معجم مبسط للكلمات الشعبيه اللتي تتكرر في الشعر

هلا وغلا بالعزوه جميعا000

كما تعلمون هناك كلمات شعبيه دارجه في اشعار الاباء والاجداد واكثرها غير

مستعمله الا في شعر من يتبع الاسلوب التقليدي بالشعر وقد احببت توضيحها البعض

منها الذي مر في ذاكرتي وان وجد الاخوان والاخوات فيه فائده فسوف نزيده بكثير

من هذه الكلمات انشالله000


ونرفى خمال الجار لاداس زله000كما ترفى بيض العذارى ثيابها

ارفاه=اداريه مداراة

احدن يدور بالردى بنت عمه000 واحدن يدور ستر عذرى عوانيه

عوانيه=جماعته البعيدين

يوم الموازر غطرفن للسلاح000

غطرفن=لولشن يعني زغردن بزغاريد الفرح اللي يسويه النسوان0

اهل التومان والسيوف المذهبه

التومان=نوع من الملابس الجميله القديمه ومنها اسم فخذ من شمر

والمذهبه كانوا يحطون نصاب السيف من ذهب لسيوف الشخصيات0

اترك طريق منوقلين الهداميل000

منوقلين الهداميل بالميم ماهو الباء وهم اللي يبيعون الخام بين الناس0


اشناك=اسبك واشتمك واعيرك

اتوق=اشتاق واتمنى 0 اتوق لك اشتاق لك

بوارح البيد=متعبات الطريق 0 لاصار الطريق بعيد عن الناس مثل مايقال مقطعه 0 بوارح يعني متعبات والبيد الصحاري القاحله لانها
تبيد الحيل والمطايا0

نعاره=براسه نعاره اللي به شر وشايف نفسه ومغرور بشجاعته يقال
فلان يكسر خشم اللي براسه نعاره

سم ذحاح=او سم زعاف هو السم القاتل اللي مايعتق منه الانسان0
النود =اسم للرياح اذا كانت لطيفه وبارده

السطاره= براسه سطاره هي الشجاعه امام الظلم يعني مايرضى بالهون لان راسه به سطار شجاعه00

اندبه=اسميه وادعيه باسمه 0 ندبته يعني دعيته باسمه00

البنايد=المخاصمات يقال فلان باند فلان يعني جادله وخصمه00

وبند مفرده يعني شرط يقال خمس بنود اي شروط او خمس نقاط0

الكار=الطبع او السلم او العاده يقال هالشي لنا كار يعني طبع وسلم0

عوص النضا =هي الابل الركايب منهن اللي يسافرون عليهن وماتقال للابل اللي للحليب والمقاني00

العيون النرجسيه=اللي لونهن عسلي00

القناد=الشي اللي يقضي حاجتك ويفكك من شحذة الناس ويطلق على00

اشياء كثيرة واكثر مايطلق على اللي يعدلن الكيف مثل الدخان والقهوه00

جرفه وطميه=اسامي اماكن0 مري طوارف طميه يقوله ابن حثلين00

المنسف=نوع من الطبخات مشهور بالاردن ويطلق عندنا على الصحن00

ويدل على الكرم يقال فلان راعي منسف00

الصيهد=الارض بالبر اذا كانت صلبه00

الخرتيت=نوع من الحيوانات نشيط لكن خبل غبي ويشبهون به الناس

وفيه مكان بالنفود بهالاسم0

الاقذال=جمع قذله وهو راس البنت لاصار طويل وتنطق بالجيم عند

البعض يقال جذله ويطلق على اعلى شي بالجبل0

درفه=النافذه بيبانها درفتين والواحده درفه وهي ابواب النافذه وتطلق

على كل باب يتكون من جزئين00

دماث النحر=الدماث هو الليان 0 ليان الارض لاصارت لينه والنحر

اسفل الرقبه اللي بين الرقبه والصدر وعادة انه ينكشف من البنت دايم

لذلك يعرفون بياضها من نحرها0

صفر العراقيب=الحريم اللي مايستحن وبس يدوجن بالشوارع00

الطاروق=الوزن للقافيه يقال قصيدة فلان يازين طاروقه يعني وزنيتها00

بالشيله وتطلق على العمل يقال امش على هالطاروق والكيفيه
0
ثعول المزن=الثعل المكان اللي يجمع الماء ويكون كثير والغيم وتطلق

على الغيم لاصار اسود من كثر الماء فيه00

ماهو على دلي=ماهو على كيفي وهواي وامنيتي00

فنجال عقب الفواله=الفواله والفال هي الامنيه السعيده لما تشوف شي

حلو الصبح تقول اليوم فال زين انشالله00


وسيع الثنايا=مجرى السيل اللي تصب فيه شغايا واجد وياخذهن وتطلق على الكريم

من الناس0

الوشيعه=اكله ماهي زينه بالعراق وعندنا يعيرون اللي ياكله0 قال الوضيحي تمدح

حريم مرطلين الوشيعه0

عنز=اسم ديرة الدروز بالعراق وذكرها خلف الاذن بقصيدته00

يشعب ركابه=يضرب ركابه علشان يسرعن وتطلق على اللي يصير مهتم بالامر يقال

فلان يشعب ركابه بالشر يعني يركض به00

1- سحاه ( لطافته ) وتاتي بمعنى ( سحبه وجره )

2- ذب الخريمه 0 ذب بمعنى رمى 0 الخريمه الريع الواسع والريع

هو المساحه او الشعيب اللي بين جبلين وذب الخريمه يعني عقبها

وخلاها وراه00

3- شقرة العصى 0 هي المكان اللي تضرب فيه من العصى لان اللي

تمسك معه العصى يقال له قبضة العصى والباقي الشقره0

4- العبله هي المكان المرتفع عند اهل الجنوب اللي نسميها حنا سنود

5-العيطموس هي البنت الجميله اذا كانت شفايفها حلوه ومورسه0

6- الهناديب هي الالحان والطواريق والشيلات00

7- البوشيه هي شيلة البنت 0 الشيله الغدفه والغطوه0 وهو يقول

نزلي الغطوه ويروي عطشه يقصد من شفايفها0

8-الاقذال 0 القذله هي اعلى الراس ويقصد بها اعلى شي من الجبل0

9-الشاذليه هي القهوه في اول فوح 0 يعني البكر منها00

10-عرام يعني الزعل والزوم00

يقال : ياشيخ خشمك لايجيه عرام0

11-الجابوح: يعني على الهامش ويقال حطن على الجابوح يعني ماعطاني وجه او

شطفن واهملن00

الشوابيش: اسم سلاح قديم مفرده شوباش00

المجيدي: عمله مستخدمه قبل حكم الدوله السعوديه وكذلك الشوشي0

لامن حيلات الاجاويد ضاعه000 يفدع ولو كان المجيدي على صاع

وقال الاخر:

وسلاح اهلهن بالفلوس اشواشي000 دبات يظهر غيبهن كل دفاش

الخرابيش: البيت من الشعر اذا كان صغير ومتهلهل من الفقر

نور عيني ماسكن بالخرابيشي000 منزله عالي مثل جال عكاشي

المجاويخ: اللي يلبسون الجوخه وهي نوع فاخر من الثياب 0 وتطلق على سادة

القوم لانهم هم اللي يلبسونها00

الخزيزه: هي التي يكسبها الشخص من العدو وتكون اصيله من الابل او الخيل0

الصابور: هو الجمع من الفرسان اذا اشتهر بالشراسه والاستماته بالحرب كقول:

هذي فعايل مدبة كل صابور000قولن على فعلن وكادن يشافي

الثور: صحيح معروف لكنه يطلق اكثر على القطعه الكبيره من الاقط اللي نسميه

(بقل)بلهجتنا الشعبيه كقول:

يامغذي الجذيان يامصلفح الثور000خمك شطنها واعتلاك الهرافي

والجذيان الضعيف الصيفي من صغار الغنم0

شطنها : بلاها ومصايبها كقول:

والحمد للي فكني من شطنها000 متكيفن مابين عرعر وابا القور

ذارة الريم: اي خافت وجفلت 0

النسناس: الهواء اللطيف اللي فيه بروده0

المدباس: الشجاع من الرجال00

القرمه: البنت القرمه اي الشاطره اللي تتحرك وتنجز المهمه بسرعة واتقان0

قب المناخر: وساع المناخر وهو الانف من الخيل00

المهاديف: تطلق على الدلال وهي اللتي يكون وجهها للاسفل يقال مهدف0

المحاديب: الحدب وتطلق اكثر على السيوف00

الخفره: البنت الجميله00

الحنايا: هي الظلوع في الصدر في اكثر الاشعار00


لنا تكمله انشالله يالعزوه000

[align=center]ابو فهد

راوينا


كل الشكر يالغالي

ولاهنت على هذااا المعجم

الله يعطيك العافيه يالطربه

وانتمنى المزيد الله يطول عمرك

لك مني كل الموده والتقدير

اخوووك

سرحان[/align]

[align=center]شرح مفصل لمعجم الكلمات الشعبيه

بيض الله وجهك على التوضيح والشرح السلس

كثر الله أمثالك أخوي فواز

دمت ودام قلمك[/align]

التومان=نوع من الملابس الجميله القديمه ومنها اسم فخذ من شمر


كل الشكر ايها الاستاذ الرائع


على التوضيح

واغلب الكلمات جديده علي


فشكرا لك على هذه المعلومات الرائعه


الله يعطيك العافيه

اقتباس: المشاركة الأصلية كتبت بواسطة سرحان    [align=center]ابو فهد راوينا كل الشكر يالغالي ولاهنت على هذااا المعجم الله يعطيك العافيه يالطربه وانتمنى المزيد الله يطول عمرك لك مني كل الموده والتقدير اخوووك سرحان[/align]

مشرفنا الغالي سرحان000


هلا وغلا مليون ولايكفون ومشكور جزيل الشكر على تعبيرك

الغالي والمحبوب الله لايهينك يالعزوه

تحياتي العطره بريح الورد

اقتباس: المشاركة الأصلية كتبت بواسطة آآمنتك الله    [align=center]شرح مفصل لمعجم الكلمات الشعبيه بيض الله وجهك على التوضيح والشرح السلس كثر الله أمثالك أخوي فواز دمت ودام قلمك[/align]

العزيزه اامنتك الله000

سعدت بمرورك وتشرفت بتعليقك الغالي والنبيل0


لكم مني كل الود والتقدير والتحيه العطره الصادقه0


الراوي00

اقتباس: المشاركة الأصلية كتبت بواسطة اجوديه    التومان=نوع من الملابس الجميله القديمه ومنها اسم فخذ من شمر كل الشكر ايها الاستاذ الرائع على التوضيح واغلب الكلمات جديده علي فشكرا لك على هذه المعلومات الرائعه الله يعطيك العافيه

العزيزه الغاليه اجوديه000


ان كان هناك ابداع فهو من تشجيعكم لي الذي اصبح هو دافعي

الاول لكل ماكتبت لكم من حروف فلكم الشكر والتقدير الخالصين00

تحياتي العطره الراوي

تسلم تسلم
عافاك ربي فواز غسلان
توضيح
كافي وشافي

شكرا لك فواز على المشاركه
لاعدم ولا خلا
يالسنافي

عساك للقوه والعافيه
فواز الغسلان
جهد تشكر عليه

اقتباس: المشاركة الأصلية كتبت بواسطة عنيزاويه    تسلم تسلم عافاك ربي فواز غسلان توضيح كافي وشافي

العزيزه عنيزاويه000
اشكرك جزيل الشكر على مرورك الغالي والنبيل

تحياتي العطره والغاليه لك دائما

تحيه برائحه العود

اخوك الراوي0

يطولي بعمرك
الله يعطيك العافيه فواز الغسلان
انتا
علم على راسه نار ماشالله

[align=center] الله يعطيك العافيه على هذا المجهود

تستحق الشكر بعد الله على ماتقوم به من جهود طيبه

بارك الله فيك وحفظك ورفع قدرك

دمت بصحه وعافيه[/align]

اقتباس: المشاركة الأصلية كتبت بواسطة ملك البسمه    شكرا لك فواز على المشاركه لاعدم ولا خلا يالسنافي

العزيز الغالي ملك البسمه000


مهما قلت تعجز الكلمات عن شكركم لقاء تشجيعكم المستمر

الذي له اكبر الاثر في كل ماكتبت من حروف متواضعه000

اشكركم جزيل الشكر وتقبلو تحياتي الخالصه

الراوي00

اقتباس: المشاركة الأصلية كتبت بواسطة سحابة شمر    عساك للقوه والعافيه فواز الغسلان جهد تشكر عليه

العزيزه الغاليه سحابة شمر00


اشكر مرورك الغالي وتعليقك النبيل يالعزوه00


الراوي