متي تتطور مدارسنا بالسعوديه؟!!

اقتباس:

المشاركة الأصلية كتبت بواسطة نانااا

أنا درست هنا بالسعوديه لمن جيت اول ثانوي بمدارس دار المعرفه ..وكنت أعتبرها من احلى أيام حياتي الدراسيه..(يمكن لأن بنت عمي معاي بنفس الصف) والحمدلله ما قصروا معانا , وللحين بطولات السلة هم اللي ياخذون المراكز الأولى على مستوى مدارس جده..(أهم شي عندي كرة السله ههه) .. اللي بجده أنصحها تدرس فيها لأن التعليم كمان توب..
بالنسبه لبنات عمي اللي بالمدن الثانيه وصاحباتي اللي معاي بالجامعه لمن يحكون لي كيف الدراسه عندهم كرهت المدارس عندنا تخيلي لدرجة انهم يعطونهم ملخصات يقولون لهم ذاكروا منها حتجيكم بالاختبار..ليش انا جيت عشان الاختبار بس والا عشان أتعلم وأستفيد؟!
وما عندهم غير الملاهي اللي يودون الطالبات لها !! وكأن الرحلات بس ملاهي ولعب..وما استفادوا أي شي من الرحله..
وشفت قبل كم من يوم مسلسل الساكنات في قلوبنا المدرسه اللي احترقت وهذا شي حاصل لان قبل قد سمعت انو فيه مدرسه احترقت بمكه وماتوا طالبات كثيير..الله يرحمهم.من جد مدرسه تخوووف كأنها سجن حتى السجن أحلى وأكبر..
والا المهزله اللي سايره الحين سالفة اختبار القدرات اللي القصد منها سلب الاموال طيب واحد ما عنده فلوس وفقرااان وش يسوي؟! ما يدرس؟! يقعد بالبيت؟! هو حنا ناقصين بطاله!!
ويقولون ليش الفقر نسبته تزداد ..لان الفقير اللي ما عنده واسطة عشان يتعلم أو يتوظف بيقعد بالبيت عطالي بطالي والغني اللي عنده واسطه اللي مو وجه مسؤليه ياخذ الراتب بالراحه .. والنتيجه=الفقير يزداد فقراً والغني يزداد غناً إذا ظهور طبقتين بالمجتمع السعودي(طبقة الفقراء المعدمين-طبقة الأغنياء المترفين)يعني شيلوا طبقة المتوسطين الدخل.
قد سمعت انو فيه ناس تتسلف عشان تدفع للاختبار ويمكن ينجح ويمكن لا بس ما عندك مشكله لو تعيد الاختبار لو 100 مره (اللهم أزد وبارك خير وبركه نلهف الفلوس من المواطنين).واحد ما تأسس صح من البدايه كيف تبغونه ينجح؟!
إذا أسستوا الطلاب صح وعلمتوهم صح هذيك الساعه حطوا اختبار قدرات.
هذي نتيجة سكوتنا وعدم احتجاجنا..وهذي نتيجة الفساد الاداري,والا الميزانيات اللي بالملايين تنفق لحساب التعليم وين راحت؟!
شكراً ع الموضوع ..تقبلي مروري.

ماشاء الله عليكِ عزيزتي أجل دراستك بجدة ممتعه..

معناته المستوى متفاوت من المدن الصغيره

عن المدن الكبيره..تسلمين ومشكورة على مرورك

وردك..حياك الله.