عبدالله بن رشيد ---- يرحمه الله --- قصائده

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
حبيت ان انقل لكم بعض قصائد عبدالله بن رشيد يرحمه الله
واتمنى ان اكون وفقت بالاختيار
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
الحمد للباري فزع من شكاله = والحمد له ثاني على كل الأحوال
والحمد له ثالث بقدرة افعاله = حمدٍ كثير عد ماقيل قد قال
وعد مافوق الوطاء من رماله = وساح الظلال من العوالي للأسهال
وعد ماترمي لواقح خياله = بسحب وتسكاب وديم وهمال
على الشكر له والثناء والجلاله = سبحان كل هو ماراد فعال
رب السماء رزق الملاء من نواله = محيي الهشيم الميت الدارس البال
مولاي عازل شمسها عن ظلاله = سيدي ومسنادي الياء ضكنا جال
كم ضيقة من منته جت وزاله = وعادت بعز ماهقيناه بالبال
الحمد لله ماكرهنا لقاله = الا أن تصير لعقوبته عز وأقبال
ياما طلبنا كل من به شكاله = نبغى الركود من أهل نجد ولاضال
من عقب ماعجزوا بسعي الختاله = شبوا لنار الحرب بالقيظ صوال
ومن شب نار الحرب قاد أشتعاله = وصارت بعد عقوبتها بعد ذل وذلال
هذا وفعل الشر للي سعاله = يرميه بالميدان من غير حبال
والبغي كم ناس خلوا من رجاله = ياما هلك بالغي من ماضي الأجيال
عاد خلاف الزود شف وش جراله = ياعونه الله مامن الحي عقال
من قال ذا فعلي فهو من هباله = الله معاوني على من علي عال
اللي نبي لولا الولي مانناله = مير الولي يسعى والأنام غفال
والكل يكتب بالقلم ماجراله = شره وخيراته من الخالق العال
يرفع وياضع بالقدر من نواله = وتدبير خلقه مالنا فيه مدخال
اللي علينا الجار نرفاء خماله = ونفزع الياء من جانا من الظيم دخال
والضيف يقري حين تبرك رحاله = من غير هذا المحتري مانهج خال
ومن جا يريد الزين يعطى سواله = عن عاني الله ماقطعنا له أوصال
وان جا صديق من عدو غياله = عميلنا نرخص له الحال والمال
يامن بنا سرحه وضايع حلاله = ولابات في فلبه من الخوف ولوال
والشر ندفع جانبه بالسهاله = ولانا لتثويره من الناس قبال
لكن اللي ركب الرشاء للمحاله = واستثقلت ماني من الحرب ملال
نرسي كما ترسي رواسي جباله = ماننهزع من وطي حافي ونعال
ومن عاف صافي الماء واكدر زلاله = اسقيه كدر لين يروي ويكتال
وان زاد زدناله بقول وغثاله = بحيل من لافي قوافيه محتال
وخلاف ذا ياللي تودي الرساله = في صفح مصقول عليه القلم سال
سلام منهوله على شف باله = ومشاهد اللي للثقيلات حمال
غش الحرايب اللي براسه صعاله = عز الضعيف وريف ضيفه بالأعجاب
بالجود يتعب من يعدد خصاله = كل المراجل حاشها دق وجلال
سلم عليه ولاتقل له مقاله = الا أن نشد عني ومن حالتي سال
وقال أخبرن عن صاحبي كيف حاله = عطه الجواب اللي كتبنا بالأمثال
قله يقولك ياخلف من غداله = من الحي والميت والعم والخال
ركبوا على عوص النجايب عياله = يبرا لهم يابو سمي كل خيال
جوه الضحا ياشيخ ماهي نطاله = وصادوا مارادوا على كل مشوال
يوم الخطوط اقفت وهوماقزاله = جاه المقري واللحق الأول التال
هذاك حق الملك ياللي عصاله = من عقب مادزيت له كم مرسال
عيا يطيع اللي نصيح حكاله = فرحان وبن سببيت مالقى لهم بال
ولاطاع يدي ركابنا مع جماله = وازريت من كثر الشكاوي والأرسال
يبغى يرد اللي مضى من هباله = واللي مضى عوج سراميد وطوال
زادوا وبادوا من هبايب شماله = كل له الله يوم تحسيب الأعمال
ويمناي ماترضى بزايد شماله = واعطي حقوق أهل المعالي والأرذال
والله لولى يوم كربة حباله = خوفك وعيضك أن نزيده بالأشغال
ومن عقب شيمتنا تبدل فساله = ياشيخ ياتالي كريمين الأسلال
ونشوف حرب اللي يباهي بماله = حتى نشوف اللي على الحرب صمال
شكيت دقه قبل يلحق جلاله = هذا كلامي ولاني منه ذال
ومن خالف امرك لوصديق فناله = من اول طاعون واليوم سلال
السيف للتايه ستاده حناله = وندل به منهو عن الدرب ميال
والا كما حده محشنا صقاله = ولاهو من الشطات والضرب كلال
مأن كان ماشافوا توالي فعاله = وصاروا بقاياهم هذولاك جهال
وعبيد اللي لاعدمنا خياله = حطه لهم ربي نجم وزلزال
هذي علوم ديار من لا صفاله = مشروب ماي الا بتقصيف الأجال
صفيتها بالسيف ماهي جماله = وثنيت للثرثاع بالقيد وعقال
ولانفوز الا ونروي سلاله = من دم هامات العدا عل وانهال
هرج قليل لاتكثر جداله = قلبك دليلك لاتكثر بالأقوال
والصدق يشهد له وغيره رذاله = وقول بلا فعل الى قيل بطال
من قول قول ترجمت له افعاله = لاعاش من يقصر منه قدر مثقال
شهودي بجلدي والعدوا به بداله = والناس تدري بالجدايد والأسمال
وان كان بي اليوم تقصر حباله = اعزم ولاتكن من عقب ماقلت غفال
وصلاة ربي عد ساع سعاله = وماالتج حاج ين هذيك الأميال
وماتجهول فوق النضا رحاله = على نبي خصه بالارسال[/poem]
وهى الثانيه
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياهيه ياللي لـي مـن النـاس وداد=ماترحمون الحـال ياعزوتـي ليـه
ماترحمون اللي غدا دمعـه ابـداد=لاله زمان وحـرّق الدمـع خدّيـه
لالـي زمـانٍ ماتهنيـت بـرقـاد=وقصر الحشا قامت تهـدّم مبانيـه
من يوم شفت الشوق مزبور الانهاد=ومجلّـيٍ عـن دار جـدّه وأهاليـه
وأقفى يجر الثـوب للضلـع شـرّاد=امشلّحٍ ياطا على اطـراف رجليـه
الشوك ماله عن حيا الرجـل ردّاد=الاّ ولا سـبـتٍ قــويٍ يوقّـيـه
يامن يسـوي لـه زرابيـلٍ جـداد=من الميّ لو ياطا على القطن يحفيه
بمشمرخات الهيف بالزحف صعّـاد=وكم ماعرٍ من خوف لاروام راقيـه
اخذ ثمـانٍ مـع ثمـانٍ لـه ازواد=ولالقى مـن عزوتـه مـن يلفّيـه
وجبّة سقاها من اول الوسم رعّـاد=ماطالعت خشـم ام سلمـان تسقيـه
حيـث انهـا للمنهـزم دار ميعـاد=ومن لاذ به تقل الحـرم لايـذٍ فيـه
ومسيخ ابن فرحان عريب الاجـداد=كل العساكـر نكّسّـه تتلـي البيـه
نكّسّ بهم عامـر ومحسـن وفهـاد=والكل منهـم مارجـع يـم اهاليـه
وفزنا على شهب الغوارب منه غادوكم عيّلٍ يبكي من القيـظ شاويـه
وجينا قليبٍ صايرٍ وسـط الانفـاد=بالخمس مع نصف الثمانيـن ندليـه
لابن رخيص النازلٍ حـد الاجـراد=قال اقبلوا انتم هـل البيـت ياهيـه
يابن رخيص الحضر يبغون ببـلاد=والحيضري بالهدي يكـره تبدويـه
ونبغي نقارب من هل الجوف خلاّدوندعي عسى ان الوبل يسقي مفاليه
واهل سكاكـا نعـم بذالـة الـزاد=ونعم النكيف اليا لفى السير طاويـه
اويّ والله يالضويحي مـن أجـواد=ونعم الرفيق ليا نصى لمدح أهاليـه
والمدح بـدّو فيـه لرشيـد وبجـاد=والكل منهم سيـف يقطـع بحدّيـه
وشلنا على حمرٍ طويـلات الابـداد=يم الشمـال ونيّـه الهـور نبغيـه
كن جيت لي بدوانٍ بـالاذواد ورّاد=وكـلٍ يزيـن للعشايـر نـواديـه
واحلو شرشـوح المغاتيـر لانقـاد=لادوّه الراعـي بحلـو التـداويـه
ليا الشط لي في يمّه الشـط منقـاد=كن الشفّلّح فـوق موجـه تجاريـه
ياما عليه مـن المخاليـق وعبـاد=والكل منهـم وال الاقـدار مشقيـه
هـذاك فـلاحٍ وهــذاك كــرّاد=وهـذا مريـحٍ وساهـراتٍ دواليـه
وهذا يهل الغزل من فوق الاعـواد=وهذاك يبـرم لـه وهـذا يساديـه
كن جيت لي سوقٍ ورا جسر بغداد=كن الدبل كتفـان يزهـي بلوحيـه
قبّة ذهب ياقـوت حتـى الزمـرّاد=يزوغ قلب المسطحي وان مشى فيه
لاهو بشفٍ لـي ولاهـو بالامـراد=ولاهو هواي وطاري النفس يطريه
من يوم جانا العلم تحرير الاوكـادقل العساكر غرّبـوا تتلـي البيـه
وحنا بديرة مـن يعـدّون الاجـداد=هـذا ولـد عمّـه وهـذا بناخيـه
هب الهوا يـاذاري الريـح وانقـاد=ويامن يدور قضى حلالـه واهاليـه
ياللي نسيتوا عمل الاجرب وفهّـاد=ومن عقب هـذا داخليـنٍ قهاويـه
والله لو انّي من ورا جسـر بغـداد=انّي لكم مثل العمـل عنـد راعيـه
عيسى يقول الحـرب للمـال نفّـاد=والمال من هبّـت نسايـم ذواريـه
ياللي تقول الشر مابـه لنـا ازواد=انشد مسوّي السيـف هوليـه حانيـه
لاصار ما يرويه مـن دم الاضـداد=يدّيـه يـم العرفجـيـه وتـرويـه
ولاصار مامرٍ يزغـرت بالاكبـاد=ترى الموصّى يسفه اللـي موصيـه
ولاصار ما ناصل ونضرب بالاحداد=هبيت ياسيفٍ طوى الهـم راعيـه
ولاصـار ماهـمٍ بصنديـد الاولاد=فألعـن شبـابٍ مايبهّيـه راعـيـه [/poem]
مع التحفظ ببعض الابيات
والقادم افضل بأذن الله
وسلامتكم

[align=center]مشكووووووووووووووور اخوي

قصيدة اكثر من رائعه

الله يرحمه ويرحم آل الرشيد ويسكنهم الفردوس الاعلى

تقبل مروري[/align]

[align=center]

عقآب النهآر

(
)

تسلم آخوي على القصآئد المميزه
نترقب جديدك



[/align]

عقاب النهار

الله يعطيك العافيه ع القصائد الرائعه

دمت في حفظ الرحمن

[align=center]

البدور
تشرفت بمرورك

تقديرى


[/align]

[align=center]

احلام الطفوله
تشرفت بمرورك
تقديرى


[/align]

[align=center]

شباصة اجوديه
تشرفت بمرورك
تقديرى


[/align]

[align=center]
حبيبي والله ياغالى

تسلم يمينك على النقل الجزل

لقصائد الامير عبدالله ( الله يرحمهـ )

ولاتحرمنا من البحر الميت يابو ضاري

افدنا بالكثير

للهـ درك يالامير



الود لشخصك
[/align]