لاصار جو البر يمخش اياديك خله يجي قرم يسوقه بدالك

[align=center]
شاعر يعزي الشاص عقب ماركبوه الخكاريه
[/align]






















[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

يا شاص جيتك ناوي اليوم أعزيـك=قرب يجيك الموت حـان ارتحالـك
من يوم شفنا لابس الكـاب راعيـك=مدري وش اللي غير اليـوم حالـك
أبـو سبيـب كنهـا كشـة الديـك=مشـي وكنـه مـوردك للمهالـك
إن كـان ذا حالـك فحنـا نخليـك=يوم الربـع قالـو ترانـا رجالـك
عقب الكوامر والعبث بالشرابيـك=واليوم فوق الشاص عقب الكدالـك
مـا بـاقي الايقلبـونـك توماتـيـك=ويبـدلـون المرتـبـه بالمـدالـك
مادام حطوا لـك جنـوط وسيراميـك=اصبر تحمّـل كـل شـي ينالـك
يا للي ركبته وش تبـي بالمهاليـك=غلطان أبوك اللي رضا واشترى لـك
الشاص ماهو لك ولا هـوب باغيـك=الشاص لرجال(ن) تعرف المسالك
لاصار جـو البـر يمخـش اياديـك=خله يجـي قرم (ـن) يسوقـه بدالـك
مدام طوقك مرتفـع عـن علابيـك=وأبـوك زود بالنعـومـة دلالــك
عز الله إن أبوك عجز(ن) يربيـك=ولامسك نصب المساحـي شمالـك
لمـع وظلـل صافيـات الشبابيـك=لا يفارق الفيري مع الوقـت بالـك
الشاص مالك به أقصار خطاويـك=حـدك تراه الدائـري هذا مجـالـك

[/poem]