من عرفتك حظي العاثر يميل

.





[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
قول عادي .. بالي الليله طويل=شُوف لِك عذرٍ قديمٍ وأقبِلَه !!
لا تحاتي .. قلبي مِتعَوِّد يشيل=الجُروح اللي تجي له مُقبِلَه
" طيبتي " صارت مثل "كف البخيل"=أيِّ شَي طايح .. تِشُوفه ؟ تحمِلَه
و"عزِّتي" تقدر تِسَمِّيها : النخيل=لأني شامِخ .. والعواصف قاتِلَه
وعادي جداً .. إنِّي الليله عليل=الحزن : يحْسِبني واحد مِنْ أهَلَه !!
ومو غريبه .. لو تِمَنِّيت الرحيل=البقاء أحيان يعني .. البهذلَه !!
في غيابك .. ما لَهَالضيقه مثيل ..!=وربِّي .. اللِّي مايشائه يفعلَه
مِنْ يلاقي لـ دنيتي هذي بديل ..؟=خل يجيني أي شخص .. أبَدِّلَه
وعيب راسي لابغى شي "مستحيل"=يوصله مو طيب .. غصبٍ يوصلَه
ليه راجع ؟ ليه ذاكر ..؟ يالأصيل ..؟؟=إنت ضايق .. ؟! فيه خطأ بالمسألَه !!
وليه تبكي مِنْ كلامي يالدخيل ..؟=المشاعر .. مالَهَا بقلبك صِلَه ؟!
والبلا .. إن حَبْ رجالٍ " ثقيل "=ينسى مِن حُوله ويسْمَع مُذهلَه !!
مِن عرفتك .. ما بقى باليَد حيل=ولو بكيفي ..؟ قلبي ماأحدٍ يدخلَه
ومِن عرفتِك .. حظِّي العاثر يميل=أعترف لِكْ إنِّي عاجز أعدِلَه !!
فاقد الإحساس .. مايعطي القليل=وإن عطيته إحساس قلبك ؟ يقتِلَه !!
إيه بأرحل والطريق أدري .. طويل =مشكله " قربك ".. وبُعدِك مشكلَه
وإن خذاني المُوت إترك قال وقيل=قول هـ الجُمله .. وخطاك محلِّلَه
ربِّي إلهَم أهله الصَبر الجَميل=وإرحمه يارب وإحسِن مدخلَه[/poem]






.