قصيدة شاعر المليون خليل الشبرمي بطلال الرشيد صوت.

عزالله فواصل وخوياه وربعه وعشاقه ومعجبيه والكرم والشجاعه والقصائد
وكل أنسان يحب طلال العبدالعزيز ال رشيد أحسه بفقده
ولكنه قدر الله وايامه المعدودات رحمه الله وأسكنه فسيح جناته

وإليكم الابيات مكتوبه :

[poem=font=",5,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

عم حزنٍ عظيم رجال كـل القبايـل=وفرحة العيد ماتت مع طلال الرشيد
وحل خطبٍ جلل برجال وجبال حايل=والسناعيس شمر من قريب وبعيـد
أحسن الله عزاهم في عريب السلايل=من كسب كل طيـب وعلـمٍ حميـد
مِرثُ الجود كسَاب الثنـا والجمايـل=والنواميس والطولات عوق العضيد
ونسأل اللي اليا من سٍيل مارد سايل=ونطلب الواحد المعبـود رب العبيـد
جعله لجنة الفردوس ذرب الفعايـل=بين ظل ظليل وبيـن طلـح نضيـد
واحسن الله عزا كل العرب والحمايل=واخ وام وحرم وارحام وابنا الفقيـد
والوزن والقوافي والوفـا والنفايـل=واخوياه (وفواصل) وامسيات القصيد
والقلم والورق وطيور واف الخصايل=والكرم والشجاعه والمقال السديـد
وانتْ وأنتِ وأنا ورجال كل القبايـل=أحسن الله عزانا في طـلال الرشيـد
[/poem]



أي والله أحسن الله عزانا فيك يابونواف



بيض الله وجه الشبرمي الشاعر الكبير المميز الراقي اللي فعلا كان يستحق
لقب شاعر المليون لتميزه ولشعره رغم كل المهايطات اللي حصلت على هالبرنامج
لانه فعلا كان يستحق لشعره وأخلاقه وشعبيته الجارفه



وأنت يانديم الشووق بيض الله وجهك على هالانتقاء اللي يبهج النفس
رغم الحزن على فقد العزيز الغالي الله يرحمه


رايتك بيضاء ياغالي