عمرها تسعة عشـر عام ينقص أو يزيد=إســمها فيــفي وأبوها حجي عبد الصمـــد

[align=center]بسم الله الرحمن الرحيم

السلام عليكم ورحمة الله وبركاته

قال الله تعالى((وباالوالدين إحسانا))

لاشك أن الدين الأسلامي أمر ببر الوالدين

والأدله الشرعيه على ذلك مذكوره في النصوص القرآنيه والأحاديث النبويه الشريفه

وكتبت السالفه والقصيده من باب الطرافه حسب ماسمعتها

وليس من باب الحث على عقوق الوالدين


فيه واحد شاب لم يعجبه الحال الذي آل إليه والده بعد أن تخطى الثمانين

من إعتزاله الناس وإعتزاله أمه الكبيره في السن

ولعل الولد علم بالســبب وقام بجلب العلاج للشــيخ الهرم من إحدى الدول الأوربيه

الشيخ الهرم(ما صدّق خبر )إستعاد عافيته وأحس بنشاطه النفسي والذهني والجسمي.

وباقي السالفه في القصيده وهي فكاهيه :


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بشـــرونا بالصحـافه عن علاج جـديد=ينعش الأبــدان ويرجع الشـــايب ولــد
صانعينه بواشــنطن ومفعولــه اكيــد=جعل من جابه يوســع له بقبره واللحــد
قلت فرصه شايبي له زمن ما يستفيد=من كبر سـنه يعـــاني وروح بلا جســــد
له ســنين منعزل لاشــقي ولا ســعيد=كل ما شـــاف العجــيز تثــاوب ثم رقــــد
ما بيــده حيلــة وانتهى منــه الرصيد=العظـام مهلهلـه والعــروق بـها ســــدد
قلت ابـر بوالـدي وانفعه حتى يعــــيد=ماضـي الأمجـاد ويصبــح بعيشــة رغــد
اشــتريت اربع أدويه بألفين وتزيد=الدواء اللي تخـلي مـن الثعـلب اســـــد
يوم اخـذ منها تناقض رجـع كنه وليد=ومن نشــاطه قام يركض ويصدم بالعمـد
شهر كامل ما تشـوفه من بعيد الي بعيد=منهمـك هـو والعجـيز كل ما ينـزل صعــــد
وبعد مده قال انا ودي أسـافر للصعيد=من مصـــر ناوي أفيــــــز لعمـــال جـــدد
غاب يومين وجانا معه شــي فريــد=بنت شـــــمحوطه وبيضا ومركــوزة نهـــد
عمرها تسعة عشـر عام ينقص أو يزيد=إســمها فيــفي وأبوها حجي عبد الصمـــد
هــام فيها أبوي والحــكي ما عاد يفيد=حــــلق اللحــيه وعن ربعــــة قفا وابتعـــد
صــار خـاتم في يدها ويفعل ما تريــد=واصبحـــت تتحــكم فينا مثل شـــــيخ البــلد
اسلبته المال والعقل والراي الســديد=وبالمقـــالب والحـــيل عيشــــتنا في نكــــــد
طلق أم عياله اللي لها ســاس جويد=قال طســي ياعجــوز المشــــاكل والعقــــد
ومن يذوق الكيك ما يرجع يفكر بالعصيد=وانتي العيشـــه معك مثل حـبل من مســـــد
هانت العشره وخانه عسى عمره يزيد=باعــنا بابخــس ثمــــن وراح عنا ما نشـــد
اعرف اني سـبة اللي حصل والله شهيد=جيت اكحــل عين محــروم وأعماها الرمــد
أثر بعض البر وسواس شيطان مريد=يفســد الأخلاق ويضيع الوالد و يضيع الولـد [/poem][/align]