الجلد المنفوخ .. وفقراء الارض

نواف ابي اقول لك شي والله الي انت شفت هذولى لوتعطيه مال الدنيا كله مارايح يروح من عند المحطه نهائي

قبل فتره شايب معاق عمره فوق سبعين سنه صدمته سياره عند الكبري حق الحرس الوطني وهو يتسول وكل واحد يشوفه يعطيه الي معه كله

ويوم انصدم مات طبعا لقو بحسابه 4 مليون ريال

طيب عندك واحد ثاني برفحاء يروح تاشيره للعمل في الحرس الوطني وذا رجع لرفحاء عنده محل يبيع خردوات وغيرها

يوم توفي لقو حوالي 9 مليون في حسابه حدى عياله يضحك يوم سئلوه من وين جبت السياره يقول الوالد توفي

طبعا انت تقول عندك مريض

اي مستشفى الي تعذر ممكن اعرف اخوي

بعدين الامرا الي تقول انا مادافع عن احد ممكن انت شايف شي وانا شايف شي

لاكن انا من الناس الي دفعو الدوله عني مليونين وربع مئة الف ريال مقابل علاج خارج المملكه

وثنا الرحله قابلت ناس والله يانواف لو تشوفهم انك تقول حرام الدوله يدفعون ريال واحد على شان الاشكال هاذي

اقسم بالله انهم مايطبون المصحات والا يعرفون وين اتجاهها

اذا وصلو هناك فيه مكاتب ينسقون معهم على شان يعطونهم فلوس العلاج والا يتعالجون نهائي

طبعا المكتب ياخذ النص وصاحب الامر السامي ياخذ النصف الثاني ويستاجر شقه وسياره

وبليل على الدسكو الاصلات الفجر ويجيك اخر اليل مايدري ونهو رايح هاذا اذا مانام على الباب عن البدي قارد ياليل ماطولك

وذا انتهت مدة العلاج رفع للمقام السامي في تمديد علاجه على حساب الدوله طبعا الدوله تقدر الوضع وترسل له تمديد الرجال منسق الوضع مع المكتب ان حالته الصحيه بداءت تتحسن ولازم يواصل العلاج لمده سنه اخرى انا ماتكلم على شخص واحد بل مئات الاشخاص هاذي طريقتهم

وعلى الموال هاذ

لو تلاحض

ان الفتره الاخيره وقفو جميع اوامر العلاج كله على شان الحركات هاذي الله يهديهم بس

انا اعرف ناس راحو للعلاج وللحين مارجعو وقطع العلاج عنهم ولحد الان ماجو لارايح يجون نهائيا


كل الشكر لك