لغز(فطور منذر الله لايبلى))((حلته نور المنتدى))

اقتباس: المشاركة الأصلية كتبت بواسطة نورالدنيا    ابو فهد ممكن تكون مساحات السيارة؟! أو معاميل القهوة؟! الله يستر مايصير شداد؟!===>>>شكلك تبي قصيدة هجاء ثانيه ههههه

[align=center]

هلا وغلا العزيزه نور الدنيا0000

مالك لوا يالعزوه000 حاولي مره اخرى000[/align]

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ليت منهو عاقبـن خـط سامـوده=مهرفن محني كما الذيـب لاجاعـي
فوق جيبـن دافعـن كـل منقـوده=اشهبن من جمركه وقـم الارباعـي
زايدن سعره بالاسواق من جـوده=وبالفعايـل نايفـن كـل الانواعـي
ان دعس له طلقتن ثـار بـاروده=وان نخيته فاع مع كـل مطلاعـي
قيمته من وافـي الجـود موجـوده=ويشهد الله ماشريتـه بـلا داعـي
ماترك درب الوعر خايفـن كـوده=عارفن طرق الفيافـي والاسناعـي
والرفاقه ضايـح البـرق ورعـوده=بارقن يوضي ظلامـه بالاشعاعـي
سيلها يرمي مـن الظلـع جلمـوده=عن طريقه يشلعه عشرة ابواعـي
في ليالن ترهب القلب مـن سـوده=موتري يقطع بنـا كـل مرباعـي
ومع طلوع الشمس والبدو مع ذوده=زان كيف اللي شكى شين الاطباعي
راح عن صدري غثى البال ولهوده=حين فاح العشب مع كـل ذعذاعـي
وانتعش جسمن غدى ذابلن عـوده=يوم بانت دار منقـوش الاصباعـي
عندلن كن القمـر ضـاح بخـدوده=حبها لاقصـى المعاليـق شلاعـي
والجدايل فـوق الامتـان مرجـوده=طيفها يودع خفى الـروح ملتاعـي
اجتمع فيها شـذى العطـر ووروده=والحلا مايستـره ثـوب وقناعـي
قطعتينن تجمـع الـردف ونهـوده=كم نصحت القلب عنها ولا طاعـي [/poem]