
أمي برضه قررت تخطب لي بنت سمينه ما هوب علشان هذا طلبي ... لكن عندها يقين إن البنت السمينه اللي شعرها طويل واسود جيده في شغل البيت والحمل والولادة امي تبغا جاريه وانا ابغا زوجه .. اتفقنا في المواصفات واختلفنا في الاهداف .. كانت الشريحة المستهدفة هن البنات اللي من وزن (100 الى 150) ماااااش هذا وزن الذبابة أبي وزن الفقمة..
وبدينا ندور


اعلان تجاري:

النقاشة حورية حائل
خبرة عشر سنوات في ام درمان
سنتين في مورتانيا عند كفيلها ولد سيدي طايع
سنتين في نيجيرياء

اشكال ابداعية ورايقه
احدث نقشاتها:
بامكانك نقش مخطط بيتكم على يدك/نقش درج الصالة على رجلك/نقش سوق برزان كلها على علباااك ههههههههههههههههههههههه
وقريبا
نقش صورة مزيون حايل على جبهتك

النقاشة حورية حايل...انقشي..وارقصي

((عـــــــــــــــــــــدنا لكم))


دورنا يمين شمال الين جاءت وحده من خواتي من أقصى المقلط تناقز .. أبشرك أبشرك .. يقولون فيه بنت بحارتنا ما لقوا ميزان ياسعها وعطتني معلومة كانت كفيله باتقاد شرارة الشوق في قلبي الفتي .. البنت من شدة سمنتها ما مشت إلا في سادس ابتدائي.. ههههههههههههههههههههههههههههههه

قلت طيب تكفين وش اسمها: قالت ((نهاوي)) ومن هنا بداءت القصة

رحنا لبيتهم وخطبناها وبكا ابوها يقول ما نيب مصدق .. و تعال بكره شف العروس .. اوكي .. بكره بكره .. يقولون عيارتها (شبه القاره) لأنها مترامية الإطراف وأنا أقول القمر ما غاب .. وجرى الدم في عروقي والتهبت مفاصلي شوقاً يوم قال أبوها البنت سمينه ولا تقدر تدخل عندك المجلس خل الشوفه في( مصلى العيد في البر) .. الف مقوي مايسوى اللي سواههالخبر انهبلت وغديت كنى على حامي المليله .. اخيرا اخيرا .. يا شيخ خربوا البنات من تالي رجيم وسناك وقلة حيا ايييييييييه هذي الحرمه شبه القارة ياجد جدي خوالها

انتظرت في مصلى العيد واقبلت سيارتهم.. فيه هاله حول السيارة تفضح البدر اللي داخلها .. الشكمان ريحته عطر .. سويت نفسي برستيج ورحت افتح لها باب السياره لقيتهم شايلن المراتب وحاطين جلسه عربي ومركا تقول كنهم في مجلس موب سيارة وسحبنا البنت بواير وطلعت ... يا شيخ يلعن أم الووووووصف اللي قال شبه قاره جابها .. البنت مترامية الأطراف إلى درجة إن حرارة الطقس عندها تختلف لابسه من تحت صيفي ومن فوق شتوي .. البنت تعدت مرحله اللحمه ودخلت في مرحله متقدمه من الشحمة .. ما راح أوصفها لكم يكفي تتخيلوا جمس ابيض وعلى الصدام شوية روج بالضبط هذي هي البنت من الخجل دخلت عرض في السوالف .. قالت تصدق انا مولوده خديج قلت وشلون يعني قالت مولودة في سبع شهور موب تسعه قلت وانا اتميلح ولايهمك بنروح للساري ونطلب منه الفرق وبخلييه يزود مشاركاتك


يعني لو كملت الشهرين كان فوق هالجمس كورلا بعد .. قالت انت تدرس والا طالب قلت لاهذي ولاذيك توني في الجامعه وضحكنا .. انا هههههه وهي خأخأخأخأخأ..


رمشت بعيونها في دلال الين عجعج الغبار حولنا قالت سمعت انك مسوي دون جوان في بعد حيي ومهبل ببنات الحارة .. قلت عاد هذي مبالغه مو كل بنات الحارة بس حورية واجودية وبقايا ووردة العين وسهر واليافعية وسنافية عاد هذي خاقه معي مرررره وقمر بعد حيي .. ههههههههه و عخأ عخأ عخأ عخأ ... قلت على فكره ضحكتك سبشل قالت مادري بس كلهم يقولون أزين ما فيك ضحكتك ...

طبعاً وقت الشوفه صدوا بعيد يقولون على ايش نغار .. انتهت الشوفه وقبل امشي عطتني ورقه وراحت تطعس الين وصلت السياره .. كاتبه في الورقه .. وان كان جسمي كبير..قلبي اكبر ويشيل مثلك عشره..اسيرتك/نهاوي....حلوه يشيل مثلي عشره شكيت بالبنت..قلت مسكينة خانها التعبير.

من بكره كلمتها بالتلفون >>>>> نحسبك كلمتها بالمايكروويف .. وسألتها من عرض السوالف ليش وزنك بزيادة كذا .. تحشرج صوتها وانبح وقالت ما خليت دكتور في الديره ما رحت له (على فكره كل الديره ما فيها الا دكتور واحد باكستاني جاي بفيزة سباك ) ايوه اسلمي وش قالوا قالت يقولون عندك مرض نادر يصيب شخص واحد من كل مية ترليون شخص اسمه نذالة المعدة قلت وش ذي نذالة المعدة قالت إن المعدة عندي فيها نذالة إذا أكلت لو زيتونه تصيح ال معدة وتقول كبسه جريش مرقوق يقومون الإنزيمات يصدقون ويدهرون إفرازات وهالمرض اسمه العلمي ( معده أم الذباان) قلت وانا اخفف عنها نذالة موب نذالة حبيتك بكل ما فيك من شحم ولحم .. وش رأيك نتزوج الخميس الجاي قالت اوف الجاي طيب قل في الصيفية قلت ودي بس ما ودي أبطي على اعضاء المنتدى ودي نخلص الموضوع بسرعه .. قالت تم .. قلت هاتي بوسه قالت اصبر اجيب لك الكتالوج بدون ماراح تدل

جاء الشيخ .. سألت ابوها كم المهر قال يابوك بلا مهر بلا هم خل الدراهم معك تنفعك في مصروفها .. المأذون عيا يكتب يقول إن الشرع حلل اربع وانت بتعرس على وحده عن خمس يا شيخ يهديك يرضيك قال ابد أنت متعدي النصاب .. البنت معاها عم عصبي قام اخذ سكين وراح للبنت شوي وهو جايب شوي من كتفها قال هاااه يا شيخ والحين قال الشيخ اوكي بيبي ناو وي كان دو >> مأذون من مجلس الامن شكله

أخذت نهاوي او شبه القاره وجينا بنركب السيارة حاولنا نعفطها يمين يسار مااااش عيت تدخل قامت امها جابت نيفيا ودهنت كتوف البنت وحشرناها في السياره وصلنا الفندق ماطاعت ترقا الغرفه حطولنا خيمه في البهو ودخلنا .. هنا بيت القصيد..
انا وشبه القارة .. البنت الأسطورة البنت اللي ما مشت إلا في سادس ابتدائي وجهاً لوجه .. استجمعت كل ما قريته من كتب طبيبك وتحفة العروس وبيني وبين إني اصير اب خطوه ونص .. قالت دوك .. وأعطتني كتيب بتوقيع أمها مكتوب عليه (طريقة الاستخدام) كلام ورسومات واسهم واسهم واسهم ومربع عليه علامة اكس مكتوب الموقع .. وتحت مكتوب (ممنوع دخول المغاتير) .. مشيت على الخريطة ماااااااش ضيعت حاولت وضعت الظاهر المخطط اللي سوته امها قديم قبل لا يحطون حفريات وتخبرون بعد حيي هاليومين حفريات وكباري بس تتوقعون هم مسويين حديد يكفي اني اطلع انا ونهاوي هالكباري

أصبح الصبح .. وطلعت الشمس ووقعنا هدنه .. وجلسنا على طاولة المفاوضات فكرنا في حل سلمي للازمه .. بغيت اخذ السالفه جد وارش البنت بكيماوي بس قلت ماله داعي ندخل الأسلحة الجرثومية في الموضوع .. تعبت نفسياً وخليتها ورحت لمنذر .. صديق الطفولة وما عنه شي مغطى..

من شافني ضحك وقال هاااه قلت ضبع .. والله يمكن الضبع أزين ... قال خذ بس .. ناولني زقارة حشيش ماركة ودع اهلك ... يعجبني في منذر انه مثال حي لصديق السوء مثل اللي يجون في الأفلام يوم شافني تعبان نفسياً عطاني حشيش ويعجبني فيني اني مثل الأفلام أخذها ولا أقاوم بزعم إن حالتي النفسية دمار .. قال الله يعينك والله قلبي وقلوب الأخوان معاك >> منذر إذا انسطل يتخيل نفسه عضو في حزب الأخوان المسلمين .. قلت خل قلوبكم على كراسيه ا وعطني حل..

قال البنت اكبر من قدراتك لحالك ورا ما تطرحها اكتتاب وتجيب مساهمين .. قلت ودي بس أخاف يحطونها في القائمة المختلطة وإلا يوقف لي رئيس هيئة سوق الهبال سوق المال...اقول.. حلك زي وجهك ..

منذر... لقيتها لقيت الحل .. جدعت الزقارة وهرعت إلى الخارج كعاصفة هوجاء محمله بالأتربة وسيدا على شبه القارة..

شافتني اركض مستانس قالت هلا هلا هلا وغلا قلت أبشرك لا جيوش ولا حصون عندي الحل عندي .. قالت وشو .. قلت تعالي .. جدعتها على الأرض وجبت مسطره وقلم احمر وقمت اسوي خطوط بالطول وبالعرض لين صار جسمها كله مربعات ورقمت المربعات من 1 إلى 100 وجبت اوراق صغيره مائة ورقه وكتبت على كل ورقه رقم وجدعت الأوراق كلها في غضاره وبالقرعة .. يعني باختصار اللي ما قدرنا عليه دفعه وحده نقدر عليه على دفعات واللي ما يقوى الكاااش يزبن التقسيط..

وانا من وانا صغير متعود على الاقساط يعني ماعمري شريت شي كاااش

الا اقسطه

المهم دخت وانا كل يوم قرعة في قرعة مره دوري ومره كاس
ومره وديه

اخر شي..قررت انحااش واهااجر
وقمت بالليل وكتبت على جدار الغرفة لاني لو كتبت على ورقة مستحيل تقراها لاني اصابعها بتغطي على الورقة لدرجة انه ايام زواجنا كنت اكتب لها عبارة الاعجاب على(الزولية)

انحشت يا جماعة الربع..وارتحت...ومن يومها شوفة عينكم نهاوي تهاجم التماسيح في كل مكان..

انا الآن انتهيت وشكلكم يبي لكم الخميس والجمعة يالله تخلصون مؤتمري

والحين عاد دوركم بالاسئلة

وبلاش احراج

<<< اصب لك شوي منذر

عموما راح انشر صورتها لكن وهي صغيرة وبصف خامس ابتدائي
7
7
7
7
7
7
7
7
7
7
7
7
7
7























[/align]

[align=center][align=center]هههههههههههههههههههههههه


غــــربــــــــلااااات عدوينــــــك يا كديش حايـــــــل... ههههههههههههههههه


والله تصدع راسي من كثرة الضحــك .. اكييد من كثر ما تمدح في عمرك


انحـــرررررقت وتشوووه فيســــــــــك يا بو كديش..



هههههههههههههههه


والبنيه احلــى منك .. حراااام بتظلمها وبتتعبهاا ويــــاااك .. بعدها صغيرونه



انت ويـن تبـــا؟؟

صـــــج شيبـــــــووووووووووووب .. ويباا يرد للمراااااهقه.. هههههههههههه[/align] [/align]




[align=center]مــزيــون حايــل :

مشكـــور عالموضوع الحلـوو والموونس..

ودوومـــك رااعي الموااضيع الخبلـــه واللي تضحك..

ولا تحـــرررمنا من هالفرفشـــه.. مثل ما عودتنا عليهااا.. [/align]

هههههههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
استغفر الله ياااااااااااااااااارب
ههههههههههههههههههههههههههههههههههههه
يا رجال تحمد ربك عطاك وحده لما تضحك كل الجن و العفاريت
الي حولك يختفووو من الروعه و الخوف*_^
ههههههههههههههههههههههههه

كنت اكتب لها عبارة الاعجاب على(الزولية

هههههههههههههههههههههههههههههههههههههههههههه
لاحول انت الي جبت البلا لنفسك بس تستاهل الي جاك

مزيون حايل

ربي يسعدك ويسلمك يا اخوي على سوالفك الظريفه
بس عاد نهاوي ما تهون علينا و تحمل الي يجيك
من السحالي

وردة العين

ايه حيلكم بهن
يابعد حيي والله
عشت عشت مزيون

ههههههههههههههههههههه
هههههههههههههههه
أخذت نهاوي او شبه القاره وجينا بنركب السيارة حاولنا نعفطها يمين يسار مااااش عيت تدخل قامت امها جابت نيفيا ودهنت كتوف البنت وحشرناها في السياره
<< تخيلت الموقف وانت تعفطها مع امها

مزيون حايل
الله يونسك بالعافيه ويسعدك
والله يعينك على آكلااااات الذبان اقصد السحالي
سهر

على فكرة تقدمت (بسطة) اجودية لرعاية المؤتمر ورفض(عبيد الضلع) بسبب ان البضاعة المعروضة به خليط محظور استخدامه بالحارة




وعبيد وش بيني وبينه

بكل مكان طالعن لي

وش هالغيره شكله يبي يبسط

حرام يالمزيون هذا وانا دافعتن لك

فلوس الاعلان




نهاوي من وين لك هالفستان؟؟؟؟؟؟يجننننننننننن

تخبرين حنا هالحين على وجه عروس

وندور فساتين

يالله ايتها النواعم

فلنبداء بالهجوم المضاد


المزيون يسلمووووووووووو


على هيك موازضيع

هههههههههههههههههههههههههههههههههههههههههههههههههه ه
مزيون وش فيك مرتفعه الحرارة منت طبيعي
تهلوس بالعرس اقول مادام السالفه كذا ليش ما شتركة
ببرنامج قسمه ونصيب
اتوقع راح يعجبنك الامهات اكثر من البنات
واي خطوط واي طريقة استخدام واي اسهم الله يلعن ابليسك
وين الساري عنك والا الواسطه لها دور
شكلك تعديت الحدود الحمراء جيت مطسس هدي السرعه
هههههههههههههههههههههههههههههههههههههههههههههههه
وانا مسويني اعلان تجاري لهالموضوع لا وبعد سودانيه تاثير الزوال الي
سوى فيك المقلب ماثر فيك هههههههههههههههههههههههههههههه

الله يعطيك العافيه مزيون ويصلحك
واصبر علي الملف مفتوح مفتوح انشاء الله
حورية حائل ملكة جمال المنتدى

ههههههههههههههههههههههههههههههههههه
هههههههههههههههههههههههههههه
ياربي رباااااااه متت ضحك وربي


ربي يونسك بالعافيه مشرفنا مزيون حايل

تحتي لك

دلوعتكــ

اقتباس: المشاركة الأصلية كتبت بواسطة سنافيه    [align=center][align=center]هههههههههههههههههههههههه غــــربــــــــلااااات عدوينــــــك يا كديش حايـــــــل... ههههههههههههههههه والله تصدع راسي من كثرة الضحــك .. اكييد من كثر ما تمدح في عمرك انحـــرررررقت وتشوووه فيســــــــــك يا بو كديش.. هههههههههههههههه والبنيه احلــى منك .. حراااام بتظلمها وبتتعبهاا ويــــاااك .. بعدها صغيرونه انت ويـن تبـــا؟؟ صـــــج شيبـــــــووووووووووووب .. ويباا يرد للمراااااهقه.. هههههههههههه[/align] [/align] [align=center]مــزيــون حايــل : مشكـــور عالموضوع الحلـوو والموونس.. ودوومـــك رااعي الموااضيع الخبلـــه واللي تضحك.. ولا تحـــرررمنا من هالفرفشـــه.. مثل ما عودتنا عليهااا.. [/align]

شوفي عاد سنافية ترى الاعجاب ما ينخش يعني واضح اعجابك وماتقدرين تخبينه عنا..بس ولايهمك بعطيك صورة لي يمكن يخفف عندك الشوق والهياام بي

ههههههههههههههههههههههههههههههههههههههههه

اقول دووم هالضحكة ودامكم مبسوطين صدقيني الراس بيشتغل صح

اقتباس: المشاركة الأصلية كتبت بواسطة وردة العين    هههههههههههههههههههههههههههههههههههههههههههههههه هههههههههههههههههههههههههههههههههههههههههههه هههههههههههههههههههههههههههههههههههههههههههههههههه استغفر الله ياااااااااااااااااارب ههههههههههههههههههههههههههههههههههههه يا رجال تحمد ربك عطاك وحده لما تضحك كل الجن و العفاريت الي حولك يختفووو من الروعه و الخوف*_^ ههههههههههههههههههههههههه كنت اكتب لها عبارة الاعجاب على(الزولية هههههههههههههههههههههههههههههههههههههههههههه لاحول انت الي جبت البلا لنفسك بس تستاهل الي جاك مزيون حايل ربي يسعدك ويسلمك يا اخوي على سوالفك الظريفه بس عاد نهاوي ما تهون علينا و تحمل الي يجيك من السحالي وردة العين

ياحبك وردتنا حق التشمت والضحك على بلاوي البنات..بس قدمي على الساري وخلييه يعرضك على الحنكبور ونسوي لك تعديل(شاصي) وتصيرين (اخوش) تمساح

اخوش هي الفعل المضارع المستمر لي(خوش)
وبعدين بالنسبة للزولية كانت اصغر مقااس كتبت لها فيه

تصدقين مره استاجرت طياره نفاثه وخليتهم يكتبون..صلحي لي شااهي

وشافتها وجابت الشاهي

هههههههههههههههههههههههههههههههههه


ياهلا والله بهالطلة والسحالي ماعليك اول ما اسلهم بعيوني يخقووون ويمسحون كل شي كتبووه عاد الا السحالي المسترجلة او المترجلة<<< داخل اسعاف الاخ

هههههههههههههههههههههههههههههههههههههه

اقتباس: المشاركة الأصلية كتبت بواسطة الشايب بابا    ايه حيلكم بهن يابعد حيي والله عشت عشت مزيون

تعيش وتدوم يالغاالي

حنا تلاميذ وخططك نبراس لنا في محاربة(مدمنات الذبان)

ههههههههههههههههههههههههههههههههههههههههه

اقتباس: المشاركة الأصلية كتبت بواسطة سهر    ههههههههههههههههههههه هههههههههههههههه أخذت نهاوي او شبه القاره وجينا بنركب السيارة حاولنا نعفطها يمين يسار مااااش عيت تدخل قامت امها جابت نيفيا ودهنت كتوف البنت وحشرناها في السياره << تخيلت الموقف وانت تعفطها مع امها مزيون حايل الله يونسك بالعافيه ويسعدك والله يعينك على آكلااااات الذبان اقصد السحالي سهر

هههههههههههههههههههههههههه

وماخفي كان اعظم

يعني انا ليش تركت نهاوي

صرنا في كل دخله وباي مكان لازم ندهن لاحد ماصرت دعاية جبن سايل

ادددددددهن اهااااااااااااااااااااااااااا

هههههههههههههههههههههههههههههههه

ياهلا والله بسهورتنا وماشاء الله عليك يا شعلة المنتدى

اقتباس: المشاركة الأصلية كتبت بواسطة اجوديه    على فكرة تقدمت (بسطة) اجودية لرعاية المؤتمر ورفض(عبيد الضلع) بسبب ان البضاعة المعروضة به خليط محظور استخدامه بالحارة وعبيد وش بيني وبينه بكل مكان طالعن لي وش هالغيره شكله يبي يبسط حرام يالمزيون هذا وانا دافعتن لك فلوس الاعلان نهاوي من وين لك هالفستان؟؟؟؟؟؟يجننننننننننن تخبرين حنا هالحين على وجه عروس وندور فساتين يالله ايتها النواعم فلنبداء بالهجوم المضاد المزيون يسلمووووووووووو على هيك موازضيع

اي هجوم واي اسلحة

انا بس ارش عليكم درزن ذباب تنسون الحرب وطااريها

اقول يالله بس قدموا على عشوق محتاجين سحالي لمتحف حماية البيئة نبي نرشهم بنشاء علشان زيارة حقوق الانسان ونبي نثبت لهم ان علاقة السحالي بالذبان علاقة حميمة ..طبعا سنافية مرفوضة لانها صعب تقااوم صوت ال..ززززززززززز

هههههههههههههههههههههههههههههههههههههه

اما عبيد فهو رجال مخلص بشغله وماعندي ياخالتي ارحميني وهو ادرى بمصلحة الحارة والمؤتمر
ههههههههههههههههههههههههههههههههههههههههه

تخليتك وانتي لابسه نفس الفستان...كنك عصير سبلالالالاش

اقتباس: المشاركة الأصلية كتبت بواسطة حورية حائل    هههههههههههههههههههههههههههههههههههههههههههههههههه ه مزيون وش فيك مرتفعه الحرارة منت طبيعي تهلوس بالعرس اقول مادام السالفه كذا ليش ما شتركة ببرنامج قسمه ونصيب اتوقع راح يعجبنك الامهات اكثر من البنات واي خطوط واي طريقة استخدام واي اسهم الله يلعن ابليسك وين الساري عنك والا الواسطه لها دور شكلك تعديت الحدود الحمراء جيت مطسس هدي السرعه هههههههههههههههههههههههههههههههههههههههههههههههه وانا مسويني اعلان تجاري لهالموضوع لا وبعد سودانيه تاثير الزوال الي سوى فيك المقلب ماثر فيك هههههههههههههههههههههههههههههه الله يعطيك العافيه مزيون ويصلحك واصبر علي الملف مفتوح مفتوح انشاء الله حورية حائل ملكة جمال المنتدى

انا اللي اهلووووس بالعرس ولا غيري اللي كل ما شافت كلمة عن العرس طاار عقلها..بس لاتخافين ترى انا تعدى عمرك ال40 ولا لقيتي احد يتزوجك ولايهمك انا بفزعلك علشان طيبة اهل السودان
هههههههههههههههههههههههههههههههههههههه

البرنامج ياعمري رفضوا اني اشارك لاني يوم قدمت البنات وامهاتهم كلهم قالوا نبي هذا حتى انهم صاروا يطالبون(بالسعودة) بالبرنامج علشان مايصير بالبرنامج الا انا

ههههههههههههههههههههههههههههههههههههههه

بعدين وش الخطوط الحمرا انتي نااسيه ان التجارة العالمية جااايه جاايه وبيصير انفتااح وبيلغون اي خطوط الا خطوط المشاة علشان بس تزين الشوارع

الاعلان انتي اللي قدمتي عليه وحاولتي المستحيلات وعبيد الله يسلمه رحمك ووافق عليك رغم ان المؤتمر كان وطني 100%

بس تخفيفا لمعانة اهل(دار فووور) وافقنا عليك

هههههههههههههههههههههههههههههههههههه

ياهلا والله..مشتاقين لك يالوفية

اقتباس: المشاركة الأصلية كتبت بواسطة دلوعتكـ    ههههههههههههههههههههههههههههههههههه هههههههههههههههههههههههههههه ياربي رباااااااه متت ضحك وربي ربي يونسك بالعافيه مشرفنا مزيون حايل تحتي لك دلوعتكــ

هلا والله بدلوعتكــ

الله يونسك ويزيدك ضحك وفرفشة وشرف لنا وجودك واتمنى تفاعلك الدائم وتجدين كل راحة واخوه بيننا

وخليك مع مزيون..يكفيك شر العيون

هههههههههههههههههههههههههههههههههه