المنار في جواهر الاشعار

(( قصيدة المنار لجواهر الاشعار ))
قصيده ذكرت فيها افضل جواهر الاشعار المشتهره على قافية كل حرف من حروف الهجاء
حسب ترشيحي انا فقط وتقديري المتواضع وقد يرى غيري خلاف
ماقلت ويكون الحق معه طبعا000

[poem=font=",6,black,bold,normal" bkcolor="black" bkimage="http://www.b3b7.com/vb/mwaextraedit2/backgrounds/5.gif" border="double,8," type=2 line=0 align=center use=ex num="0,black""]
عـيــون الـنــاس بـالـــدنـيـا بـصـيـــره=لو ان كـفـوفـهـم دايـم قصـيره
تـسـيـر الـنـــاس بـدروب الامـانـي=ولـكـن الـقــدر يـقــطــع مـسـيره
وصغت الـقـاف من زيـن الـمـثـايل=لـعل الـقـاف فـيـه الـيـوم خـيره
بـيـوتٍ مـانـظــمـــهــا كــل شـاعـر=تـبـي لـه شاعـرٍ يصـخـر عـسـيره
شربـت بـحـور زيـنــات الـقـوافـي=وصار الـشـعـر لحـروبـي ذخـيـره
يصوغ اللي يـهـيض بوسط جاشي=ويكشف مالجى وسـط السـريره
دفـنت اسرار عـمـري في حروفــه=وساويت الـــفـرزدق مع جـريـره
وهو ميراث شيخٍ عـاش شــامـخ=تـجـيـــه الـنـــاس بـجـمــوعٍ غــفـيره
يـصب السمن بوقـوت الـشدايد=وعـســر اوقــات عـمــره مايذيره
حـفـظـت الجزل في كل الــقــبــايل=من اهل الـمـال بالقوم وفـــقــيـره
وعـقــب اربـع عـقـودٍ من حـيـاتـي=حـفـظــت ازهار قيفان الـجزيره
وغــاص الـفـكـر بـجـزال الـمعـاني=ولقـيت الشعر كالـمـوسٍ الشطـيره
ويـنـظـم جوهره من عـاش ضايق=فـقـيـرٍ ما لـبـس قـطـعــة حـريره
وجـزل الـقــــاف لـلــي زاد هـــمـه=وجـوفـــه مـثـل نـيـران الـسـعـيـره
ويـضعـف مع قلوب اهل السعاده=ولايـنـسـاق مـع سـطوات اميره
وانا كنت احفظه من صغر سني=واجـي راع الـمعارف واسـتشـيره
لك الـلـه كم سـريت لـبـيت راوي=بـنـصف الـلـيل والـدنـيـا مـطـيـره
فطوري من عشاء البارح حفـظـته=ولا اعرف الـمـقلـقل والـفـطـيره
وصـرت اطرب لـزيـنـات الـقــوافي=مـثـل ورد الـحدايـق فـي عـبـيره
واذا شـفــت الـذي يكـذب بـنـقله=يـصـيب الـجـسم بـرد وقـشعـريره
واعرف اللي يـزيـد الـبـيت عـامـد=وتـفــرق كالـجـحــيـم وزمـهـريـره
فكـم مـن شاعـرٍ فـي جـوف قـبره=وقـــيـــفـــانـــه تـــدوج بـكـل ديــره
مـثل من حط حرف الـهـمز قافه=وصـاغ الـهـمــز فـيـها قـبـل غـيره
حــروف الـغـــيـهـبــان ويـام سـاسه=ومـرة مـنــبــع الـطـيب ومـحــيـره
وابـوحـمـزه بـدع فـي نـفـس قافه=هو اقدم لو غدت ماهـي شهـيره
وثـالـثـهــم حـمــيـــدان الـشــويــعـــر=وجـاب الشيب لاشـعـشــع نذيره
وحرف الـباء شمـخ فـيـه الـخلاوي=وحسرات الـمهـادي مع قـصــيـره
وجـاب الـدسـم جـزلات النـصايح=ونـوره بالـعـشـيــر وغــرس بـيــره
ولـبــديـــوي نـظـم شيـخـة عـتـيـبـه=وقــاف مويـضــي الـريـم الـنـظيره
وقاف خـضـيـر في مدح ابـوخوذه=وابـومـالك له امـثـال(ن)عـطـيره
ولــــدغــــيــــم ومـن جـــــاراه فـيـــهـــا=على اللي عـانـده حـسـدٍ وغـيره
وابـن مـجـلاد فــي ذكـر الـقهاوي=وقـيــفــــان الجـمــيــلـــي بـالــغـــريره
والادغم جاب ذكـر الـشـيـب فـيـها=وجـهــويـل الـنـوابـت ذاق ميره
وبـنـــدر جـــاب مـن يـفـخـر بـمـالـه=ومحـسـن بالـذي حـاسـوا مريـره
وابـن ورده وقــــولٍ لـلــــزلامــــي=وضيدان الـعــوارض فــر سـيــره
وحرف الــتـاء نـظم فـيـه العـواجـي=نـخــى فـيـهـا الـسـباع المستذيره
وبـخــوت الـتـي شــاعــت حــروفــــه=وثـنـتـيـــنٍ تـداخــل فــي مسيره
ومــع ثـنــتــيــن يـرثــيــهــم بـحــســره=وموضي عـانـدت شـيـخ العـشيره
وابـن هـــذال والـــنــجـــمـــه تـــنـــاوش=مع هـضيـبــان بـعـصور(ن)نكـيره
ومــيـــزر فــي شـقـيـــقٍ صـــار والــد=وقـيـفــان الـفـلـيـحـي فـي قصيره
وحرف الـثــاء صعيب(ن)في مشده=وقليلٍ بالـعـرب من ذاق مــيـــره
ونـاجـــي شـــــدها بـعـــبــيـــد وابــــدع=وكاد القاف يـظهـر لك صـريره
وحـرف الـجـيـم وابـيـات ابن غــازي=وكـنـعــان الـذي فــارق بـعـــيــره
ولـيـل الـلـي من الـعـجـمــان يـرجــي=ورجوى الريم مانـضـمــن مصيره
وتـوضـيــح السـديـري فـي حـســوده=وعادي وابن سعدي عقب حيره
وبـــنـــــدر جـــاه مـــرات عـــــديــــده=وثـامـر فـي رثـى الذي ذاق خيره
ولابــن عـون الـعـتـــيـبـي فـي غـرامـه=وقـاف اللي لـبـقـعــاء رف طيره
وحــرف الـحـــاء بـيـوت الـمـشلـحـيــه=وقـاف بــداح لـلـــريـم الـغـريـره
وقاف ذعار فــي كـيــف الـنــشــامــى=ومن يـمـدح صـنـيـتــان وضـفـيره
وراشــد يــوم يــذبــح عـــنــز طــفــلـه=ومـرشــد روبــع الـقــاف العسيره
ولابـراهـيــــم فــي رجـــوى شــريــفـــه=وهـي تـشـكـي مـرضـها في سريره
وحــرف الـخــاء لاخـو رثــعـــه نـوادر=ولابن عنـقاء عن الحرب القشيره
وفـيــهـــا لـلــسـبـيــعـــي حــرف فاخـر=وهـو نـاجــي وقـيــفـــانــه مـثــيـره
وحــرف الــــدال لــرمـــيــزان طـيــــبــه=ولابـن هـذال بــه عــفـه وجـيـره
ومـع عـشـــريـن حـكــمــه للـخـلاوي=وابن حـثـلـيـن سـجـنـه مايـضـيره
وابـوزيــــد الـــهــــلالــي لاجـــل عـلــيــا=تشـادي غرسة الرمل الـخـضـيره
ولـلــهـــربـيــــد فــي ذكـــر اربـعــيــنــــه=وابوسـلـمـــان بـالــطــيـــر وحـجيره
وسـاكــر عـقــب ذبــح اهــل العـباده=من الـلــي جـهـلها حاس الشعيره
وخلف يظهر على الـشـعــلان وجــده=وهو يشكـي من الساق الكسيره
مثل بـنـت الـسـلـيـطـــي يـوم عـيـده=غــدت حـكــمه لمن يطـرف نظيره
وحـرف الـذال فـيـه حـروف خـالـد=وجواب(ن)للسديري عن هجيره
وسـجـالـي مـع مـبـارك جـبـت حرفه=وهـو بـالـقـــاف قــام وطــق زيــره
وحـرف الــراء خذى طـيـبه مجـيدع=ولابـن سـعـود تـركــي بـالـمـعـــيـره
وقـيـــفــــان الـدجــيــمـــا قــبـــل مــوتــــه=ومـرشــد يـشـتـكـي حـقــران اميره
والاشـقــر فــي جــواب اللي تعدى=وساجــر جـهـــز الـخــيـــل الـمغيره
ولابـن شــريـــم قــــاف ذاع صـيــــتـــه=وابـن هــــذال وحــروفـــه وفــيــــره
وقـيـفــان الخـــشــيـــم وشـــرح عـــذره=وفيصل وربع الكذب صارو نـثـيره
وشـرهـات الـدقــيــس بـفـــعـل مــانــع=ولابـن روسان بالـعــيــن الــقــريـره
وقـيــفــان الـشــريـــف مـحــمــد الـلــي=شــرح بــه وقـعة(ن)كانت ضريره
وعـن بـيـــت الـعــنـــود احـــذر تـمـره=وفـيـــه اربـــع شــواعــيــر(ن)تـديره
وحــرف الـزاء لابــن لــعـبـون ورده=رثـى اللي مات بحـروف(ن)كـديره
ومطـلــق يـوم عـاف الـدار واشـمل=لـو انــه نـام فــي يـابـس حـصـيـره
وابـوغـــلاب لــه قـــاف(ن)عـجـبــنــي=بوصف الـجـيـب لا جـاك بـصفيره
وابـن مسيـعـيـد فــي زيــن الاجــازه=وتـحـتــه مـوتـــر(ن)تـسـمـع هديره
وحــرف الـسـيـن تركي في هـجـوسه=وابن شعـلان بـحـروف(ن)نـديـره
وقـضـيـب الـلـي عـطاه الشور صادق=ولـغــريـــب بـهــا شــرهــه وغــيــره
ومـع والــد دبـــــاس الـلـــي تـضـــايــق=وغـــانـــم قــالــهـــا مـثــل الـنـــقـــيــره
وحــرف الـشـيـن قـاف رمـيــح فـاخر=وفـجـحـان الـفــراوي فـي سـريـره
وفــيـــهـــا لـلـــكــــذيـــبـــــا قـــــاف رايــــع=شـراري بـالـهــوى مـا طـار طـيره
وقـــيـــفـــان الـنــصـــافــي نـصــح لابــنــــه=بـيـوم الـعـيـــد بـالـذكـرى جـديـره
وقـــال الــعـــرفـجـــي نــقـــوة زهـــوره=عـقـب حرب(ن)مـضـاربـهـا شطيره
ومـطـنـي فـي وصـوف الـزيـن حـطــه=وللــي شــابــت الـلـحـيـــه فـقــيـــره
وحــرف الـصــاد نــادر فــي حــروفــه=وابــن سـراح يـشرب من غـديره
ولـمـبــارك شـكــى بـالــهــجـــر حـصــه=ولــي بالـلــي خـبــاثـتــهــم كـبـيــره
وحـرف الـضـاد لـلـــريـــم الــرشـيـدي=وقــاض الـقـيــض والفرقى خـطـيره
وفـيـــه لـنـــمـــر مـــع ســـاكـــر جــزايـل=وابــوزويــــد ذلــولـــه يـسـتــخــيــره
وابـن دويــرج ويـرثـــي فـيــه حـضــه=وبـعـض حـظـوظ خـلـق الله عـثـيره
وحـرف الـطـــاء بــدع فـيــه الـجـمـيـلي=وبـالـــذرفـــان بــايـق تــقــــل نــيـــره
وحــرف الــعــــيــن وابــن غــيـــام زاره=وبـيــع كــروش نـسـمــع عـن نـذيره
وقـاف خـضــيـر فـي مـدح الـتـمـيـمـي=هو امـدح بـيـت بـاشـعـار الجـزيره
وقــاف بـريــك فــي نـخـــوى كـفــيــلـه=ولـجــريـس الـيـمــانــي مـع قـصــيـره
وحــرف الـغــيـــن ذكــره صــار نـادر=لان الــحـــرف قـيــــفــــانـــه عـسـيـره
وحـرف الـفــاء مـقــامــه فــي عـنــيـــزه=مـع الـقــاضـي شـرب صفوة عصيره
ولـلــنـجـــدي مـن الــويـــلان شــيــخــه=وزيـــد(ن)حــطـــهـــا واخلص ضميره
وجـــار الـمـــطـرفــي يـرجــي شـيــاهـه=وفـكــوهــا عـلــى الـخـيــل الـمـغيره
والاشـقــر لـــف لافــــوف الــقـــوافـي=بشعر(ن)يـنـعــش الــروح ويـثـيره
وجـدي صــاغ مـشــي الـسـاق حـافي=ومـخــــلــــد يــوم بـلـــواه الـكــبــيــره
وحــرف الـقـــاف والـقـــاضـــي قـضـعـها=وفـيـصــل شــاف بـربــوعـــه نكيره
وللــهـــربــيـــــد مــع راجــي مـســاجـــل=وحــواس وقـــوافــيـــــه الـمــطــيـره
وحـرف الـكـاف لابــن شـريــم طـيـبـه=ولابـومـالـك هـي الـورد وصـديره
ولـلـــنــوري جــواب(ن)فـيـــه عــبـــره=ولـه روح(ن)عـلــى الـدنـيـا خـبيره
وسـاكـــر يــوم يـدعـــي لاجـــل خـلــه=قـبــل يـنــدم وربــه يـســتـــخــيـره
وحــرف الـــــلام بالــحـــكــــمــــه مـــداره=لـعــبــدالـلــــه ولـلـــقـاضــي نـظـــيـره
وجــاسـم جـــد ابــن ثـانـــي بــدعـــهـــا=وابــن لـعــبـــون مـلـفــاه وسـفـــيـره
وحـجـرف يـوم شاف الداب الاعـمى=وقــاف جــديــع طـلـق بـــه عـشــيره
وبنت الـشـبــرمــي تـنــخـــى ربـــوعـــــه=وابـن فـاضــل وبــاروده تــثـــيـــره
وابــوزويـــد عـطــى جــزل الـنــصــايح=وهـي تـغـنــي عــن الـقـــاف وكـثـيره
وحــرف الـمـيــم لـبــريـــك الـصخــاوي=ولابــن سـرور وبــحــوره غــزيــره
ومن شـهــران فــي ذكــر الـعـــمـــامـــه=وابـن شــافــي وقـافــه جــاب غـيـره
مـثــل راكـــان وسـجـــال ابــن هــادي=وابـن ريـفـــه كـمــالـــزمـل وهــديــره
وســاكــر فــي وصــوفــــه لـلـــركــــايــب=وفــوزان الــتــــبــــانـــا طــــب بــيــــره
وحـرف الـــهـــاء لـعــبــدالــلـــه تـشـاكـى=وابــن غـســـلان وحــروفــه عـطيره
ولـلـــقــــصـــاد فــــي راع الـمـــشـــــوره=وابن خــربــوش بالـلــي ذاق خيره
ونـيــران الـــمــــطـــوع قـبـــــل مــوتــــه=ونـصــح عـبـيـــد لاجـيـــالـه بـريــره
ولابن عـضـيـب من قـحـطــــان يــذكـــر=كــرامـة من رفــى الـسـاق الجبيره
وحــرف الـنــون مـع ولــــد الـــفـــراوي=لامـيـــرٍ كالـســـبــاع الـمـستـــذيــره
وضــيــف الـلـــه وشــــالــــح بـالــمـغـازي=ولابـن الـذيــب وابـيــاتــه شـهـــيـره
وابـن لـعــبــون فــي نــوح الــحــمــامـه=وابـوصــلاق بـالـــريــــم الــغــــريــــره
ولابن مشعل عـقـب تـطـلــيــق ريــمــه=ومـن جــاراه فــي نـفــس الـمـسـيره
وحــرف الــــواو مـع بـنـــت الـعــيــــاده=هياء الحربي شكت روح(ن)كديره
وفـهــد يــوم ان الاشـقــر عــاب قــولـه=ودعــواتــه عـلــى نـجــد الخـطـيره
وابــن حــشـــاش مـقــبـــل بـالـحــبـايـب=وابـن دهـمـــان مـن نـقــوة ظـفـيـره
وحــرف الـيـــاء شـمـخ قاف الــقــريــفــه=غـدى شـيـخـه وسـاسه مع وزيره
وشـالـــح فــي رثــــاء ذيــب الــســـرايــا=دمــوعــه قـبــل لايـذبــح غـــزيــره
وجـزاء الـحـربـي عـلـى غـيـبـة ظـعــونه=على الـطـرق الـجـنـوبـي فـي عبيره
ومـحـــدن حـــاز بـالـــقــــاف الــصــــداره=ولا لـه مـنـطــقـــه والا عــشـــيـــره
واشـوف الـجـزل فــي وايــل سـنــــامــه=وبالـحـكـمـــه لـهـــم روحٍ خـبـــيـــره
وخـيــر الـشـعـــر لـلـــي كـــان صـــادق=من الـلــي لاحـكـم يدرى ضـمـيـره
نـظـمــت حــروف الاشـعــار الـثـمـيـنــه=بـكــل اجــيــــالـــهـــا بـالــمـسـتــديره
وتـراهـــا اربــع مـن الاجــيــــال راحــت=ونـهـــج الـجــيـــل مايـشـبــه نـظــيـره
الاول هــو قـــــديــــم الـشــعـــر كــــلـــه=وقـف فـيــه الـخـلاوي مـثـل امـيره
وثــانــي جــيــــل لـلــقــــاضــــي مـحــــمـــد=ويـضــم فـحـول تــاريــخ الـجــزيــره
وثـالــثــــهـــا الـخــضـــارم جـــيــــل بــنــــدر=يـصــب حـــروفــهـــا مـايـســتــعــيـره
ورابـعــهــــا حــديـــث الـشـعــر حـاضــر=ضـعـيـف الـقـاف والنـظـره قـصيره
وجــمــعـــهـــا كـلـــهــا الـعــمـــــار وابـــدع=ابـوخـــيــــشـــه وداجــــه مــع نـشــيـره
بــــدع ألــفــــيـــــتــــه مــن نــــار جـــوفــــه=مـهـي رقـصٍ عـلـى نـغـمة سـميره
وانـا مـثـــلـــــه نـظـمـــت الألــــف زاهـــي=في ســت بـيــوت وعيوني سـهـيـره
بـهـــا مـاشــفــــت مـن طـــبـــــع الــــبـــرايــا=ولي روحٍ على الـمـعـنى جسيره
سـبــايــب مــن يـغــرك كـــثــــر هــرجـــه=وعـنـــد الـكــود يـوذيـك بـشــخـيره
طـبـــوعــي طـــبــــع شـيـــبـــانٍ لـقــيــتـــه=يـرون الـكـــذب لـلـعـــاقــل مـعــيـره
وانـــا قـاسـيـت مـن طـبــعــي عـجــايـــب=وقـمـت ادعـي ولـيـــي واسـتـخــيره
تـغـــار اهـــل الـمـراجـل مـن بــعــضــهـــا=مـثـــل غــيــرة نــويـر مـن مـنــيــره
ســرت حـتـــى عـلــى صــف الــقـــرابـــه=وعـاثــت بـالـمـوظــف مـع مديـره
وعـنــهـــم دجـــت بـريــاض الـقــوافـــي=مـع الـشيـــبـان وعـيـــونــي بـصـيـره
ولـزمـــت الـــصــــدق بـالـتــــاريـخ كــلــه=وراع الـطـــيـب مـايـظـــلـــم ضــمـيـره
ودرب الـكـــــذب مــايـمـــشـيــه عــــاقــل=وطـيـب عـمـيـر مايـعــطـى عـمـيره
وظـلـــم الـنــفـــس لاجــل الــمــــال خـســه=تــقـــع بـالــبــــيــر والا فـــي شـفــيره
لـك الـلــه مــا ظـلـــمــت الـنــاس كـاذب=يـلـو نـامـت جـنـوبـي فـي حـصـيره
ولـو طـــعـــت خـلـــق الـلـــه بـهـــرجـــــه=تشوف امـوالــــنــــا تـجــري وفــيــره
وكـيـــف اظــــلـــم رجــالٍ فـــي قـبــوره=واحــط اهـل الـنـقـى مـثــل الثـبـيـره
وصـرت امـشـى عـلــى درب الحـقــيـقـه=مـدام الـروح مــاجـــــاهـــا نـذيــره
اداوي عــــيـــن مـن يـطــرف عـيــونــي=وخـيــل الـقــوم تـغـنـي عـن حـمـيره
ابــي عـيـــنـــه تـشــوف الـــدرب واضــح=وهــو يـبـــلان فــي خـبــث السريره
واذا حـزت الـرضــى بـاهــل الـمــراجــل=عـســى الـثــيـــران مايـركــد زفـيــره
وسـقــط الـهــرج عـيــب الـلــي يـقــوله=ودرب الـكــذب وحـبـــالــه قـصــيــره
وخـلـق الـلــه تـشــوف بـعـيـــن طـبـعـه=وتـرى الــوديــان تـرجــع فــي محــيـره
ولا تـجــزى هــل الـخـــونـــه بـخـــونــه=ولا تــرجـــي مــن الــعـــالـــــم بــريــره
وراقـب من يـغـيــث الــداب الاعـمـــى=بـجــوف الـظـــلــــع وعــيــونـه ضـريـره
وصـلاة الـلــــه عــلـــى خــــيـــر الــبــــريــه=نـبـــي الـخـــيـــر والـــديــن وبـشــيــره [/poem]