۩۝۩ 7/9.. مع الحكواتي ..} آنسه رجه { ۩۝۩

[align=center]
الثانيه:الموقف
جميله هي الذكريات والمواقف التي تمر بنا والاجمل اذا كانت مع ناس غالين حتى لو مواقف محزنه ومبكيه بعض الاحيان..
بـ حياتي ما بنسى هالموقف..لأنه بقلبي محفوور..
لانه مع أغلى الكون(ابوي الله يرحمه)
الله يسلمكم لما كنت بـ سادس ابتدائي تعب ابوي (مقدر ومكتوب بس ينقال عين ماصلت عالنبي) تعب ابوي ودخل المستشفى (جلطه)كانت هالكلمه اللي قالوها لنا ومرت ثلاث سنين على مرضه ..
رجع له الفشل مرهـ ثانيه..
تسبب السكر في غرغرينه بالرجل ..
ضغط ومن تعب الى تعب اقوى..
ويوم كنت بالعطله مخلصه ثاني متوسط ورايحه لثالث متوسط ازدادت حالة ابوي سوء وودوه للمستشفى ..
جا يوم من الايام قالت خالتي لامي :ودي البنات لابوهم يزورونه لايصير فيه شي وتندمين..
امي كانت رافضه خايفه علينا نشوف ابوي بهالشكل ..قالت امي بوديهم خلاص..
رحنا انا وامي وخواتي ثلاث واخوي.. وكان ابوي بالعنايه وقالوا مايدخلون كلهم ..
دخل اخوي مع خواتي اللي اكبر مني ثنتين..
وبعده طلعوا وماسمعت الا شهقات من خواتي وطلعهم اخوي للسياره عشان امي لاتشوفهم..
قالوا يله بتدخلون ..كنت صغيره بس مو مره يعني احس بثاني متوسط ورايحه لثالث ..
بصغري مرهـ كنت دووم مع ابوي اسافر معه لحالي يعني مرهـ دلووعته كلنا يدلعنا رحمة الله عليه
بس الكل يحسني غير مع اني مو اخر العنقود (قبل الاخير) ودخلنا انا وامي واخوي واختي اللي اصغر مني كانت بسادس وانّا نمشي بالممرات احس الطريق طووويل وصلنا للعنايه ..
كل غرفه اجهزه وجسم طايح عالسرير ارتجف قلبي ..وحسيت بجسمي يرتجف معه
وصلنا لابوي ..مو ابوي رجله اللي كانت سوداء مثل الثلج..جسمه كله ابيض وبارد ..
مسكت يدهـ وجلست امسح عليها ورفعت راسي لابوي لقيت دمعته على خدهـ ماكنت اشوفه زين الاجهزه كثيره عليه بس
شفت دمعته على خده انهرت وحبيت يدهـ وجلست ابكي قال لي اخوي: بس لاتبكين عمي جاء..
مسحت دموعي خفت عمي يشوفني ابكي او يمكن استحيت مدري وش الشعور كان قلبي متعلق بابوي ..
وطلعنا منه وامي تاخرت شوي تقرا عليه وطلعنا اخوي للسياره وسكتنا اخوي عشان امي..
وبس..الله يرحمك يايبه..
<<الله يجزاكم خير ماعد شفت الشاشه من دموعي[/align]