عذابي ياخلف شوفة ثمانن كنها الياقوت

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="groove,4,black" type=2 line=0 align=center use=ex num="0,black""]

عـذابـي ياخـلـف شـوفـة ثـمـانـن كـنها الـيـاقـوت=مـع اللي ياخـلـف تـوقـد بـجـوفـي مـن لهايـبـها
لغـمـهـا ياخـلـف سلكه على وسط الحشى موقوت=واخاف ان اللغـم يـقـبـس بجـوفـي مـن سبايـبـها
اذا هاجت بي الذكرى رمـتـني في طـريق الموت=طريـحـن مـن بـواريـد العـساكر فـي كـتـايـبـها
طـيـوف الليل غـاراتـه تجـي مع سابقـات الصوت=وانا اللي ماهـقـيـت الـريـم تفـجـانـي حرايـبـها
وقع من راجمات المـوت وحـروبه بـشـر وبـيـوت=سـبـايـب من تجـيـب الموت لا فـلـت ذوايـبـهـا
طعم ريقه كما السكر لـذيــذ(ن)مـع شـراب التوت=وزول الريم في روض(ن)تحت هاطل سحايبها
مـواعـيـد الغلا كانـت ضحى ثالث بـروج الحـوت=وراح الحـوت والـمـيـزان مـاجـتـنـي ركايـبـها
وعذر الـزيـن برج الحـوت دايـم بالوعد مسحـوت=مواعـيــده شـكـى العـشـاق من جـمـرة كذايـبها
وقالت ثالث العقرب تجي فـي شـارع الحـتـحـوت=سـفـيـه اللي مع العـقـرب رجى شـوفـة حـبايـبها
اشوف الظلم والخافـق يعاني مـثــل عـاشـق نـوت=واداري خـاطر الغالـيـن وابـعـد عـن طـلايـبـها
اقاسي ياخـلـف رمـشـن سحـر قـلـبـي مثل هاروت=ترك روحي بوسـط الليل تـشـكـي مـن غـلايبـها
علاج الروح برمـوشـه واخـاف انـه يفـوت الفوت=ولا يشـفي صواب الـروح غـيـر عـلاج صايـبـها
لك الله ماهـقـيـت الـريــم برمـوشـه تشـوتك شوت=لما شفت الحشى تـومـي غـصونـه فـي هـبايـبـها
غدى جسمي من هـمـوم الـلـيـالـي ذابـلـن مـنحوت=تجـيـنـي مـن طـيـوف الـزيـن فـي ليلي غرايبها
تراني ياخلف ضايع واجـازيـهــم صـبـر وسـكـوت=ابي تفزع قـبـل تـوضـع عـلى قـبـري نـصـايـبها[/poem]