قصيدة لأحد الغالين طلبني أكتبها تعبير عن حاله
فإليكم هذه القصيدة المتواضعة وقد أستأذنته في نشرها
فوافق على نشرها
طلبناك يارحمان ياخالق الأرواح =ويا من علمت القلب وش سر مكنونه
تفرج لعبدك يوم قفى زمن لفراح=ولا عاد غير الهم والغم يكوونه
ظروف تحطم معنوية ولد وضاح=تسومه وتلعب به وكم بكت اعيونه
توالت على شخصه وحافت به الأتراح=ودمعه سكايب واضحت الكبد مطعونة
سبح في محيطات القهر واستجار وصاح =وكل القرابه باشنع الهرج يرمونه
هو اسمه حمد والناس قالوا حمد مرتاح=ولا يعلمون الناس باسرار مدفونة
طواه العنا واصبح جريح بلا جراح=تلاشت علومه واحدن زادت اديونه
تحداه ضيق الوقت من ضعف حاله ناح=وكن الخلايق كل أبوهم يعادونه
مع الهم والهاجوس كم له وهو سراح=قضى كل عمره بين سجات مشحونة
وتكثر همومه كل ماشاف برق لاح =وصارت حياته للبهاذيل مركونة
خدعه الزمان اللي سطع كنه المصباح=وصدّق بريق الشكل واحتار بفنونه
محمد العمري
العضو الأكثر نشاطاً هذا اليوم 
العرض الشجري
