~هذي آخر أخباري~

"أحبك" <آخر أخباري>
وآخر ماورد بالكف

"أحبك" وأبعد حدودي سلام وأقربه نظره

"أحبك" بأول إحساس داعب مهجتي ماكف

"أحبك" ايه أنا "أحبك" بقلب ماعرف يكره

هذي فنة أشواقي أبعثرها قصيد وحرف

أجيك ململم جروحي وصوتي تخنقه العبره

أجيك بخاطر <مكسور> وعين ماتغض الطرف

أجيك بلهفتي وينك فؤادي ماحمل صبره

أبيك تسابق شمسي
بعد من الصفر للألف

بحط ايدي على خدي
وأقول امتى يجي بكره

بكحل ناظري بشعة جبينك يالغرام العف

ويسعد لي صباح اللي تصبحبك على الفطره

أنا أدري ماعرفتني تشابه في سماك الصنف

صوابع ايدك بكفك وإذا هي تختلف قدره

أنا أدري في البشر عمله رخيصه في بنوك الصرف

وأنا أعرف فالبشر 'معدن' ثقيل يرجح الصخره

سألتك باللذي زانك أنا ويني بذاك الصف؟

أشوف المعجبين كثار وأخاف تطول النطره

رجيتك لاتجيب بدافع مايسمى ;; العطف ;;

تراي مملك احساسي إذا قلبي بدا يشره

~هذي آخر أخباري~
وآخر ماورد بالكف

وأنت وشهي أخبارك..؟
عقب اللي سبق ذكره..؟!‏


(م.ن)
-

سلم نقلك
وسلمتي على اختياركــــــ ...

مودتي

بارك فيك

كلمات رقيقه قويه
رقيقة على القلب في دخولها

وقوية الوقع على المسامع والصفحات
لكي مني كل الحب والاحترام

مشكوره غريبه الروح
على هالنقل الذوق
يحفظك الباري

بصمة قلم

شاكره مرورك العطر.

جود ....
يسلموووووووووووو غاليتي على المرور الذوق...ياذوق.

سما الروح ..

يسلموووووووووو مرورك الذوق .