إهدي بيت شعر للعضو اللي بعدك ،،،

المفارق عنْـك لا يعنـي ضياعـي ~~~ والمعيشه معـــك لا تعنـي متاعـــــي
في كِلا الحاليـن مـا تفْـرق لأنّـي ~~~ واعي ٍ لا رِحْــت .. ولاّ جيت واعـــي
أدري انِّي حيّ بِـك .. والاّ بدونـك ~~~ وانت جزء من الحيــاه ولِك دواعـــي
بس ما يعني وجودك فـي حياتـي ~~~ إمتثالي دوم لامْـــرك.. وانصــياعـــي
لي طريقي.. وانت والله واختيـارك ~~~ يا ابتعادك عن طريقـي ..يا اتّباعــي
إقتنع في كل مـا اسـوّي واقولـه ~~~ عقبها شوف انطباعك .. كانطباعـــي؟
ولو تحسّ الإختـلاف بـردّ فعلـك ~~~ لك طباعك يا عزيزي .. ولـي طباعــي
يعني لو إنت اندفاعي في شعـورك ~~~ في شعوري مــا ني مثلـك إندفاعــي
باقتناعي لا عشقت اعشـق وطبعـاً ~~~ لا كرهت اكـــره بكيفــي واقتناعــي
ذا أنا من يـوم مـا ربـي خلقنـي ~~~ فطري باحســاسي ولاَنـي باصطناعــي
عاطفـي جـدًا .. وكلّـي شاعريّـه ~~~ وانطوائـي كثير وشـــويّ اجتــماعـــي
وانت بس ارجوك لا تزعـل وقـدّر ~~~ مثل مــا اراعــي.. لزوم انّك تراعــي
يعني لو ما كنت احبك .. لا أهـزّك ~~~ خلك أقــوى من كلامــي.. وامتناعـي
كلمتين .. وقلتها لـك ألـف مـره ~~~ بس شكلك ضــقْت من كثرة سمــاعـي
قلت: "لو أقدر أحبك كـان احبـك" ~~~ البلى انّ الحــب ماهـو بْمُستطاعـي
ليت والله تطلـب اللـي أستطيعـه ~~~ لجل تبقـى دوم مسأأموعـاً مُـــتطاعـي
فالسموحه كـل شـيّ الاّ شعـوري ~~~ مــو لأيّ انســـان شــفّـي والِتياعـــي
وانت أكيد انّك بتلقـى فـي حياتـك ~~~ من ينسّــيـك بوصــالـه .. إنقـطاعـــي
والحياه بتستمـرّ وشـي طبيعـي ~~~ لو تجـي تســحب ذراعــك من ذراعـــي
ما أموت من المفارق وانـت تـدري ~~~ وش بقول انْ جيتني ناوي وداعــي
بختصار انْ غبْت يالطيّـب.. تأكّـد ~~~ الــمفــارق عنْــك .. لا يعنـي ضيـاعـــي