هَاتْ لا ضاقَ المكَانْ .. آنا سِنينِكْ ..

ليتك صبرت شويْ ..
وإلا رضيت بهالمكان شويْ ..




والا تحملت وصبرت لخاطري ، يمكن يبيك بشيْ ..



يمكن يبيك بشي ..
يمكن يبي يلقى لصمته في هدوئك طيْ ..



يمكن يبي يقهر ظلامه وانهزامه ..
يمكن يبي يحرق غموضه فيك وعيون السآمة ..



يمكن يبي ينثر عليك أزكى سلامه ..
يمكن يبيك إتـّرجمْ لغيره كلامه ..
لكن ، وأنا مدري وش اللي جاك ، لكنك ، رحلت ..



وآآخ ..



ياليتك صبرت شوي ..
والا رضيت بهالمكان شوي ..



ليتك صبرت لقلبْ ودهْ لو يموتْ بْجانبينك حي ..
ليتك صبرت لعينْ ملتْ تكتم الصيحه وهي ؟؟ .. هيْ .!



ليتك صبرت لخدْ حالفْ ما يذوق مْنَ المدامع شي
ليتك صبرت لدمعْ حايْر بين قول العين: (طِحْ)
وبين قول الخد: (عَيْ)



ليتكْ ، وأنا مدري وش اللي جاك ، لكنك ، رحلتْ ..
وآآخ ياليتك صبرتْ ..
والا صبرتْ شوي ..
والا صبرتْ لخاطري .. يمكن يبيك بْشيْ ..
والا قهرْ !! ليتي سبقت الوقتْ .. والساعةْ .. وكمْ لحظةْ ..
وجيتْ قبلْ شْوي !!

ماتنتهى ايامك
على النيه
نسير هنا على النيه ونترقب كل حرف حرف
تمتلكى القوه بالاختيار ولا نملك سوى المكوث هنا طويلا
ويقصر الكلام امام ابداعك سلمتى ولاهنتى ودمتى بصحه وعافيه

تقبلى مكوثى هنا
وتقديري لك واحترامى