بسم الله الرحمن الرحيم
السلام عليكم ورحمة الله وبركاته
مساء فيمتو وسبوسه>>> تحيه مؤدبه
هايدي شكرا لك على حكواتي
من يومين وأنا شايله هم استضافه اليوم..
بس افكر ولا انام زين تجيني كوابيس هذا طبعي اشيل هم تذكرت ايام الأذاعه المدرسيه
الله مير يسمنكم وينحفكم
يوم كنت صغيره كنت حركيه وشيطانيه ومطفوقه وجريئه>>>>> حشى مو بنت
لما كنت في اول ابتدائي كانت في بداية العام الدراسي يمكن لها اسبوعين ..
معلمتنا طلعتنا لساحه علشان نغير جو....
وانا اتمشى لمحت باب المدرسه مفتوح ورحت عند الباب وجت في بالي فكره....
تتوقعون وشي الفكره
قلت بما ان بيتنا قريب من المدرسه وش رايك تهربين؟
والله اسويها واهرب يوم وصلت البيت خفت شوي وترددت ارن الجرس ولا لا
وقلت اجلسي شوي على الدرج
كانت الساعه وقتها ساعه تسعه صباحآ>>>>اكيد الصبح اجل كنتي تدرسين ليلي
يوم حسيت ان جارنا الفلسطيني نزل من شقته وشافني على درج في شارع
وقال لي (شو فيك جالسه هون شو مالك؟)
قلت له استنى باص المدرسه ماادري وش فيه تأخر اليوم!
جارنا اقتنع بكذبتي وركب سيارته وراح ....
وانا كنت احس بطعم الانتصار>>>>يزينه من طعم وه بس.
بعدين رحت ورنيت جرس بيتنا
وفتحت امي الباب واشوف علامات الاستفهام وتعجت فوق راسها
انا بسرعه تكلمت وقلت المدرسه طلعونا بدري وقالوا
يلا كل وحده على بيتها كنت اتكلم وكلي ثقه.
المهم امي دخلتني ولا قالت شي وانا كنت فرحانه باانتصارات اللي صارت اليوم
ومادريت الا اسمع صوت امي تكلم المدرسه بتلفون وقالت انتم طلعتوا الطالبات بدري؟؟ وانا كنت اطل من وراء الباب
الا امي تعطيني ذيك النظره اللي شرار يطلع منها
عرفت انها اكتشفت وعرفت كذبي....
البست امي عبايتها وسحبتني مع اذني للمدرسه
في ادارة المدرسه صار في تحقيق معي سؤال رايح وسؤال جاي وامي تهاوشت مع الاداره والحارس شلون تخلونها تطلع وين عيونكم عن الطالبات
من بكره امي حرمتني من العابي والمديره طقتني بالمسطره وحالتي حاله
بعد حيي هذا الموقف الطريف والغريب اللي صار ومستحيل انساه
وعندي قصص مضحكه مثل لما كنت ادرس في الروضه وبنات ديرتنا وش كنت اكذب عليهم وهم يصدقوني
وسالفة يوم امي تعطيني هذاك كف والصق بزاوية المجلس
إذا حصلت لي فرصه ثانيه في حكواتي ذكرتها إن شاء الله
وسلام عليكم
|
العضو الأكثر نشاطاً هذا اليوم 
العرض المتطور
