قصة أنقاذ حمود أبالعون المرواني لي أبن رشيد

اخوي خوي الذات
والنعم فيكم ياحرب كلكم
لكن اللى سمعنا غير القصه اللى هرب فيه للمدينه
خاله من السبهان
وراح اعطيك ادله

القصيدة التي جائت بسعود ابو خشم من المدينة الى حايل
قصيدة عبدالله السنيدي بحمود السبهان عندما هرب
بالامير سعود العبدالعزيز الرشيد الى المدينة المنورة ارسلها السنيدي
الى حمود السبهان عندما ضعف الحكم بحايل وينخاه بان يعود بالامير سعود الرشيد لينصبه بحايل

يالله ياسماع صوت المهتدي
بجنح الظلام وخاشعن لك يسجدي
ندعيك ماندعي آله غيرك
يالفرد ياللي بالسماء متوحدي
تجبر عزاء دارن تجظ اركانها
حنت من الفرقاء حنين مفردي
نارن تقلل نورها من ضيمها
وأهتز جاله عقب راع المسندي
من عقب ماجنب الهنوف احرابها
عنها الضديد من المهابه مبعدي
جاه الهزل والذل من حكامها
حنشل أهتيم بالزباره تلبدي
مارأنا برجوى فالق الحب والنوى
عالم دبيب النمل والليل اسودي
يرجع على تال الديار بعزنا
فهود الزراج أهل السيوف الوردي
ياحمود لو تسمع حنين اجبالنا
ماقمت يومن بالمدينة مفردي
صاحتلك السمراء ورقان الحمر
وخشوم جلديه وضلع اباعدي
وخشوم سلمى والعنود بصوتها
تقول وين حمود ستر الفردي
ياحمود حايل والعليا تنتظر
منك المرد وسقاي شراع الودي
أنشر وقدامك مفاتيح الفرج
ولاجيت دار الشمرين بترجدي
سم وتوجه يم ضلعان الجبل
ثم أعتصم باالله وأنت مساعدي
أنصب ولد عبدالعزيز المتعب
سبع الضواري لاالضواري يسندي
مابين ابوه وخاله الطيب ظهر
مقراض ضلعان الحديد المبردي
الله يجعل عزنا به دايم
تالي هل الوجه الحميد الابجدي
ولد الذي يوم مداهيم العداء
وشتب نارن بالصريف توقدي
جو من شفا رابغ اليا حد الحساء
ومن اليمن لحدود جال المشهدي
وجاهم من الغربي سلايل متعب
نجمن على روس الفراعين أرجدي
قام يتدخل بالدويش مبارك
باغي عن البوقات به يتجودي
قال العوض يابن الحميدي روسنا
عن حس زقر الليث ودن لبلدي
وان جيت هاك الصوب خذ مني عهد
علي جدران الكويت تشيدي
مانا من السبع اللطوم مقابل
باغيه لي عقب القوامه سيدي
هذا ولد هذاك وماغب احتضر
وما خلف الضاري فهو منه ازودي
عجل بولد الحر يسكن دارنا
من خوف طماعن علينا يعتدي
واضن ولد الحضف لاناش اللحم
من مس روحه يم ربه تصعدي
وانا من الجيران حالي حالهم
بالنار والا باالجنان مخلدي
دارن لنا بين الشعيب وساره
وبين الهلاليه وأبان الاسودي
أقبس من اطرافه زعاتير الظفر
عيت من اصواب العساكر تهتدي
مارعفناه لجل متيهين الناقه
أهل حمات روات يم الاجردي
ياما فقدهم من ضعيف وعايب
ومن شايب على العطا يتوجدي
مار زملن ترد أرقابها لوثورها
وتنتف أوباره عساها تجحدي
ماتاخذ الحقات من قبيله
شده على راع البساط الاحمدي



يتــــــــــــــــــــــــــــــــــــــــــــــــ ــــــــــــــــبع