....لاتوادع وانت فـي صـدرك كـلام ...

لــ / عَرشْ ذآئقتكم




,/



بان في صدر السما وجهك ، وهام..
شاعر ٍ لجلـك ، قصيـده ينثـره!
جاك يسعـى للمواصـل ،والهيـام
ومالقى غير الموادع .. واكسـره!
يا حبيبي ماعلـى العاشـق مـلام
الهـوى مـن يعرفـه مايشكـره!
ليه ساكت وانت في صـدرك كـلام
والحزن عيّـت عيونـك تستـره!
جرحـك الاول نسيتـه قبـل عـام
لاتطرّي لـي الجفـا .. واتذكـره!
الـوداع اول متـاهـات الـغـرام
والوفـا بالعهـد فالحـب ثـمـره!
كل شـئ يهـون فعيـون الكـرام
الا مـن ياخـذ جميـل وينـكـره!
مايضيع النور فـي وجـه الظـلام
ولا يهون(العفـو عنـد المقـدره)!
عاشقـك! يِفتـن وتلحقـه الاثـام
وان تأمـل قـال ذنبـي مكـبـره!
عاشقـك ! حوّلتـه الدنيـا حطـام
لااجتمـع ثقـل الذنـوب تبعثـره!
عاشقـك! نظرتـه دايـم لـلامـام
ماتلـفّـت فالسنـيـن المـدبـره!
ايتشبّـع حـزن وبصـدره زحـام
من طموحـه وامنياتـه واقهـره!
عاشقـك ! ماللجفـا عنـده مقـام
الجفـا لوهـو رجــل مـاقـدّره!
وان نويت تروح وتثيـر الخصـام
في ضواحـي نفسـي المتكـدّره !
اتـرك اجمـل ذكرياتـي والوئـام
واخذ حلمي في طريقـك واقبـره!
لاتحاتـي ليلـة الفـرقـا ونــام
وخل لي ليل الهواجيـس اسهـره!
يامهيّضني علـى صـوت الحمـام
ويامعيّشنـي بصمـت المقـبـره!
لاتوادع وانت فـي صـدرك كـلام
دام دمعك يفضـح اللـي تستـره!




مودتي