والتمر بدل بين فستق وباجه

ياليت مابـه تغطيـه عنـد هـداج
ولا يغطيه بث(ن) يزيد انزعاجـه

عما يقيض النفس والشوف ينبـاج
وأقطن على هداج بواسـع فجاجـه

والبيت مابه لمبة (ن) عنده سـراج
ونفطر على بر( ن) يصلح بساجـه

وش ضر الاول علمهم خوش منهاج
الصدق فيهـم وابتسامـة حجاجـه

قلوبن توالف مابها غيض وعـواج
والكل منهم صافيـن فـي مزاجـه

واليوم في نعمه وبه خيـر وهـاج
بس الحسد واجد ودينـك علاجـه

ونوع الماكول مـع قشطـة التـاج
والتمر بـدل بيـن فستـق وباجـه

ماغير اوضاع العرب يابن فـراج
وضاقت عليهم مثل عنق الزجاجـه

كثر التباغض والوشايـه وهـراج
الجار مايزورك و عـده خواجـه

يصد عن جاره تقل خايف احـراج
خايف من الواجب ولو هي دجاجه

لله در الطيـب لـو صاحبـه داج
مايسهج الواجب وعيب(ن) سهاجه

ماهو شبيه اللي صعد رؤس الابراج
اللي صعد بالكذب غبار(ن) عجاجه

ويالله يارازق ضعيف(ن) ومحتـاج
رزقك ولانطلب من الخلق حاجـه