لاْ زِلْْتْ بِالخَاطِرْ وَلازِلَتْ بالـ [ رَّاسْ ]

لازلت بالخاطـر و لا زلـت بالـراس ~
و لازلت أشوفك وين ما حـط ّ عينـي


أنت الغلا يـا سيّـد الخلـق و النـاس
و أنت السوالـف بيـن نفسـي و بينـي


شفت الميـاه إشلـون تنصـب بالكـاس
الكاس عمـري و أنـت مويـة سنينـي


دخلـت قلبـي دون رنّـات و أجـراس
و تستاهـل إقلـط دام روحـك تبينـي


أسّست لك بالقلب مبنـى علـى سـاس
بنيتـه إبحبـي و أسـاسـه حنيـنـي


تدري صدور النـاس بالحـب تنحـاس
و تدري بصدري حب محتـاس فينـي


مثل الشجر لا طاح من ضربـة الفـاس
بالحب أحـس الضـرب دايـم يجينـي


و حبك يجيني شعر و أكتبـه بإحسـاس
و أنشـره للعالـم و لـك يـا ضنينـي


و الله لـولا الشعـر و أوراق كــرّاس
ما صـد ّ عنّـك و أتركـك ترتجينـي


أنـا تسلّفـت الجفـاء رغـم الافـلاس
و اليـوم تـم ّ و حـل ّ تسديـد دينـي


و جبت القصيدة مثل حبّـات الالمـاس
عقـد ٍ نظمتـه لـك بأصابـع يدينـي


و إعرف ترى شعري مع الوصل حسّاس
بالبعـد بــس إببعـدنـا يهتويـنـي


و إلا أنت بالخاطر و مشغل لي الـراس
ومن وين ما ناظـرت.. عينـك بعينـي

..()..


كلمات : الشاعر أحمد بن عبد الله الحريقي