شيخة الهربيد والاعلام الاربعون بالتفصيل

[align=center]



قصيدة (الشيخه) للشاعر عدوان الهربيد من السويد من شمر قصيده اختلف الناس

في روايتها على عدة

اوجه والسبب في ذلك انها تذكر اسماء شيوخ فقط دون شرح عنهم وافي لذلك اصبح

من السهل لضعفاء

النفوس انيبدلوا اسم باسم دون ان يتغير شي في قاف ووزن القصيده لذلك احببت ان

اذكرها كماهي دون

زياده او نقص حسب ماسمعتها من كبار السن من السويد وخاصة المقربين من

الشاعر وعلى راسهم لافي

بن شامان المسعود الهربيد السويدي الشمري وهي نفس رواية الراوي الكبير فهيد

الفرج الغيثي الشمري

(الحبك) مع ترجمه لكل من ذكر فيها وثبتوها لتكون مرجع على مسؤليتي انا

الراوي ابن غسلان000 اجدبت ديار السويد فخرج بهم عساف الهربيد (اخوشقاء)

الى شمال وبالاخص

(مكيحيل) وهو من موارد الشرارات وعندما مضى ثلاث شهور عليهم اقترب القيض

وانتبه لذلك عدوان عندما

رأى (الاناثي) وهي النجوم مغاريب أي غربت وكان الناس لاهين بالربيع والخير

فأراد الهربيد ان ينصحهم

بالرحيل قبل حر القيظ فقال: وهي تسمى (مفتاح الشيخه) يعني سبب القصيده :



[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

زعنا من الغوطة شمـال بتغريـب=وصارت بنا عن سوق حايل مناحي
التتـن قـل وكملـوه الشواريـب=ونكسوا لابو عوينان مثل الطياحي
مودع عصيف الشاوري كنه السيب=وبرية ريحه على الجمـر فاحـي
ماكنه الا العيلمـي مـارد النيـب=لا قلّت الامواه هـن والضحاحـي
نتلي ضعاين نيبنا شمّـخ النيـب=جل البكـار منفضـات الطياحـي
ربّع بنا عسّاف قـرب اللواهيـب=عشب يغذيـه الغشيـم الرواحـي
ياما قطعنا من طـوال العراقيـب=وياما نزوح الصيـد بالإرتماحـي
وياما إعتلينا نايفـات المراقيـب=وياما رتعن بأقصى الدحيل اللقاحي
وياما صبرنا بي نحور الأجانيـب=يوم ان كـل بالأمـان إستراحـي
لعيون غضّات البنـات الرعابيـب=تسعين ليله ما رمينـا السلاحـي
بديار ابن يكلب وكـلاّب وكليـب=بين البيات ومحتريـن الصباحـي
بشرقي مكيحيل رعينـا الغابيـب=فرس تهزّع بالخبـوب السماحـي
ياخو شقا شف الأناثـي مغاريـب=زل الربيع وزل وقـت الصلاحـي
وديارنا من دونهن يتلـف الذيـب=قولوا لوندات الحريـم الرواحـي
دنوا لنا العتلات هن والمصاعيـب=مثل الصدير من المقور القراحـي [/poem]



عندها تكلم اسماعيل

وسعيد منهم مستبعدين الخطر الذي قاله الهربيد في قصيدته وزادو على ذلك بقولهم

ياعدوان شف الفرس

والضمران يغطي الابل وين نتركه ونمشي فقال الهربيد اخاف ان الضمران والفرس

يتسببن بذبحكم يالربع00

فقال سعيد لاوالله عادتكم يالشعراء زواريب (أي جبناء مرجفون) ترجفون بربعكم وكل

شاعر زاروبه00 فقال

الهربيد خص ولاتعم 0 فكان الغضب قد بلغ ذروته فقالوا الا كل شاعر زاروبه بدون

تخصيص000 عند ذلك غضب

الهربيد لكونهم عموا جميع الشعراء بهذه الخصله السيئه فقال ردا عليهم وذاكرا

نموذجا من الشعراء الذين

جمعوا مع الشعر ذكر طيب وعلم غانم اما بفرسه او بكرم فقال :


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

المجلس اللي به اسماعيل وسعيـد=ينعاف لو قربه على القلب غالـي
اسماعيل ماسمته سموت الاجاويـد=وسعيد ماداجـوا عليـه الرجالـي
غيالك الضمران والفرس ياسعيـد=ياعل مالحميض الاطعـاس والـي
اخاف من قومـن تجينـا عراجيـد=تبني على روس الندف له ظلالـي
مابين شمطـان اللحـي والاواليـد=تضيمنـا ياسعـيـد بالاحتمـالـي
اخاف من اللي ينقلـون البواريـد=هـل البنـادق ميتميـن العيالـي
ركضاتهم ياسعيد مابـه تصاديـد=ذباحـة الطيـب نهـار القتـالـي
اللـي بـدكـلات السبايـا سوانـيـــد=ياما وقـع بنحورهـم كـل غالـي
ياسعيد لاتضرب علـى دارة الديـد=بزرقاء تسل الـروح بالاحتمالـي
بديار فطمات البقر مغتـر الصيـد=ولاعندك اللي عن حوالـك يسالـي
ياسعيد هرجك به مغيـر وتراديـد=وتوقر بالهرج الرخيص الجمالـي
وهرجن على اكناف العذارى مناقيد=مايطيب الصبيـان كـود الفعالـي
ذرب جوابك يافتى الجود ياسعيـد=عن قولتن ياحيف سعيد استزالـي
عميت بالسايه جميـع القواصيـد=ماقلت بالشعـار طامـن وعالـي
عميت نمرن والمهادي وابـا زيـد=عز الضعن حبس الكمين الهلالـي
ومشعان والطيار وعبيـد ياسعيـد=وعبدالله المسطـور عـز الاهالـي
والعسكري وهديب ومصيخ ورشيد=وحسين حمـاي الركـاب التوالـي
وجمل وابن حثلين والفغـم وفهيـد=وعنتر ليامن اثقـل الشيـل مالـي
وعرار وعميرن هل الكود والكيـد=مخلين سـرج الخيـل ويالدوالـي
ورميزان هو والعرفجي والذي زيد=وساجر مسوي للهجيـن النعالـي
وحطاب اللي بالصحن ينثر الغيـد=وبريك محيـي بالركـاب الهزالـي
وشايع مجفـل بالفـلاة المفاريـد=وجارد ملفـي بالشخيـل الجلالـي
وجديع خيـال المهـار المصاعيـد=مودع مع الدعكول مثـل العزالـي
وصعب من الصيداد سقم الاضاديد=وبرجس دلال معبسـات الشمالـي
والاشمل اللي من منـاه التحاميـد=ومطلق مطبـق بالغديـر الزلالـي
وجريسن اللي كرمته كنهـا العيـد=ابن سمير اللـي بقـرن الشمالـي
وابن دعيجاء اللي كمابيته الحيـد=وسعودن بن سعـود راع العمالـي
ومغير بن غازي ونومان ياسعيـد=زبن الحشور اليااعتـلاه الجفالـي
وحتى الشريف اللي تقولون ياسعيد=مع حاتمن معطي العطايا الجزالـي
عشرين مع عشرين لاانقص ولاازيد=وافين من غير القصيـد الفعالـي
ياسعـيـد انا ثـنـواي دون الاجاويـد=هل المصاحـف متعبيـن الدلالـي
اللي بهم ياسعـيــد صـدرن وتوريـد=وفهقن وتقليطـن وقـول وفعالـي
والا انت مابك عند ربعـك مناقــيــد=وانا بعد مثلـك علـى قـد حالـي
وحـنـا عـبــاتـن مابـبـاطــه لواكيـد=ولا قيل حنـا بالـدروج العوالـي
وصلاة ربي عـــد ماهـل مـن عــيـد=على النبي وعـداد وبـل الخيالـي [/poem]



ولعلنا نلقي الضوء على تراجم المذكورين علما ان الشاعر ذكر نماذج فقط لم يقصد

استقصاء جميع من

حمل هذه الصفات والا لاحتاج اربعمائه بدل اربعين000

(1)- نمر هو ابن عدوان شاعر وشيخ عشائر عدوان بالبلقاء بالاردن00

(2)- المهادي هو محمد من قحطان وقصته بالجيره مضرب مثل00

(3)- ابوزيد الهلالي ابرز فرسان بني هلال المنحدره من مضر من عدنان وقصصه

مشهوره0

(4)-العسكري من العمارات من عنزه فارس مغوار وكريم لايخشى الفقر واندثرت

اخباره0

(5)-مصيخ هو ابن فرحان من الرمال من الغفيله من شمر (راعي جبه) واشتهر

بالكرم النقي0

(6)-هديب ابن صبيح الهربيد من عشيرة الشاعر شاعر وفارس وكريم0

(7)-رشيد هو النومسي من ابرز فرسان النوامس من عنزه واللي تقصصت باروده

من كثر الرمي00

(8)-حسين الذنيب فارس وشاعر من عشيرة الشاعر0

(9)-جمل هو ابن لبده من شيوخ قحطان وكان من مشاهير العرب شعرا وشجاعه0

(10)- ابن حثلين راكان شيخ العجمان وهو معروف للجميع0

(11)- الفغم هو ضيدان الفغم شيخ فخذ ذوي عون من مطير الغطفانيه من عشيرة

الصهبه ذاع صيته0

(12)-فهيد هو ابن معبهل الشعلان صاحب نخوا ونجده وشجاعه منقطعة النظير0

او فهيد الفواري من العمود من شمر فارس وشاعر مشهور وله تاريخ000

(13)-عنتر ابن شداد العبسي معروف صاحب المعلقه الشعريه المشهوره0

(14)- رميزان ابن غشام التميمي من فرسان زمانه وقصصه مشهوره مع اشراف

مكه0
(15)-العرفجي هو محمد العلي من البوعليان من العناقر من تميم والذي حكمت

عشيرته القصيم 300 عام0

(16)-الذي زيد هو ذياب ابن غانم حطوه عن عشر فرسان ورفض وزايدوه لين حطوه

عن خمسين فارس0

(17)-ساجر الرفدي من ابرز فرسان السلقا من عنزه وهو معروف للجميع0

(18)- جديع ابن هذال من شيوخ عنزه المشهورين فارس لايشق له غبار في زمانه
0
(19)-(20)- عرار وعمير من فرسان الضياغم المذحجيه القحطانيه واخبارهم

معروفه0

(21-22)-عبيد وعبدالله الرشيد فرسان شمر ونجد وهم اشهر من نار على علم
0
(23)-مشعان هو ابن هذال شيخ عنزه قاطبه مشهور بكل طرق المرجله0

(24)- الاشمل هو بنية الجرباء سمي الاشمل لانه يضرب بالشمال (اشدف) ومن قال

غير ذلك واهم0

(25)-مطلق هو الجرباء والمعروف لايعرف0

(26)-شايع هو الامسح من فرسان الرمال وشمر بشكل عام وقصته مع ابن عريعر

مشهوره0

(27)-جارد ابن رمال من اهل الكرم والجود وفيهم مشيخة الرمال 0

(28)-صعب الصديد من شيوخ شمر وفرسانهم بالعراق ابناء عم للجربان وانشقوا

قليلا عنهم بسبب خلاف0

(29)-برجس هو ابن مجلاد من شيوخ الدهامشه من عنزه من مشاهير العرب كرم

وفرسه0

(30)-جريس هو اليماني من العجمان وليس الجرباء كما يتوهم البعض وله صيت

ذائع بالترفع عن الجارات0

(31)-حاتم هو الطائي معروف0

(32)-حطاب هو ابن سراح من شيوخ الجوف اشتهر بكرمه ويرجعون للخرصه من

شمر0

(33)-بريك هو الاسعدي راعي بقعاء اشتهر بالكرم وكان يلقب بيطار الاشعار0

(34)-ابن دعيجاء هو خلف من الشرارات اشتهر بالكرم وقصته مع صفوق الجرباء

مشهوره0

(35)-ابن سمير هو محمد ابن سمير شيخ ضنى ذري من ولد علي من عنزه اللي

ادخل على الدوله0

(36)-مغير بن غازي من فرسان العليان من الدغيرات من شمر مشهور 0

(37)-نومان الحسيني من فرسان الظفير قائل ياسابقي ساعة وردنا للينه 0

(38)-الطيار هو كنعان الطيار من شيوخ عنزه

(39)-الشريف هو بركات وقصايده مشهوره0

(40)-سعود ابن سعود ابن عبدالعزيز بن محمد بن سعود من ائمة الدوله السعوديه

الاولى0

هؤلاء هم الاربعين وغير هؤلاء فهو مضاف غلطا او عمدا وتقبلوا تحياتي الراوي

ابن غسلان يالعزوه[/align]

بيض الله وجهك علي التوضيح

شكرا لك لا هنت

اقتباس: المشاركة الأصلية كتبت بواسطة الحيران    بيض الله وجهك علي التوضيح شكرا لك لا هنت

[align=center] حياك الله اخوي الحيران لاهنت

تحياتي لك00[/align]

يابعد قلبى والله
يابوفهد على هالطرح الاكثر من رائع
ومميز وهذه هي عادتك

لاخلا ولا عدم

تقديرى

اقتباس: المشاركة الأصلية كتبت بواسطة عقاب النهار    يابعد قلبى والله يابوفهد على هالطرح الاكثر من رائع ومميز وهذه هي عادتك لاخلا ولا عدم تقديرى

[align=center]
حياك اخوي عقاب لاعدمتك يالعزوه

تحياتي لك[/align]

ابو فهد ماقول الا يدوم عزك
ويسلمك على كل التوضيحات
لكل مواضيعك
ويسعدك يارب

[align=center]الله يعزك يابو فهد

أنت مكسب كبير لنا

لاهنت يابعدي

وعساك دووم العافيه يارب

اخوك / عشوق[/align]

[align=center]ابو فهد راوي الجبل


لاهنت كفيت ووفيت على بهذا التوضيح


لاعدمنااااااااااك



لك الغلا[/align]