الأمير ابن الامير وصاحب الراي السديـد

قصيده رثاء للشاعر
نواف المزيريب

[frame="13 80"]عاد عيدك ياحروفي وارتفع صوت القصيد
وعاد عيدك يادموعي وابتدى ليل العبايـر
,,
يرحم الله الفقيد ابـن الفقيـد ابـن الفقيـد
ويرحم الله من توفى وسط قاعك يالجزاير
,,
ياعساه بجنـة الفـردوس ينعـم بالرغيـد
بين حور العين وأنهار وبساتين وسرايـر
,,
ماتت الفرحه بصدري ولا بقى للعيد عيـد
واذبلت كل الورود ويشهد لقولي (ينايـر)
,,
الدفاتر والقلـم والقـاف والليـل الزهيـد
اكتست لونٍ كئيب وفارقت كـل البشايـر
,,
كم عجوزٍ بعد موته صابها وهـنٌ شديـد
وكم يتيمٍ من فراقه منطوي والـدم فايـر
,,
والمراجل لو نقيسه في سجلاّت ورصيـد
أشهد أنه في رصيده جامعٍ طيب العشايـر
,,
الأمير ابن الامير وصاحب الراي السديـد
فيه للضيقه حلول وفيـه للعثـره جبايـر
,,
من غبائي قلت أبرثي الشامخ الشهم الشهيد
و بالحقيقه ما يموت ولو يدورنّ الدوايـر
,,
باقيٍ وسط المحاني وبيـن أفـواه العبيـد
ذاخرين اسمه وذكره يوم كلٍ لـه ذخايـر
,,
بالنهايه ياقصيدي ياعسـى عيـدك سعيـد
ولاّ انا بطفي شموعي واكتسي ليل العباير
\ [/frame]

رحمك الله يالامير طلال ال رشيد