لغز(( تحدي للجميع ))((حله شعلول عساه للنحاب))

اقتباس: المشاركة الأصلية كتبت بواسطة راعي الشعلا    السلام عليكم ورحمة الله صباح الخير او مسا الخير ايــــــه ابو الفهد اشوفك مدهر ادري بك بغيبتن مني ياويلك جيتك لا كن هالغز ذكرني ببقش جدتي تقعد يوم كامل وانت تفك وتربط شي وسط شي وشو وشو؟ ماهو مقام ابراهيم عليه السلام وتيحاتي لكم

بعد عيون ياراع الشعلا من وين نطقت لنا؟؟

فاقدينك يالغالي وكل هذا زعل علينا بس علشان الهدباء وطت صابر الشعلا عند العلف؟

وش ذنبنا اذا كانت ذلولك طقوعه؟؟

لو انت جايب ذلول يصير خالها من ظهر شقران وعمها من ظهر خازوق كان مادبغوها هالدبغ00

تصدق فعلا اني رحمتها يوم شفت جعيرها بوسط الشبك ؟؟

يقولون ان خازوق يوم كبر وصار هرش قام وقت الضراب ينسم من ورى من الموت وصاروا

وقت الضراب يجون من ورى ويسدون ذنبه بعكوب رجليهم علشان مايروح نفسه00

واشيب عينك ياراع الشعلا كان انت غديت مثله باكر0000

مالك لوا ياشعلولي وانت حوله ماانت بعيد وكان تبي الشعلاء تتعرف على خازوق ازهم علي

تراه قريب حولنا طير شلوى0000

[poem=font=",6,white,bold,normal" bkcolor="black" bkimage="" border="double,8," type=2 line=0 align=center use=ex num="0,black""]
تشوف الكماء يشطب فلوقـن بها الرقروق=تتالى مـظـاعـيـن الـمـواتـر مع المـطـلاع
يسـيـح الخفوق اللي سهر ليلته مزنوق=حزيـنـن على مـالن عـزيـزن جـمـيـعـه ضاع
اذا داج مع ريح الخزاما تناسى العوق=تفوح الخـزامـى والـبخـتـري مع الذعـذاع
او اللي يبي شوف البداوه وشقح النوق=مـقــانـي شـيــوخـن لاتـهـادا ولا تـنــبـاع
حدادن نواظرهن بنات الفحل خازوق=وسـاعـن مـناحـرهن وحتى الـعـيـون وسـاع
نجايب ولافيهن شرايا ولا مسـروق=نشيرن تـشـوق اللي حـيـاتـه غـلا الاقـطـاع
نحرهن كمالـبـيـبـان مع طولة السـمحوق=ولاناشـهـا وسـمـن نـقـل شـارة الـمـضبـاع
ولاشفت حـذوات الهزايل مع الطـاروق=ولا يـشـربـن طـيـن الـمـغادر بوسط شراع
شدادن محـاقـبـهـن طـوالـن تقل زرنوق=بهن طول خـطـوه بالـمـسـاري وطـول ذراع
حموهن صواريـم الـمـراجـل سلايل روق=مناجـيـب شـيخن من عـتـيـبه طويل ابواع[/poem]